Абайдың сегізінші қарасөзі сабақ жоспары

Сабақтың тақырыбы: Абайдың сегізінші қара сөзі

Сабақтың мақсаты: Абай қарасөздерінің мәнін ашу, сегізінші қарасөзінің айтар ойын анықтау, ойлау қабілеттерін, сөйлеу дағдысын дамыту, адамгершілікке тәрбиелеу. Сабақтың әдісі: сұрақ-жауапғ ой шақыру Сабақтың түрі: жаңа сабақ Сабақтың барысы: І.Ұйымдастыру кезең ІІ.Өткен сабақты сұрау ІІІ.Жаңа сабақты меңгеру кезеңі Сегізінше қарасөзін оқытып,таныстырылады.

Осы ақылды кім үйренеді, насихатты кім тыңдайды?

Біреу - болыс, біреу - би. Олардың ақыл үйренейін, насихат тыңдайын деген ойы болса, ол орынға сайланып та жүрмес еді. Олар өздері де үздік кісіміз, өздеріміз біреуге үлгі беріп, ақыл айтарлықпыз деп сайланды. Өздері түзеліп жеткен, енді елді түзерлігі-ақ қалған. Ол не қылып тыңдасын және тыңдайын десе де, қолы тие ме? Басында өзіндік жұмысы бар: ұлығымызға жазалы болып қаламыз ба, елдегі бұзақыларымызды бүлдіріп аламыз ба, немесе халқымызды бүлдіріп аламыз ба, яки өзіміз шығымдап, шығынымызды толтыра алмай қаламыз ба? - деген ебіне қарай біреуді жетілтейін деп, біреуді құтылтайын деген бейнетінің бәрі басында, қолы тимейді.

Байлар, олар өздері де бір күн болса да, дәулет қонып, дүниенің жарымы басында тұр. Өзінде жоқты малыменен сатып алады. Көңілдері көкте, көздері аспанда, адалдық, адамдық, ақыл, ғылым, білім - ешнәрсе малдан қымбат демейді. Мал болса, құдай тағаланы да паралап алса болады дейді. Оның діні, құдайы, халқы, жұрты, білімі, ұяты, ары, жақыны - бәрі мал. Сөзді қайтіп ұқсын, ұғайын десе де, қолы тие ме? Ол малды суармақ, тойғызбақ; саудасын жиғызбақ, күзеттірмек, бақтырмақ, ұры-бөрі, қыс, суық-сұғанақ - солардан сақтанбақ, солардан сақтарлық кісі таппақ. Оның бәрін жайғастырып, аяғын алып келіп мақтанға орналастырғанша қашан? Қолы тимейді.

Енді ұры-залым, сұм-сұрқия өздері де тыңдамайды. Онша-мұнша қой жүнді қоңыршалар күнін де көре алмай жүр. Аналар анадай болып тұрғанда, білім, ғылым, ақылды не қылсын? Және де білім, ғылым кедейге керегі жоқтай-ақ: «Бізді не қыласың, ана сөзді ұғарлықтарға айт!» дейді. Оның өзгеменен ісі жоқ, ана алдындағы үшеуіндей болған жанның ойында ешбір қайғысы, мұңы болмаса керек.

Сабақты пысықтау: Қарасөзде не жайында айтылған, идесы қандай, біздің қоғамда осындай адамдар ббар ма сұрақтары төңірегінде оқушылардан сұралады.

Сабақты қорытындылау: Абай қарасөздері тәлім-тәрбиелік мәні зор шығармалар.

Үйге тапсырма: сегізінші қарасөзін оқып, мазмұнын айту