Абайтану бойынша авторлық бағдарлама үлгісі, 4 сынып

Б А Ғ Д А Р Л А М А

Абайтану

Жалпы орта білім беретін мектептің 4- сыныпқа арналған

қолданбалы курс бағдарламасы

Т ү с і н і к х а т

Бұл курсқа таңдалып отырған тақырып халық мұрасының қыр-сырын жақсы білген Абай шығармаларын тек сабақта ғана емес,сыныптан тыс үйірме жұмыстарында да шығармаларын оқи отырып,біз оны адам жаны мен уақыт талабын жете түсінген дарын иесі болғанына көз жеткіземіз. Жас ұрпақты тәрбиелеуде Абай өлеңдері мен қара сөздері оқушыларды ізгілікке, білімді, талапты болуға, адамгершілік қасиетке, туған жерге, елге деген сүйіспеншілігін арттырады. «Асыл сөзді іздесең Абайды оқы, ерінбе»-деп Сұлтанмахмұт атамыз айтқандай,біз данышпандықтың бар асылын бір басына жинақтаған Абай атамыздың өлеңдері мен қара сөздерін рухани күш аларымыз сөзсіз. Тәуелсіздегімізді алып, өркениеттілікке қадам басқан бүгінгі таңда адамгершілігі мол, сапалы да салауатты ұрпақ тәрбиелеуде Абай шығармаларын пайдаланудың берері мол.

Курстың мақсаты-халық қазынасына қайнар бұлағынан сусындап өскен, халқымыздың дана перзенті Абайдың әрбір шығармасын тереңдете оқыта отырып, инабаттылыққа, парасаттылыққа, имандылық пен ізгілікке тәрбиелеу.

Курстың міндеттері:

Абайдың ұлы кемеңгер ақын екендігін түсіндіріп , оның өлеңдері,қара сөздері арқылы оқушыларды адамгершілікке,жаман қылықтан бойларын таза ұстауға тәрбиелеу.

Абай өлеңін талдап оқыту, тәрбиелік мән –мағынасын ашу.

Оқушылардың туған елін, жерге деген сүйіспеншілігін ояту.

Пікір талас жүргізуге қажет білік-дағдыларды қалыптастыру.

Ұлы Абайдың шығармалары асыл мұра болып ұрпақтар санасында орын алуы.

Курстың негізгі жаңалығы базалық оқу бағдарламаларында кездескенімен де, оқушы шығармашылығы кеңінен қамтылып, практикалық тұрғыдан сабақ түрінде жүргізіледі.

Оның негізгі ерекшелігі - аталған қолданбалы курс бағдарламасы бойынша сабақ жүргізген мұғалімге негізгі оқу материалдарын іздестіру қиынға соқпайды.

Сондай-ақ , курс мазмұны ана тілі пәнінің базалық мазмұнына енетін «Абай өмірбаяны», «Абай өлеңдері мен әндері», «Абай қара сөздері» қамтылған.

Курстық бағдарламасының негізгі мазмұны УІ – бөлімнен тұрады.

І бөлім. Абай өмірбаяны және ақын туралы естеліктер – 6 сағ.

Бала Абайдың жастық шағынан ержеткенге дейінгі өмірбаянын суреттеу, әңгімелеу.

Абай – ұлттық мәдениетімізбен тарихымыздың өшпес тұлғасы екенін ұғындыру.

ІІ бөлім. Абай – ұлы ақын. 6-сағ.

Мұнда Абайдың жастарды оқу- білімге шақыра отырып, білімді де жан-жақты, сапалы, ақылды, парасатты тұлға қалыптастыратын өлеңдері қамтылған. Абай өлеңдерінен әрбір жасөспірімнің жатқа білуі, ұлттық рухани дамыған, салауатты азамат тәрбиелеуде үлкен үлесін қосады.

ІІІ бөлім. Абай – лирик ақын. 6-сағат.

Абай лирикасы – кең көлемді мол қазына, биігі бітпес, тереңі таусылмас сырлы мұра. Абай лирикасы сала-сала. Абайдың табиғат лирикасы өз алдына бір сала. Осы табиғат көріністерін Абайдан бұрын мұншалық терең жырлаған ақын болған емес. Әсіресе, жылдың төрт мезгілі туралы жазылған өлеңдері қазақ елінің тұрмыс тіршілігін әсерлі, тартымды суреттеледі.

ІУ бөлім. Абай - сазгер. 5-сағат.

Абай әндерінің сөзі мен әні бір-біріне тығыз байланыста болып келеді. Әуені мен өлеңі екеуі біртұтас. Абай әндерінің қазақтың музыка өнеріне қосқан үлесі туралы айту, әндерін нақышына келтіріп айту.

У бөлім. Абай – аудармашы. 5-сағат.

Абайдың аударма жөнінде де қазақ әдебиеті тарихында орны айрықша. Екі елдің рухани тіршілік мәдениеті байланыстыруға берік дәнекер болды. Абай Крыловтан шығармаларын аударған оның…