8 сыныпқа тәжірибелік бағыттағы ашық сабақ материалы

Ш.Бектасов атындағы №38 жалпы орта мектебі коммуналдық мемлекеттік мекемесі

Жақсы жетектесе - тартына көрме,жаман жетектесе - артынан ерме

(өнеге сабағы)

Елбасы Н.Ә.Назарбаевтың «Болашаққа бағдар: рухани жаңғыру» атты мақаласын ықыласпен оқыдым.

Мен халқымның тағылымы мол тарихы мен ерте заманнан арқауы үзілмеген ұлттық салт- дәстүрлерін алдағы өркендеудің берік діңі ете отырып,әрбір қадамын нық басуын болашаққа сеніммен бет алуын қалаймын деген.

Сабақтың мақсаты :

Сөз- қадірін терең ұғына білуге, баланы кішіпейілдікке,адамгершілікке,үлкенді сыйлауға,жақсыдан үйреніп жаманнан жиренуге және иманды да инабатты болуға тәрбиелеу.

Мұғалім :

«Ұяда не көрсең, ұшқанда соны ілерсің»-деген дана халқымыз.Жанұя-ол өз отбасымыз,осы отбасымызда қандай тәрбие алсақ азамат болғандада сондай тәрбие иесі боламыз.Бірінші тәрбие көзі ата-ана отбасы болса,екінші тәрбие көзі-білім ордасы мектеп болып табылады.Мектеп біздің екінші үйіміз.Ата-ана алдында шыншыл болып,үлкеннің ақыл кеңесін тыңдап,кішіге мейірімді,досыңа адал қайырымды болуларың керек.

Ата-ана мен ұстаздардың тілегі сендердің жақсы азамат болып,еңбекпен оқуда биіктен көріне берулерің керек.Бүгінгі сабағымыз ойталқы, өнеге, пікірталас сабағы болғандықтан мен сендерге саналуан сұрақтар дайындадым,сұрақтарға еркін,мазмұнды жауап береді деп сенемін.

(Оқушылардың жауабы тыңдалады)

1.Адам бойындағы жақсы қасиеттерге нелер жатады?

Осындай қасиеті бар баланы қандай бала дейміз?

Бағдат: Адам бойындағы жақсы қасиеттерге сабырлық,мейірімділік,ізеттілік,жанашырлық,имандылық,мәдениеттілік,кішіпейілділік қасиеттері жатады.

2.Ал,жаман қасиеттерге нелер жатады?

Мағжан: Адам бойындагы жаман қасиеттерге,әдеттерге өтірік айту,мақтаншақтық,көрсе қызарлық,еріншектік,сабырсыздық сияқты әдеттер жатады.

3.Өмірдегі алға қойған мақсаттарың не?

Аяулым: Менің мақсатым – үлгілі,зиялы азамат болу.Елімнің абыройын асқақтатып,ел сенімін ақтайтын адам болу.

Гулбану: Менің өмірдегі мақсатым-халықтың жағдайын жақсарту мен бейбіт өмірді,балалардың бақытты болуын,сәбилердің шат күлкісін қалаймын.Елімнің болашағы нұрлы болса екен деймін.

6.Арды адамдықтың белгісі санаған халықпыз, адамгершілік,ар-ұят дегеніміз не,

Нұрлыхан: Адамгершілік дегеніміз – адам бойындағы ең ізгі қасиеттер: жомарттық,адалдық,кішіпейілділік,жанашырлық,әділдік.Ал,ар- ұят дегеніміз адамның жан дүниесі.Ар тазалығы,инабаттылығы,ибалылығы.Орыстың ұлы жазушысы Лев Толстой «Ұялу-жақсы сезім,ең жақсысы – өзіңнен өзің ұялу»деген екен.Шынында да,адам алдымен өзінің кемшілігін көре білу керек,өзінен өзі ұялған адам өзгеге қиянат жасамайды.

8.Жаман әдеттер деп нені айтамыз?