Әбділда Тәжібаев туралы 10-сынып сценарийі

Тақырыбы: Сырдың алып бәйтерегі – Әбділда Тәжібаев

Мақсаты: Қазақ халқының әлеуметтік, саяси, мәдени, тарихи өмірінде орны айрықша зор тұлға-Әбділда Тәжібаевтың халықтық тәлім-тәрбиелік ойлары бойына адамгершілік, ұлтжандылық, отансүйгіштік қасиеттерді дарыту; ақын, қоғам қайраткері, әдебиет, тетр зерттеушісінің құнды мұраларын дәріптеу

Көрнекілік: Әбділда Тәжібаевтың портреті, кітап көрмесі, ақынның қанатты сөздері.

Өту барысы:

Хор. 7 в сынып оқушылары

Жүргізуші.

Келдім бүгін, көрдім сені,

Сүйсең, міне, маңдайым.

Құшағыңда отырмын мен

Көріп көзбен ел жайын.

Жасарыпсың, қадірлі ана,

Ақ түспепті шашыңа.

Емшегіңнен сүт кетпепті,

Жетсең дағы жасыңа...деп жырлаған сырдың сырбаз ақыны Әбділда Тәжібаевтың туғанына 110 жыл толуына орай ұйымдастырылған «Сырдың алып бәйтерегі – Әбділда Тәжібаев» атты әдеби кешімізге қош келдіңіздер.

9 в сынып оқушылары

(Қазақ әдебиетінің алып бәйтерегі Қазақ поэзиясының көрнекті шебері Драматург Әдебиет, театр зерттеушісі Филология ғылымдарының докторы Профессор, қоғам қайраткері Қазақстанның халық жазушысы Қазақстанның Мемлекеттік сыйлығының лауреаты)

Жүргізуші.

Кезде сол ғасыр беті жаңа ашылған,

Бұл қазақ кемдік көрген жанашырдан.

“Сырдария” деп туған жерін ұрандатып

Бір тұлға ел бағы үшін жаратылған,- деп Шағыр Қайырбек ағамыз жырлағандай ақынның өмір жолына назар аударайық. (экран)

7 в сынып оқушылары көрініс.

Жүргізуші.

Дүбірлі дүлдүлдердің ізі қалған,

Жүлделі жүйріктердің жүзі жанған.

Ежелгі Сырдың елі, жырдың елі,

Киелі, қасиетті Қызылордам.-деп елін, жерін, суын жырға қосқан ақынның лирикалық шығармаларына тоқталайық. Әбділда Тәжібаевтың алғашқы өлеңдері баспасөз беттерінде 1927 жылдан жариялана бастады, тұңғыш жыр жинағы «Жаңа ырғақ» 1934 жылы жарыққа шықты. Алғаш

кеңес саясатын қолдап науқандық өлең-поэмалар («Құлғара», «Айдалған бай» т.б) жазған Ә.Тәжібаев біртіндеп сыршыл, лирик ақын ретінде танылды.

Ақынның өлеңдерін мәнерлеп жатқа оқитын оқушыларды ортаға шақырайық.

4.Жүргізуші. «Әбділда оқулары» байқауының 1-орын жүлдегері 7 а сынып оқушысы Нұрхан Аружан ақынның 20 өлеңін жаттап, облыстық байқауға жолдама алды.

5. Жүргізуші. (Сергіту сәті)

«Қол соғыңыздар, егерде …»

-сіздер бүгін жақсы көңіл-күймен келсеңіздер;

-Кешімізге белсенді қатысамын десеңіздер;

-Кешіміздің жанашыры боламын десеңіздер

6. Жүргізуші.

Жырлар керек

қияларға бастайтын нұр-шыңдарға,

мезгілдердей мәңгілік тылсымдарға.

Жер бетінде бар әлі күңкіл, егес...

Семсер жырды мұқалту мүмкін емес

Аға, мынау өмірде Сіз тұрғанда!»-

Иә, Әбділда – ірі талант иесі. Оның поэзиясы оқушысына алуан сырымен, терең асыл ойларымен танылған поэзия. Бірақ, бұл дәрежеге ақын даңғыл, типыл жолмен емес, көп жылдар ізденумен көп талпынып жетті. Осы қиын, даму, өсу жолында шыңдалды, шиырланды. Ол әр кезде өзінің кеткен қателіктерін жөндей, сұрыптау арқылы, поэзиясының бүгінгі жетіп отырған биігіне, бел-белесіне көтерілді. Қазақ әдебиетін дамытуға атаулы үлес қосқан, көрнекті ақын-драматург Әбділда Тәжібаев шығармашылығы күрделі…