8-сынып информатикасына функционалдық сауаттылық тапсырмалары

Информатика пәніндегі функционалдық сауаттылыққа бағытталған тапсырмалар

Құрастырушы: Айтбағамбет Жазира Есенқызы информатика пәнінің мұғалімі, педагогика ғылымдарының докторы, педагог-сарапшы

Бүгінгі цифрлық қоғамда оқушылардың тек техникалық біліммен шектелмей, ақпаратпен жұмыс істей білуі, талдап, ой қорыта алуы – басты дағдыға айналды. Осы тұрғыда функционалдық сауаттылықты қалыптастыру – білім берудің басты мақсаттарының бірі болып отыр. Әсіресе информатика пәні бұл бағытта үлкен мүмкіндік береді.

Курстың мақсаты мен өзектілігі

«Информатика пәніндегі функционалдық сауаттылыққа бағытталған тапсырмалар» атты элективтік курс 8-сынып оқушыларына арналған және аптасына 1 сағаттан, барлығы 34 сағат көлемінде жоспарланған. Бұл курс оқушылардың нақты өмірмен байланысты проблемаларды шешу дағдыларын дамытып, логикалық ойлау, талдау, модельдеу сияқты қабілеттерін жетілдіруге бағытталған.

Курс барысында Python программалау тілінде оқушыларға өмірлік жағдаяттар негізінде құрылған тапсырмалар ұсынылады. Мысалы, банк салымын есептеу, ағаш отырғызу науқанына қатысу, тұрмыстық есептерді программалау — бәрі де оқушыға түсінікті әрі қызықты форматта беріледі.

Функционалдық сауаттылықты дамыту құралдары

Курста қолданылатын тапсырмалар оқушының:

ақпаратты сараптап, маңызын анықтау;

графикалық және мәтіндік ақпаратпен жұмыс жасау;

шешім қабылдау және нәтижені болжау;

модель құру және оны программалау арқылы іске асыру қабілеттерін дамытады.

Әр сабақта оқушыға өмірмен байланысты проблемалық жағдаят беріледі. Мысалы, оқушылар мектеп оқушылары арасындағы жарыс нәтижесін анықтау, отбасы бюджетін есептеу, ауа райының өзгерісін модельдеу сияқты тапсырмалар орындайды. Бұл оқушының тек код жазуын ғана емес, логикалық тұрғыда ойлауын, нақты шешім қабылдауын талап етеді.

Жаңартылған білім беру мазмұнымен байланысы

Бұл элективтік курс ҚР жаңартылған білім беру мазмұнына толық сай келеді. Бағалау критерийлері, дескрипторлар арқылы оқушылардың білім нәтижесі әділ бағаланып отырады. Сонымен қатар, курс аясында оқушылардың жеке, жұптық, топтық жұмыстар орындау арқылы коммуникативтік, зерттеушілік және жобалау қабілеттері дамиды.

Тапсырмалар үлгісі

Жағдаят:

Мектептің информатика кабинетіне жаңа жұмсақ жиһаздар сатып алу жоспарланды. Әртүрлі жиһаз салондарынан ұсыныстар жиналып, төмендегі кесте жасалды. Мекеме бюджетіне сәйкес тапсырыстың жалпы құнын, сонымен қатар ең қымбат, ең арзан және орташа бағасын анықтау қажет.

Тапсырма: