Әбділда Тәжібаевтың Толағай ертегісі 5-сынып ашық сабағы

Сыныбы:

5-сынып

Күні: 6.12.2019ж

Пән мұғалімі:

Жумабекова А.Д.

Сабақтың тақырыбы:

Ә.Тәжібаев. «Толағай» ертегісіндегі Толағай бейнесі

Мақсаты:

«Толағай» ертегісіндегі Толағайдың жанашырлық, елге деген сүйіспеншілік сезімдері туралы баяндау. Толағай бейнесі арқылы Отанды сүюге, адал қызмет етуге, адамгершілікке, ерлікке, мейірімділікке, кішіпейілділікке тәрбиелеу. Өз ойын еркін жеткізе білуге дағдыландыру

Күтілетін нәтижелер:

-Оқушылар шығармашылықпен жұмыс жасайды;

-Өз ой-пікірлерін ортаға салады;

-Топтық жұмыс түрлерін жүргізеді.

Қажетті ресурстар:

Ақынның шығармалар жинағы, оқулық

Оқытуда қолданылатын әдіс-тәсілдер:

Ой қозғау, сұрақ қою техникалары, топтық жұмыс, жеке жұмыс, бағалау түрлері, ой бөліс

Сабақ барысы:

Кіріспе.Сыныпта психологиялық ахуал орнату.

Топқа бөлу.

Үй тапсырмасы:

Әдеби ертегі дегеніміз не?

«Толағай» ертегісінің авторы кім? Ол туралы не білеміз?

«Толағай» әңгімесінің негізгі тақырыбы мен идеялық мазмұны не?

Әдеби ертегі мен халық ертегісінің айырмашылығы неде?

«Менің қасиетім» тренинг.

Мазмұнды сурет бойынша үш топқа бөлініп отырады.

Оқушылар үй тапсырмасы бойынша сұрақтарға жауап береді.

Қызығушылықты ояту

Жаңа тақырып: «Толағай» ертегісіндегі Толағай бейнесі

- Ертегінің басты кейіпкері кім?

Әңгімедегі жазушы тіліне әдеби талдау, кейіпкерлер әлеміне талдау.

Тақырыпты жазып, сабақ мақсатын анықтайды.

Сабақ критерийлерін шығарады:

«Толағай» ертегісіндегі кейіпкер әлеміне талдау жасайды.

Толағай - жанашыр ,алып , мерген ,батыр, рақымшыл ,күшті.

Оқулықпен жұмыс. Жоғарыда топтастырылған Толағайдың мінездерінің сипатын мәтіннен тауып оқу.

Күшті.

Арқалады ауыр тауды,

Жаншып бара жатыр жанды.

Маңдайынан тер көл боп ақты,

Жеткенше дем алмайын деп,

Жарты жолда қалмайын деп,

Шаршаса да тоқтамапты.

Алып.

Арқаласа он баланы-

Қайыспайды қабырғасы.

Рақымшыл.

«Қайтсем жауын жаудырамын,

Ел сусынын қандырамын»

Мерген.

Аң аулауға – кең даладан,

Құтылмайды қашқан құлан.

Жалғыз толғап тартуынан,

Жан құтқырмас болды қыран.

Батыр.

«Келе қал,- деп,-болсаң күшті»,

Құйрығынан алды барып.

Таяқ құрлы көрмей тіпті,

Жолбарысты дөңгелетті.

Жанашыр.

Күйген жердің кірді жаны,

Шөлдегендер суға қанды.

Ауыл қайта ажарланды,

Тарқады елдің бір құмары

Мағынаны тану. Топтық жұмыс.

І топ. Әдеби ертегі туралы және Осы Толағай ертегісінің авторы туралы баяндау

ІІ топ. Ертегінің мазмұндау жоспары