Адал және ақкөңіл болу 2 сынып сабақ жоспары

Бекітемін: _____________

Әдіскер: Орынбаева Э.Е

«9» Желтоқсан 2019 жыл

Пән: Өзін-өзі тану

Тәжірибе жинақтаушы: Әжібай М.Е

Сынып: 2 «В»

Мектеп: № 86 мектеп- гимназия

Күні: 09.12.19

Тақырып: Адал және ақкөңіл болу

Құндылық: Дұрыс әрекет

Қасиеттер: Адалдық, ақкөңілдік, жанашырлық, шыншылдық

Сабақ мақсаты: алған білімдерінің нәтижесін дұрыс әрекет құндылығы негізінде ашу

Міндеттері:

Білімділік: оқушыларға өмірдегі қарым-қатынас туралы білім бере отырып, адалдық қасиеті туралы білімдерін кеңейту;

Дамытушылық: оқушылардың бойындағы ақкөңілдік қасиетін дамыту;

Тәрбиелік: адалдыққа, ақкөңілдікке, жанашырлыққа, шыншылдыққа тәрбиелеу.

Ресурстар:

Оқулық, дәптер, интерактивті тақта, қиылған суреттер, ашықхат, сақина

Сабақ барысы:

Ұйымдастыру кезеңі. 2 минут

Сәлемдесу, оқушылардың көңіл-күйін сұрау, сабаққа қатысуды тексеру.

-Енді, топқа бөлінейік. Ол үшін, мен таратқан стикерлерде қай қасиет жазылған болса, сол топқа бөлінесіңдер.

1- топ: Адалдық

2-топ: Ақкөңілдік

3-топ: Жанашырлық

4-топ: Шыншылдық

«Жүректен жүрекке» шаттық шеңбері. 3 минут

Балалар, барлығымыз шеңберге тұрайық, мына менің қолымдағы қызыл жүрек арқылы бір–бірімізге жақсы тілектерімізді жеткізейік.

-Мен бастайын, Ілияс, мен сенің бүгінгі күніңе сәттілік,

тілеймін!

Үй тапсырмасын тексеру. 5 минут

«Ғажайып адам» ертегісін оқу, мазмұндау берілген.

Ертегіні сұрау үшін, «Сақина салмақ» әдісін пайдалану.

Сабақ барысын талқылау:

3.Дәйексөз. 3 минут

«Адалдық жүрген жерде, адамдық жүреді»

Нақыл сөз

Оқушылар дәйексөзді 3 рет оқып, өз ойларын білдіреді.

Сұрақ:

Дәйексөзден қандай ой түйдіңдер?

Адалдық дегенді қалай түсінесіңдер?

Оқушылардың жауаптары тыңдалып, қорытынды жасалады.

Нақыл сөзді оқу және талдау.

4.Мұғалім сыйы. 3 минут

«Алтын балта» ертегісі

Кедей диірменге барса, байдың балтасын сұрап алады екен. Бір күні кедей диірменге барып балтасын ағыпжатқан диірменге түсіріп алады. Ол диірменшіге «Балтамды алып берші» дейді. Ол қолын диірменге салып, бір алтын балтаны алып шығады. Ол кедейден: «Мынау ма сенің балтаң?» деп сұрайды. Кедей: «Жоқ. Бұл менің балтам емес» дейді. Диірменші екінші рет қолын сал-ғанда, күміс балтаны алып шығады. Сонда диірменші одан: «Мынау ма, сенің балтаң?» деп сұрайды. Кедей: «Жоқ. Бұл менің балтам емес» дейді. Сонда диірменші үшінші қолынсалғанда бір ағаш балтаны алып шығады. Ол кедейден: «Мынау ма, сенің балтаң?» деп сұрайды. Сонда кедей: «Иә, осы менің балтам» дейді. Сонда диірменші «Пейілің таза адам екенсің. Сондықтан мына алтын балтаны ал!» дейді. Ол үйіне барып, не болғанын айтып береді. Балтаны ағып жатқан диірменге қалай түсіргенін айтады. Бай кедейдің айтқанының бәрін қайталап істейді. Ол балтасын суға түсіріп, диірменшіге «Балтамды алып бер» дейді. Сонда диірменші алтын балтаны алып шығады. Ол байдан: «Мынау ма, сенің балтаң?» дейді. Сонда бай: «Менің балтам!» дейді. Диірменші оған: «Өтірік айтпа, мынау сенің балтаң емес!» деп өзінің ағаш балтасын береді.

Сұрақтар: