Әбіш Кекілбаевтың Абылай хан дастаны 8 сынып сценарийі

ӘБІШ КЕКІЛБАЕВТЫҢ

«АБЫЛАЙ ХАН» ДРАМАЛЫҚ ДАСТАНЫНАН ҮЗІНДІ

Қатынасушылар:

Бұхар жырау: Нүркеев Ербол (5 А)

Диуана: Ермағанбетов Думан (5 Ә)

Жігіт (Абылай хан): Кушекбаев Шамиль (5 А)

Шарыш Баймағанбетов Бекзат (8 А)

Қазақтар 1,2 Санжар, (5 А), Қанат (8 А)

Ойраттар 1,2 Алдияр (5 А), Ахмет (8 А)

Оқиға ХІІІV ғасырда өткен.

Бірінші көрініс. Сайыс.

Бұхар жырау:

Пай пай сайын далам ай!

Манаурап жатқан тау анау!

Балбырап тұрған бел анау!

Диуана Ораз:

Пәтшу мынау дүние

Албырай қапты!

Балбырай қапты!

(Кенет сахна сыртына қарап, шуға бет бұрып)

Диуана:

Өй! Мынауы қалай?

Жау болса, бұның туы қайда?

Ызы- қиқы шуы қайда?

Бұхар жырау:

Тәубә! Тәубә!

Мынау тойға бара жатқан халық қой!

Диуана:

Сұбханалла! Елдері жаудан босамай жатып,

тойлары несі желбеңдескен?!

Бес қаруларын белден шешіп,

Делқұлыдай делбеңдескен

Атығай-қарауылға не болған?

Бұхар жырау:

Атығай –Қарауыл демекші...

Берем десе жасағанның

Жақсылығы көп екен!

Тақауда,

Тығырықтан жол іздеп,

Әз Төлеге барып ем..

Сол кезде

Ай маңдайы тоқпақтай,

Жолбарыс жонды бір жігіт,

Шықпай қойды маңымнан.

Сол жігітті Төле би маған әзер қиып ат қосшы ғып берді.

Жолшыбай Атығай-Қарауыл еліне келгенде

Дәулетбайға соғып ем,

Жата қалып жалынды:

«Атқосшыңды маған қи,

Бауырыма басып бала етем»,-деді.

«Өз басына өзі би, баланың өзінен сұра,- дедім.

Диуана:

Сол баяғы оқиға

Шығар емес әлі естен.

Ең қиянда жүр едім,

Аруақтарға дұға ғып,

Қалың қырғын орнына тап болдым.

Таланған болды тағы да

Қазақтың бір сұлтаны!

(Ен далада келе жатқанымда бір күтуші әйелді көріп ем. Қолында жөргектегі кішкентай баласы бар.

Әкелерін түзде өлтіріп, анасын жау алыпты. Ал баланы басқыншыларға көрсетпей, тығып алып қалыпты.

Сол баланы күтуші әйелден ажыратып, күңнен туған бала деп жаныс Қарабайға жеткізген едім.)

Енді міне бұлар мәз!

Ойда жоқта ұл сүйіп,

Ойда жоқта той тойлап!

Бұхар жырау:

Той боп жатса, топқа кірмей болмайды,

Қуанышқа құтты болсын айтайық!

Диуана:

Жырпылдап тұр сол қабағым..

Көңіліме күдік кірді.....

Неғылған шаң сонау бір шаң?