8 наурызға арналған 4-сынып музыкалық кеш сценарийі

Музыка әуенімен залға гүл ұстаған ұл балалар кіреді.

Жүргізуші:Балалар, бүгін әжелер, аналар және қыздар мерекесі ғой. Бәрі дайын ба? Ешкім кешіккен жоқ па? Біздің сұлу қыздарымыз кайда екен ?

Ерасыл:- ой, қыздардың әдеті емеспе айнаның алдынан шықпайды шаштарын тарап, боянып кешігіп жатқаны сол.

Жүргізуші: Жарайды,балалар, ашуланбаңдар бүгін қыздарға бәрі де болады себебі олардың мерекесі емес пе? Міне, қыздардың өздеріде келе жатыр,қарсы

алайық!

Әсем әуенмен сүп-сүйкімді сұлу қыздар кіреді.

Жүргізуші: Қараңдаршы, біздің қыздар қандай әдемі болып кеткен. Ұлдар қыздарға гүлдерін сыйлайды. Барлығы өз орындарына тұрады.

Жүргізуші : Аяулы біздің аналар мен әжелер. Сіздерді бүгінгі көктемнің алғашқы мерекесі Халықаралық әйелдер күнімен құттықтаймыз. Біздің сәбилеріміз сіздерге,аналарға деген ыстық лебіздерімен шексіз махаббаттарын өз өнерлерлері арқылы жолдамақ .

1 бала :

- Армысыздар, құрметті қонақтар ! Ақ жаулықты әжелер, асыл да аяулы аналар бақшамыздың ұстаздары, ару қыздар!

2 бала :

- Білесіңдер ме балалар, ана деген өзі керемет асыл жан. Менің анам ,мен кішкентай кезінде, не айтсам соны әперіп, түн ортасында шөлдесем шырын беретін.

3 бала:

- Ал менің анам ұйықтар алдында ән айтып, ертегі айтып, оянғанда жүрегіме жылу беретін сөздер айтады.

1. Үн қатасың бал тіліңмен,

Еркелеймін әр күні мен.

Құттықтаймын анашым,

Сегізінші наурызбен.

2.Көктем келді шуақты

Балаларды қуантты.

Алақай-ау, алақай!

Құстар сайрап,бақтар жайнап гүл атты!

Жүргізуші:Көктем мезгілі аналардың мейрамын алып келді,күн жылына бастады,қар еріді,құстар ұшып келеді, ағаштар бүршік атады, гүлдер көп болып өседі.

Хор: Көктем келді.

Балалар музыка әуенімен орындарына отырады.

Жүргізуші: Қыздар, ұлдарымыз сендерге тосын сый дайындаған болатын, бізге сонау Америкадан қонақтарды шақыртыпты.

Бәрі қол шапалақтайды.

Залға екі сайқымазақ келеді. Саламатсыңдар ма достар! Қымбатты қыздар!

Жүргізуші: Сәлеметсіздер ме, сайқымазақтар.

1. Сайқымазақ: Менің атым Вили Тили. Мен сендерді сонау Америкадан

құттықтауға келдім. Хэлоу, хэлоу, хэлоу.

2. Сайқымазақ: Ал менің атым Тили Вили. Менде сендерді

құттықтаймын. Балалардың қолдарынан ұстап амандасады.

1. Сайқымазақ: Біз бүгін мереке бойы сендерді күлдіріп, көңіл күйлеріңді көтереміз.

2. Сайқымазақ: Ал қазір біз сендерге акробатикалық номерді көрсетеміз.

Сайқымазақтар басынан тұрып, құлай береді.

Жүргізуші: Қой, Тили Вили, Вили Тили мойындарыңды ауыртасыңдар, одан да біздің балалардың биін қабыл алыңдар.

Ой балалар, балалар,

Ойнайық та күлейік.

Қане енді бұрылып,

Би билеп те берейік.

Би: «Тәттілер» биін қабыл алыңдар.

1. Сайқымазақ: Қандай жақсы би (қимылдарын қайталап тұрады), Жүргізуші:Вили Тили, біз мерекені жалғастырайық, әжелерімізді де

мерекелерімен құттықтаймыз, «Қариясы бар үйдің қазынасы бар» деп бекер айтылмаған. Келесі құттықтауларымыз сіздерге арналады құрметті әжелер.Әжелер туралы тақпақтарын айтуға ортаға балаларды шақырамын.

Тақпақтар:

Әже деген көп шығар,

Әжемдей менің көп шығар.

Мейірімді бұл кісі,

Қандай ғажапкүлкісі.

Таусылмайды өлеңі,

Күнде айтып береді.

Барған сайын бір жаққа,

Кәмпит алып келеді.

Әжем мені өйткені,

Өте жақсы көреді.

Любит наша бабушка,

С нами поиграть.

Любит наши песенки,

С нами распевать.

Жүргізуші: Біздің Бақдәулет ұлымыз әжелерге арнап ән дайындаған екен әнді қабыл алыңыздар.

Ән: «Қайда әже».

Машинаның гуілдеген даусы естіледі,музыка әуенімен мыстан бикеш кіреді.

Мыстан бикеш: Мұнда не қылған мереке болып жатыр?Сендер неге соншама мәз болып отырсыңдар?

Жүргізуші: Сен кімсің? Неге мерекеге кедергі жасап тұрсың?

Мыстан бикеш: Мен Мыстан бикешпін, сендер не мені таныған жоқсыңдар

ма? Сендер Мыстан кемпірді білесіңдер ме? Мен оның жалғыз сүйікті немересімін.

Сайқымазақтар: Ал Мыстан кемпірдің өзі қайда?

Мыстан бикеш: Ол пенсияда ғой! Енді мен оның орынбасары боламын. Енді мен барлық мерекелерді бұзамын. Сендердің де ертеңгіліктеріңді бұзамын. Болды қайтыңдар үйлеріңе, мереке болмайды.

Жүргізуші: Қалайша?! Біз бүгін аналарымызды құттықтаймыз ғой, неге кетуіміз керек? Біз ешқайда да кетпейміз.

1.Сайқымазақ: Мыстан бикеш сен өзің үйіңе кет (оған үрлейді).

2.Сайқымазақ: Иә, үйіңе бар (мыстан бикешті итереді).

Мыстан бикеш: Солай ма? Ал қазір мен сендерге көрсетемін. Менің шляпам

сиқырлы, қазір мен сендерді бақаларға айналдырамын. Қане сайқымазақтар бақаға айналыңдар (шляпасын тербейді).

Сайқымазақтар бақа болып бақылдай, секіріп залдан шығады.

Мыстан бикеш: А-ха-ха, енді сендерді ешкім күлдірмейді, көңіл күйлеріңді

ешкім көтермейді.

Жүргізуші: Мыстан бикеш, сен не істедің? Балалардың мерекесін бұздың ғой.

Мыстан бикеш: Иә, ал сендер маған не істей аласыңдар?

Жүргізуші: Мыстан бикеш сен бізге Вили Тили мен Тили Вилиді қайтаршы.

Мыстан бикеш: Ал сендер маған олар үшін не бересіңдер?

Жүргізуші: Біз саған гүлдер жасай аламыз.