Мамандықтар әлеміне саяхат тәрбие сағаты

Бекі бастауыш мектеп ММ

Мамандықтар әлеміне саяхат.

Орындаған: А.Бисенбаева

Тақырыбы: Мамандықтар әлеміне саяхат.

Мақсаты:

Оқушыларға мамандық әлемі және оның ерекшеліктері туралы дүниетанымын кеңейту.

Оқушылардың өмір туралы, мамандықтар туралы көзқарасын дамыту, алдағы уақытта мамандық таңдауда дұрыс жолда болуына себепкер болу, таңдаған мамандығын бейімділігі мен қабілетіне сәйкес келуін нақтылау, өз – өзін танудың жалпы әзірлігін қолдау.

Сабақ барысы:

Қайырлы күн, құрметті қонақтар, ұстаздар, оқушылар. Бүгінгі ұйымдастырылып отырған «Мамандықтар әлеміне саяхат» атты кездесу кешімізге қош келдіңіздер!

- Атақты ғұлама Әл – Фараби айтқандайІсім оңсын десеңіз,Сол істің маманы болыңыз.Даңқым шықсын десеңіз,Көпшіліктің адамы болыңыз.

Әлемде 50 мыңға жуық мамандық бар екен және жыл сайын оған 500 - ге тарта жаңа түрі қосылып отырады екен. Олардың ішінен өзімізге қажеттісін қалай таңдауға болады? Біз олардың қаншасы туралы білеміз?

Ең бастысы – адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт. Өз ісіне сенімде, дұрыс таңдау жасаған адам ғана жетістікке жетеді. Өзінің сұранысын, қызығушылығын жаймаған кең тараған мамандықтарға дәрігер, мұғалім және құрылысшы мамандықтарын атап өтуге болады. Ал, өзекті мамандықтар қатарына жоғары технология, байланыс, коммуникация, әлеуметтік орта, экономиканы басқару мамандықтары және еңбек сұранысына қажетті жаңа мамандықтар жатады.

Сол себепті ең алдымен оқушылар сендр мынадай сұрақтарға жауап берсеңіздер.

Мамандық дегеніміз не?

Мамандық түрлерін ата?

Жақсы маман иесі болу үшін адам нені ескеруі қажет?

Өзінің мәнін жоғалтпайтвн қандай мамандықтар?

Сен жақсы маман иесі атанып, сол еңбегіңнің жемісін көруің үшін не істейсің?

Оқушылардың жауаптары.

Мамандық – біздің болашағымыз, адамның кішкене кезінен бері арманы.

Дәрігер, мұғалім, прокурор, менеджер, кинолог, автомеханик т.с.с.

Адам ең алдымен өзінің мамандығын сүюі керек.

Адамның тек қана ұнатып істейтін бір мамандығы болуы тиіс.

Техникалық мамандықтар

Мұғалім, дәрігер.

Кім болам?

Өмірге құштар бар бала,

Мамандық ал, таңда да.

Табу үшін орныңды,

Әзірлен оған қамдана.

Деме ертең кім болам,

Дайындал бүгін сен оған.

Меңгерсеңіз ынтамен,

Кәсіп мол, өмірде толған - деп, ортаға бүгінгі шараға қатысушы оқушыларды шақыру үшін жұмбақтар шешеміз. Жұмбақ шешу арқылы сол мамандық иесін шақырамыз.

Бал татыған мәзір,

Ол бар жерде әзір.

(Аспаз)

Аспазшы

Ас адамның арқауы,

Аспаздың болмас жалқауы.

Ескеретін пайдалы іс,

Астың сіңімді тарқауы.

Қазақы басты тамағың,

Жегенде ширар қадамың.

«Қазақша етке» жететін.

Барма басқа тамағың.

Бұрқырап буы алаулы,

Исі жарып танауды.

Дәмі тілді үйірген,

Кім ұнатпас палауды.

Жасап дәмді салатты,

Алдаға қойып таратты.

Аспазшыға қажет- ақ,

Шеберлік пен таланты.

Жасап балдай тағамын,

Көп көңілінен шығамын,

Алуан асты әзірлеп,

Шебер аспаз боламын.

Жалтылдап қалағы,

Салатын кім қаланы?

(Кірпіш қалаушы)

Құрылысшы

Құрылысшы қажет қоғамға,

Үй керек саған, маған да.

Қанша құрылыс салса да,

Жетпей жатыр адамға.

Сапалы құрылыс салғаның,

Жауапты маман болғаның.

Мен қалаймын әркімнің,

Тұрғын үйі болғанын.

Құрылысшы маман боламын,

Алуан құрылыс саламын.

Құрлысшының еңбегі,

Өскені әрбір қаланың.

Зәулім үйлер салынған,

Өз қолыммен салған.

Мақтаныш болса еліме,

Салтанат сәнге малынған.

Сәулетші

Құрылысты сәулетті,

Жобалайды сәулетші.

Ғимарат елге мол жетсе,

Ел – жұрт болар дәулетті.

Зәулім үйлер айшықты,

Жобалары сай шықты.

Сәулетшінің санасынан,

Туғандығын ел ұқты.

Ақ Орда мен Бәйтерек,

Сәулетімізге сай келеді.

Көптеген сәнді ғимарат,

Жарасым тапқан тым бөлек.

Астана мен Алматы,

Сәулеттің сәнді аймағы.

Сәулетші болу мақсатым,

Көңілде күдік қалмады.

Топырақтың құнарын,

Дәл тауып құрамын,

Қай жерде қай дақыл,

Өнім берер бай дақыл,

Зерттеп дәйім жүретін,

Кім бәрін білетін?

(Агроном)

Агроном

Агроном ауылға,

Қажет маман қалуға.

Егін егіп, бау – бақша,

Гүлдендіріп салуға.

Өсімдікті қорғайды.

Қорғамаса болмайды.

Баптамаса күтімдеп,

Жемісінде салмайды.

Ауылда көп салалы,

Шаруашылық маманы.

Агроном боламын,

Аңсасам да қаланы.

Өсіріп көп баланы,

Игертіп әр саланы.

Гүлдендіріп егісті,

Көркейтемін даланы.

Күміс қанат, сұңқары,

Көкке еркін сүңгиді.

Бұлттан да тым әрі,

Кеткен жанды кім дейді?

(Ұшқыш)

Ұшқыш

Ойымды атам біледі,

Ұшқыш болғым келеді.

Мұратыңа жеткен деп,

Рахаттана күледі.

Ұшқыш болсам өрелі,

Достарым мені көреді.

Күтіп, баптап ұшақты,

«Ұш!» деп белгі береді.

Арманым осы досым – ай,

Кірісемін тосылмай.

Жақсы оқып оқуды,

Сен де маған қосылса – ай.

Мініп алып «МИГ» - ті,

Бағындырсаң биікті.

Талғат ағама ұқсап,

Ұшқыш болам білікті.

Төл өсіріп момақан,

Уыз ішкен қоймалжың,

Білсең айтшы, балақан,

Еңбегі зейнет қай малшы?

(Қойшы, шопан)

Шопан

Ел сыйлайды шопанды,

Қойға толы қотаны.

Еті, жүні, төлімен,

Байлыққа бөлер Отанды,

Шопан ата Жазылбек,

Ерлігін көп жазып еді.

Екі мәрте Еңбек ері,

Бар шопаннан осып еді.

Өріс толса қой қаптап,

Талай жастар қой бақпақ.

Еселеп еңбек төленер,

Өзің де оны ойлап бақ.

Төрт түлікті төлдетіп,

Сүт бұлағын селдетіп.

Мал өсіруді ұнатам,

Өскеннен соң ержетіп.

Зымыранды ерттеген,

Ай – жұлдызды зерттеген.

(Ғарышкер)

Ғарышкер

Ғарышкер болу арманым,

Ағалар ісін жалғаймын.

Тоқтар, Талғат ағадай,

Зымыран мініп самғаймын.

Білім алып табысты

Зерттеймін мен ғарышты

Айға да ұшып қонамын

Марсқа жол табамын.

Жылдамдата шабысты,

Аралаймын ғарышты.

Аралап елімен танысып,

Ораламын табысты.

Сауықтырар сырқатты,

Жылы үнмен тіл қатты.

(Дәрігер)

Дәрігер