Бір ел бір кітап Әбділда Тәжібаев туралы материал

Мақсаты:Республикалық «Бір ел-бір кітап »акциясы шеңберінде ақын, драматург , сыншы Әбділда Тәжібаев туралы білімдерін қосымша іздденіс жұмыстары арқылы дамыту мен оқушыларды шығармашылыққа бағыттау, халқын , елін , жерін , Отанын сүйе білуге тәрбиелеу. Өткізілу орны:мектеп кітапханасы Көрнекілікте:Әбділда Тәжібаевқа арналған кітап көрмесі, бейнебаян, слайд. Жүргізішілер:10 «ә» сынып оқушылары:Амирханова Аймира және Абишева Аружан . Қатысушылар: 6-7 сынып оқушылары. 1-жүргізуші: Қайырлы күн, құрметті оқушылар мен ұстаздар!

2-жүргізуші: Қайырлы күн, жыр сүйер бақытты елдің ұрпақтары!

1-жүргізуші: “Бір ел - бір кітап” республикалық акциясы шеңберінде Әбділда Тәжібаевтың өлеңдеріне арналған “Сыр ақыны - жыр ақыны” атты әдеби-монтажды шарамызға қош келдіңіздер!

Әбділда Тәжібаев туралы деректі фильм көрсетіледі

Мұғалім сөзі (Ертаева А.Х.): Қазақ халқы тіл байлығымен, сөз өнерімен, суырыпсалмалылығымен ерекшеленетін халық. Елдігімізді, ерлігімізді дәріптер, ата-бабамыздың қалдырған мұраларын жалғастырар, әр тақырыпқа қалам тартқан ақын- жазушыларымыз көп. Солардың бірі де бірегейі, Сыр елінің дүлдүлі - Әбділда Тәжібаев. Биылғы жылы ақын-драматургтың110 жылдығы республика көлемінде тойлануда. Мерейтойына орай еліміздің әр түкпірінде ақынға арналған түрлі шаралар ұйымдастырылып, өткізілуде. Мектеп бағдарламасында Әбділда Тәжібаевтың өлеңдері бар. Өлең-жырларды, әңгіме-романдарды сүйіп оқыңдар, сөз мағынасын түсініңдер!

1-жүргізуші: Әбділда Тәжібаев - қазақ әдебиетінің көрнекті өкілдерінің бірі. Шығармашылық жолын жиырмасыншы жылдардың аяқ кезінен ала бастаған ол содан бергі дәуірлердің барлығында да қазақ халқының өмір шындығын белсенді жырлауға үн қосып, өнерпаздық тәжірибесін жетілдірді. 2-жүргізуші: Әбділда Тәжібаевтың поэзия саласындағы еңбегіне қоса, ұлттық драматургияны, әдеби-сыншылдық ойларды дамытуға қосқан үлесі де аз емес. Ақынның, әсіресе қазақ лирикасын ойлы, сырлы нақыштармен байыту жолындағы еңбегі атап айтарлықтай. 1-жүргізуші: Әбділда Тәжібаев 1909 жылы Қызылорда қаласында туған. Әкесі Тәжібай қаланың кедей тұрғыны болған. Алты жасында әкесі өлген