9 мамырға арналған мерекелік кештің музыка пәні сценарийі

Мақсаты: Ұлы Жеңіс туралы мағлұмат беру. Отан үшін жан қиған аталар мен апалардың, соғыстан оралған, қазіргі кезде арамызда жүрген ардагерлеріміздің ерлігін үлгі ете отырып, оларды құрметтеуге тәрбиелеу.

Марш әуенімен музыка залға балалар кіреді.

Жүргізуші:

Армысыздар, құрметті қонақтар! Әрқайсымыз үшін жақын әрі қымбат мереке Жеңіс күні де келіп жетті. Ұлы Отан соғысының жеңісіне 76 жыл толып отыр. Бұл мерекені лайықты атап өту қазіргі ұрпақтың парызы деп білеміз. Жыл өткен сайын Отан үшін болған ұрыстың маңызы және онда қаза болған бабаларымыздың ерліктері мәңгі жадымызда.

Хор: «Жойылсын соғыс» педагогтар хоры

Жүргізуші:

Ел үшін еңіреп, жанын құрбан еткен аталарымыздың рухы мен елге сүйінші хабар әкелген ардагерлеріміздің есімі ешқашан ұмытылмайды деген ниетпен балаларымыздың гүл шоғын қоюға рұқсат етіңіздер.

Елге қауіп төнбесін,

Егестен адам өлмесін!

Есен-аман болайық,

Енді соғыс болмасын!

Өртенбесін туған ел!

Шайқалмасын асқар бел!

Жүргізуші:

Тарих кеші үнемі жаңаланып отырады. Десе де ұмытылмайтын, ескірмейтін тарихи оқиғалар болады. Соның бірі әлемді дүр сілкіндірген екінші дүниежүзілік соғыстың қасіреті мен Ұлы Жеңістің қасиетін батыр ағаларымыз бен апаларымыздың ерлігін ешкім де ешқашан ұмытқан емес. Әлемді дүр сілкіндірген оқиға 1941 жылы маусымның 22 - де болған еді. 1941 жылы миллиондаған адам сұрапыл соғысқа аттанды. Барлық жұмыс соғыс талабына сай ұйымдастырылды. Партизан отрядтары құрылды. «Бәрі де, соғыс үшін» деп ұран тастады. Сол кездегі Кеңес елінің бірлігі мен достығының арқасында 1945 жылы 9 - мамырда Ұлы Жеңіспен аяқталды. Міне, содан бері 76 жыл мерзім уақыт өтті. Биыл Ұлы Жеңістің 76 жылдығы.

Интерактивті тақтадан соғыс жылдарындағы көрініс слайды көрсетіледі.

Жүргізуші:

Жер бетін қан сасытқан соғыс бітті!

Жер бетінен жамандық мүлдем үрікті!

Жеңістің жарқын күнін жыр қыламыз,

Аспандатып жырлаймыз жақсылықты.

Балалардың жеңіс күніне арналған тақпақтарын қабыл алыңыздар:

Хор : Ел қорғауға әзірміз

Би: Сарбаздар биі

Тақпақтар:

1.Соғыс бұлты төнгенде,

Серік болып ерлерге.

Жаудың бетін тойтарған,

Елдің кегін қайтарған.

Армиямыз айбынды,

Армиямыз қаһарман.

Күзетеді ай нұрлы,

Күн сәулелі Отанды.

2. Біздер үшін жанын қиған,

Бас иеміз жандарға

Атақ - даңқын жеткіземіз,

Ертеңгі атар таңдарға,

Құтты болсын апалар

Құтты болсын ағалар

Ұмытпайды ешқашан

Жауынгерді балалар.

3.Қайтпаған жауыннан

Қаһарман Бауыржан

Қан ішер фашисті

Қырды ол мыңдаған

Ерлігі әрқашан

Есімде сақталады

Ұрпағы ұмытпайды

Өмірінен үлгі алады.

4.Ойлап-ойлап тұрдым көп,

Сауал бердім білгім кеп:

- Қуанышты мереке –

Жеңіс күні қай күн? - деп.

Атамнан да сұрадым,

Көкемнен де сұрадым.

Ағамнан да сұрадым.

Апамнан да сұрадым.

Тосты бәрі құлағын:

- Дұрыс, - десті, - сұрағың!

Бейбіт күні бәрі де -

Жеңіс күні,шырағым!

Жүргізуші:

Қара бұлтқа оранбасын күн көкте.

Барлық халық бейбіт өмір сүрмекке.

Отанымның бақыты үшін мерт болған,

Батырларды есіңе ұста құрметте.

Бұл жеңіс оңайлықпен келген жоқ. Ұлы Отан соғысына қатысқан батырларымыз кімдер еді?

-Ә.Молдағұлова, М.Мәметова, Б.Момышұлы, Р.Қошқарбаев, Т.Бигелдинов, Қ.Қайсенов т.б