Қазақтың ұлттық ойындары сыныптан тыс жұмыс 7 сынып

Тақырыбы: «Қазақтың ұлттық ойындарының тәрбиелік мәні»

танымдық сабақ

Қатысушы сыныптар: 5-7 сынып оқушылары

Қызылорда облысы, Қармақшы ауданы, Ақай ауылы,

№279 орта мектебінің дене шынықтыру пәнінің

мұғалімі О. Ибраев

Сабақтың тақырыбы: «Қазақтың ұлттық ойындарының тәрбиелік мәні»Сабақтың мақсаты: оқушыларды қазақ халқының ұлттық ойындарымен таныстыру, олардың тәрбиелік мәнін түсіндіру, батылдық, ептілік, ұйымшылдық тәрізді жақсы қасиеттерін дамыту.Көрнекілігі: Көрме «Қазақтың ұлттық ойындары»Күтілетін нәтиже: Ұлттық ойындар туралы мәліметтер алады; Олардың түрлерімен танысады; Шығу тарихын зерттейді. Топпен ролдік қойылым қоя біледі. Сабақтың барысы: 1.Ұйымдастыру кезеңі. - сәлемдесу

- оқушыларды топқа бөлу - Адамгершілікке байланысты мақал-мәтелдер айту. Мағынасын ашу.

Адамгершілік қасиет ең бірінші әр оқушының отбасын сыйлауынан басталады. Әке - шешеге ешқашан дауыс көтеруге, сөз қайтаруға болмайды. Ата - анасын сыйламаған адам басқа біреуді сыйлап жетістірмейді. Ата - ананы ренжітпеу – әр баланың өмір бойғы міндеті. Үлкен адамдарға қоғамдық көліктерде орын беру, сұрақтарына дұрыс жауап беру қажет.

Бұл адамгершіліктің басты белгілері.2. Негізгі бөлім. 1. «Ой қозғау». Интерактивті тақтадан «Қазақтың ұлттық ойындарының» суреттерін көрсету. Оқушылар қандай ойын түрлерін көргенін айтады. «Өзге халықтар сияқты қазақтың да ертеден қалыптасқан, атадан – балаға мұра болып жалғасып келе жатқан ұлттық ойын-сауық түрлері бар. Зер салып байқап отырсақ, ол ойын-сауықтар қазақтың ұлттық ерекшелігіне, күнделікті тұрмыс-тіршілігіне тығыз байланысты туған екен және адамға жастайынан дене тәрбиесін беруге, оны батылдыққа, ептілікке, тапқырлыққа, күштілікке, төзімділікке т.б. әдемі адамгершілік қасиеттерге баулуға бағытталған екен» 2. Ойын дегеніміз тынысы кең, алысқа меңзейтін, ойдан – ойға жетелейтін, адамға қиялымен қанат бітіретін осындай ғажайып нәрсе, ақыл – ой жетекшісі, денсаулық кепілі, өмір тынысы.Сонымен, ұлттық ойындар балаларды әдептілікке, ұқыптылыққа, тәртіптікке, әрекетті жинақтауға және жоспарлауға үйретеді.

Қазақтың ұлттық ойындары бес түрге бөлінеді. Олар:

1.аңға байланысты, 2.малға байланысты, 3.түрлі заттармен ойналатын ойындар,

4.зеректікті, ептілікті және икемділікті қажет ететін, 5.соңғы кезде қалыптасқан ойындар.

Бұл ойындардың көбісінің ежелден қалыптасқан арнайы өлеңдері бар. Өлеңдер ойынның эстетикалық әсерін арттырып, еңбекке баулиды, ширықтырып, шынықтырады. Әрбір ұлттың өзіндік тарихы, тілі мен діні, салт-дәстүрі, өнерімен қатар ұлттық ойындары да болады. Қазақ халқының еншісінде де бірталай ұлттық ойындар тізбегі бар. Қазақ…