Абайдың қарасөздері бойынша 9-сынып пікір алмасуы

Абайдың қарасөздері

Сабақтың мақсаты:

- Абайдың қара сөздеріндегі адам болу жайлы ойларын түсініп оқып, даналық ойдан ғибрат алу, қарасөздердің мәнін, ғылыми-философиялық ойды түсінулерін тексеру;

- әр оқушының өзінің қандай дәрежеде дамуына ой салу, оқып түйгендері жайлы ой қорытындысын айтып жаттықтыру, бір-біріне түсіндіру арқылы ұжымдық шығармашылық жұмыс жүргізе білуге баулу;

- жақсы адам, толыққанды адам болу үшін тіршілікте мүмкіндіктерді (адам баласына берілген) пайдалана білуге үйрету.

Сабақ түрі: пікіралмасу (дискуссия)

Сабақтың әдісі: сұрақ-жауап, түсіну, талдау, ой түю.

Пәнаралық байланыс: музыка, психология.

Өтетін орны: мультимедия кабинеті.

Сабақтың барысы.

І. Ұйымдастыру кезеңі. Сәлемдесу, сыныпты екі топқа бөлу.

ІІ. Жаңа сабақ.

Кіріспе сөз (мұғалімнің сөзі): Абай атамыз жайлы деректер өте көп, кітап қоры да, түсірілген деректі фильмдерде бар. Біз бүгінге дейін Абайдың түрлі тақырыптағы өлеңдерін, әндерін, аудармаларын, поэмаларын оқыдық. Біз Абайды бірнеше қырынан таныдық. Сондықтан да біз Абай туралы ақпаратты қаншалықты меңгергенімізді білу үшін мына сұрақтарға тоқтала кетсек: 1. Бала Абай қандай еді? 2. Абай өлеңдерінде қандай ғұламалардың аты аталады? (Ғұламалар Дауани мен Аристотель) 3. Абай бейнелеген ұнамсыз мінездер тізбегі қандай? (өсекшілдік, еріншектік, мақтаншақтық). 3. Қарасөз дегеніміз не?(Ғылым, философия, дін туралы қара сөзбен жазылған еңбек).

Абай өлеңдерінде айтылған ойды қарасөздерінде жан-жақты тереідетіп түсіндіреді. Абайдың 46 қарасөзі бар (46 қарасөзі бітпей қалған). Оны бірнеше тақырып төңірегінде жазған. Ел мінезі жөнінде, тәлім-тәрбие, тарихи мәліметтер, оқу мен ғылым туралы, адам жайлы және мақал-мәтелдер жайындағы тақырыптарды қамтиды. Бүгін біз Абайдың адам болу жайлы жазған қарасөздеріне тоқталамыз.

Ең алдымен компьютерден Абайдың «Сегіз аяқ» әнін тыңдайық.

Сұрақ: Бұл өлеңде Абайдың нақылға айналып кеткен қандай сөздері кездеседі?

Еңбек етсең ерінбей, Тояды қарның тіленбей.

Тамағы тоқтық, Жұмысы жоқтық, Аздырар адам баласын.

Келесі ретте Абайдың жетінші қарасөзін негізге ала отырып, жан құмары не, тән құмары не деген сауалға жауап жазыңыздар. (Интерактивті тақтаға жазады)

І топ. Жан құмары: үйренсем, көрсем, білсем.

ІІ топ. Тән құмары: ішсем, жесем, ұйықтасам.