9-сынып геометриясындағы векторларға амалдар қолдану

IQanat High School of Burabay мектебі

Пән: Геометрия

Мұғалімнің аты-жөні: Есентаева Гульнар Кобландиновна

Күні: 12.02.2025

Сынып: 9

Оқушы саны: 12

Сабақтың тақырыбы

Вектор ұғымы. Векторларға амалдар қолдану. Нөлдік, бірлік, коллинеар векторлар

Оқу мақсаттары

9.1.4.1 вектордың, нөлдік вектордың, бірлік вектордың, коллинеар векторлардың, тең және қарама-қарсы векторлардың, вектор ұзындығының анықтамаларын біледі;

9.1.4.2 векторлардың қосындысының және вектордың санға көбейтіндісінің ережесін біледі және қолданады;

Сабақ мақсаттары

Вектор ұғымын беру, қосу ережелерін үйрету, вектор түрлерін ажырата алу, ұзындығын формула арқылы есептей алу дағдыларын қалыптастыру.

Құндылықтарды

дарыту

топпен, жұппен жұмыс орындау барысында құрмет, серіктестік және жеке жұмыс орындау кезінде жауапкершілік, үздіксіз оқу құндылықтарын дарыту.

Пәнаралық байланыс

физикада, техникада кең қолданылады

Сабақтың барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

3 минут

Ұйымдастыру кезеңі.

1.Оқушылармен амандасу, түгендеу.

2.Ынтымақтастық атмосферасын қалыптастыру

Мақсаты: Оқушылар бір-біріне тілек білдіреді, тыңдау дағдыларын дамытуға бағытталады, сондай-ақ барлық оқушылардың қатыстырылуы арқылы сабаққа белсенділігі артады.

Тиімділігі: Оқушылар бір-біріне тілек айту арқылы жақындасады, көңіл-күйін көтереді және бауырмалдығын оятады.

Саралау: Бұл жерде саралаудың «Жіктеу» тәсілі көрінеді. Оқушылардың оқуға деген қызығушылығын арттыру мақсатында мүмкіндігінше оларға таңдау еркіндігі беріледі.

Бағалау

Оқушылардың белсенділігі үшін «Жарайсың!», «Керемет!» деген сақтау сөздерімен бағалайды.

5 минут

Жаңа сабаққа кіріспе

Проблемалық сұрақ:

Суреттерде қандай ұқсастық бар? деген секілді сұрақтар арқылы сабақ тақырыбын анықтау

Оқушылармен бірге сабақ тақырыбымен мен мақсатын айқындау.

1. Оқушылар сұрақтарға жауап беріп, өзара ұжымдық талқылау жасағаннан кейін мұғалім оқушыларға сабақтың тақырыбы, мақсатымен таныстырады.

Мақсаты: Жылдам әрі функционалды түрде сыни ойлануды дамыту.

Тиімділігі: оқушының танымдық дағдысы артады. Сонымен қатар оқушыға сабақтың өмірмен байланысын көрсетеді және сабақтың тақырыбы мен мақсатын анықтауға мүмкіндік береді

Саралау: Бұл жерде саралаудың «Диалог және қолдау қолдау көрсету» тәсілі көрінеді. Дұрыс мағынада жауап беруге бағыттау мақсатында кейбір оқушыларға ашық сұрақтар, ал кейбір көмек қажет ететін оқушыларға жетелеуші сұрақтар қойылады.

Бағалау критерийлері:

1. Әр оқушы өз ойымен бөліседі.

2. Өзгенің пікірін толықтырады.

Жалпы- 2 балл.

презентация

Сабақтың ортасы

3 минут

Мұғалімнің баяндауы: Вектор ұғымын еске түсіру

презентация

3 минут

Өздік жұмыс

Интерактивті қосымшада оқушының тапсырманы орындау балы көрсетіледі.

Бағалау критерийі:

Векторлық шамаларды ажырата алады;

Скаляр шамалардың ажырата алады.

https://learningapps.org/13790277

8 минут

Жаңа материалды меңгеру

Оқушыларды төмендегідей топтарға бөлу

1 Теорияны өз бетімен меңгеремін

2 Құрбыларыммен бірге меңгеремін

3 Ұстаздың көмегі қажет

Тақырыпқа қажетті теориялық материалды тарату