А. Т. Миразоваға арналған бастауыш тәрбие сағаты

Әлемдік білім кеңістігіне шыққан тұлға

« Сабақ беру – үйреншікті жәй шеберлік емес , ол-үнемі жаңадан жаңаны табатын өнер »

( Жүсіпбек Аймауытов )

Мақсаты : Қазақстанның Еңбек Ері , Қазақстанның еңбегі сіңген қайраткері , Қазақстан Республикасының маңдай алды көрнекті педагогы — Миразова Аягүл Төреқызы туралы өмір жолы , туып өскен , оқып білім алған , қызмет еткен жерлері туралы мағлұмат беру; оқушылардың бойына сүйіспеншілік , құрмет сезімін қалыптастыру ; ризашылық пен алғыс туралы түсінік беру; – үлкен – кішіге деген сүйіспеншілігін , сыпайылық қарым-қатынасын дамыту ; әдептілікке , кішіпейілділікке , ізеттілікке тәрбиелеу ; Көрнекілігі: слайдты презентациялар , портреті ,

Аягүл Төреқызы Миразова ( 15 желтоқсан , 1948 жылы Жамбыл облысы , Берікқара ауылында туған ) — математика пәнінің мұғалімі , Қазақстан Педагогикалық Ғылымдар Академиясының Академигі . Қазақстанның тұңғыш Еңбек Ері (2008). «Алтын жұлдыз » және « Отан ордені»нің иегері . Қазақстанның еңбек сіңірген қайраткері (1998). Қазақстан Республикасының Білім Беру ісінің Құрметті қызыметкері . Алматы қаласының Құрметті азаматы (2013). Ы.Алтынсарин атындағы медальдің иегері . Семей қаласындағы Қазақ инновациялық гуманитарлық құқықтық , университеттің Құрметті профессоры (2011ж),

Ұстаз … Қандай қасиетті сөз ! Әр адамның жүрегіне бала кезден ұялап , ерекше жылулық нұрын себетін аяулы тұлға бейнесі .

Адам баласының жүрегінде қадір тұтып , құрметтейтін бірінші ұғым – «АНА» болса , екінші ұғым - «ҰСТАЗ»

Ұстаз деген сөз қазақ баласы үшін қашанда қасиетті , қадірлі болған . « Ұстаздан тәрбие алған » немесе « ұстаз алдын көрген » деген сөздер құлаққа « ана тәрбиесін алған » деген сөздермен ұштасып жатады . Ұстаз әр адамның жанына жылулық пен білім дәнін сеуіп , әр шәкіртін аялап , өмір атты шексіз ғаламға жол сілтеп , көрсететін тұлға .

Дәлірек айтсақ , адамды өмір сүре білуге тәрбиелейді . Меніңше , адам жүре келе ұстаз болмайды , ол анадан жүрегімен ұстаз болып дүниеге келу кере . Сонда ғана өз жұмысының жемісі мен жетістігін көре алады . Сондай тұлғаның бірі - Миразова Аягүл Төреқызы .

Ол кісі 1971 жылы Жамбыл педагогикалық институтын тәмамдап,еңбек жолын Жамбыл облысы Жуалы ауданы Билікөл өңіріндегі Қарабастау аулындағы орта мектепте математика пәнінен мұғалім болып бастап , кейін директордың тәрбие жөніндегі орынбасары болып қызмет етті . 1977-1989 жылдарда Алматы қаласындағы №86 мектепте математика пәнінің мұғалімі , оқу ісінің меңгерушісі , ал 1989-1991 жылдарда №136 мектепте директордың оқу ісі жөніндегі орынбасары болып еңбек еткен . Еңбегін бағалаған білім басқармасы 1991 жылы тамыз айында ашылған №159 мектептің тұңғыш директоры етіп тағайындаған . Өзінің қажымас қайратты еңбегінің арқасында осы мекемені 25 жыл үздіксіз басқарып келген .

« Ұстаз болу өз уақытыңды аямай , өзгенің бақытын аялау » деп Мұхтар Әуезов айтқандай , уақытпен санаспай балалардың болашағы үшін аянбай жұмыс жасап , тер төкен .

Аягүл Төреқызы Ыбырай Алтынсарин атындағы №159 гимназияның директоры қызметінде мерейлі жетістіктерге жеткен :

1992 жылы мектепте « Пилоттық мектеп » информатикалық бағдарламасымен оқыту жүйесі іске қосылған .

1996 жылы Алматы қаласы әкімдігінің ұйымдастырылуымен өткен «Алматы қаласының педагогикалық ұжымдарының » байқауында мектеп ұжымы жеңімпаз атанды .

1997 жылы Республикалық « Әдістемелік бейне » байқауында 1-ші орын иеленді .

1997-1998 жылдары мектепке « Гимназиялық мектеп » дәрежесі берілді .