Абай дара тұлға сыныптан тыс жұмыс материалы

Тақырыбы: «Абай-дара тұлға» Мақсаты:

1. Ұлы ақынның өнегелі өмірімен таныстыру,

шығармаларына шолу жасау, өлеңдерін, қара сөздерін мәнерлеп айтқызу. 2. Сөз өнерінің қыр – сырымен таныстыру. Көркем сөйлеуге,

өз бетімен іздене білуге, шығармашылықпен жұмыс істеуге көмектесу. 3. Шәкірттерді туған жерге деген сүйіспеншілікке, Отан

тыныштығын қорғауға, адамгершілікке, табиғат әсемдігін түсінуге, қасиетті нәрселерді қадір тұтуға тәрбиелеу. Сөйлеу мәдениетін қалыптастыру, эстетикалық тәрбие беру. Көрнекілігі: Абай портреті, кітаптар, шығармалары, қанатты сөздер, фотослайдтар, буклеттер.

Мұғалім: -Қайырлы күн, құрметті ұстаздар, оқушылар, құрметті әдебиет сүйер қалың көпшілік! Қазақтың біртуар ұлдарының бірі, данышпан ақын, ойшыл, дана ғұламаларының бірі, қазақ әдебиетінің шоқтығы биік ірі тұлғасы Абай Құнанбайұлының 175 жылдық мерейтойы мен шығармашылығына арналған «Абай-дара тұлға» атты әдеби-музыкалық сайыс сабағымызға қош келдіңіздер!

Оқушыларды «Қыс» тобы және «Күз» тобы бойынша 2 топқа бөлу. Әдеби шара атасы мен немересінің диалогы арқылы басталады. Атасы – , немересі – -Шығарма жаза алмай қиналып отырған 5 - сынып оқушысы. Теледидар қарап отырған атасы, қолында газет. Теледидардан дауыс: Абайдың «Қыс» өлеңінен үзінді оқылады: Ақ киімді, денелі, ақ сақалды, Соқыр, мылқау, танымас тірі жанды. Үсті - басы – ақ қырау, түсі суық, Басқан жері сықырлап келіп қалды... Немересі қаламын тастай сала атасының қасына келіп: - Мен бұл өлеңді білемін, ата! Кеше ғана әдебиет сабағынан өткен болатынбыз. Абайдың өлеңі. Атасы: - «Өткірдің жүзі, кестенің бізі, өрнегін сендей сала алмас» (немересіне жақындай түсіп). Иә, бұл – Абайдың жазған өлеңі. Қатал табиғаттың сүреңін тамаша суреттеген. Сен біледі екенсің. Ендеше Абайдың кім екенін білетін шығарсың. - Иә, бірақ толық білмеймін.

- Олай болса, ендігі жерде Абайды «Абай атам», «Абай атаның өлеңі» деп сөйле. Ол өте данышпан кісі, бүкіл қазақтың Абайы ғой. Оны білмеген адам қазақ емес. -Ата! Бізге шығарма - эссе жазуға қосымша ізденіс жұмысы тапсырылып еді. Соған біраз қиналып отырмын. Қайтсем екен? Жарысқа қалайда қатысуым керек. Атасы: - Абай туралы көп дерек айтсам, тыңдар ма едің, балам? Немересі: - Иә, сіз оны көрдіңіз бе? Ол туралы қайдан білесіз? Атасы: - Жүр, балам. Мен сені бір жақсы кешке алып барайын. Дәл сол Абай атаң туралы, жүре ғой !(Ертіп алып, шығып кетеді).

Жүргізуші: 1 тур: «Поэзия сәті» Интерактивті тақтада өлең жолдарынан үзінді берілді, әр топтан бір оқушы ақынның ұнаған өлеңнің жалғасын табады. Тур 5 ұпаймен белгіленген

Қансонарда бүркітші шығады аңға Тастан түлкі табылар аңдығанға

*** Өлең сөздің патшасы сөз сарасы Қиыннан қиыстырар ер данасы

*** Желсіз түнде жарық ай Сәулесі суда дірілдеп....

*** Ақырын жүріп, анық бас, Еңбегін кетпес далаға.... *** Жасыл шөп бәйшешек жоқ бұрынғыдай Жастар күлмес, жүгірмес бала шулай

2- тур: «Я», «Жоқ» ойыны 1 .Ұлжан Абайдың анасы я 2.«Тобықты» Абайдың руы я 3 .«Шүкіман» Әйгерімнің азан шақырып қойған аты я 4.Ой кеселдері туралы 31-ші қара сөзінде айтылған я 5.Абай аударма жасаған я 6. Ибрахим Абайдың шын аты я