Адал және ақкөңіл болу тақырыбына 2-сынып сабақ жоспары

Пән: Өзін – өзі тану

Мектебі: «А.Тихоненко атындағы ОЖББМ»КММ Күні: №: 14-сабақ

Сыныбы: 2

Тақырыбы: Адал және ақкөңіл болу

Құндылығы: дұрыс әрекет

Қасиеттері: адалдақ,шынайылық, жауапкершілік

СабақтыңМақсаты: оқушыларға адам жақсы ісімен көрікті екенін сүйісеншілік құндылығы арқылы түсіндіру.

Сабақтың Міндеттері:

Білімділік: Оқушыларды айналасындағы бәрін жақсы көруге үйрету.

Дамытушылық: Оқушылар бойындағы ақкөңілділікқасиеттерін дамыту.

Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

Оқулық,

дәптер,

ноутбук

Сабақтың барысы:

1. Ұйымдастыру кезеңі.

«5 Т» – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті: Су асты патшалығына ойша саяхат.

Көзімізді жұмамыз,терең тыныс аламыз.

Бүгін су астына саяхат жасаймыз. Көз алдыңызға мұхит жағасын елестетіңіз. Толқынның бір -бірімен алысқан шолпылына, шағаланың даусына құлақ түріңіз. Жалаң аяғыңыздың астындағы құмды сезініңіз. Мұхиттың ортасындағы қара нүктеге сіздің көзіңіз түсті. Ол нүктенің жақындап келгенде делфин екенін білдіңіз. Ол сізді мұхит астына саяхат жасауға алып кетуге келді. Ақырын делфиннің арқасына отырып, мұхиттың астына саяхатқа кеттіңіз. Делфиннің арқасында отырып, өзіңізді жайлы және қауіпсіздікте сезіну, су түбіне саяхат жасау қандай тамаша! Айналаңызға назар аударыңыз: кемпірқосақ секілді бір-бірінен өткен әдемі, түрлі түсті балықтар көздің жауын алады. Мұхиттың түбіне терең жүзе отырып, айналаңыз қалай өзгергенін байқайсыз, әдемі су өсімдіктері су түбінде қалқиды. Қараңыз қандай үлкен балықтар, ал енді келесі жаққа қараңыз, қандай үлкен сегізаяқ, ол сізге күлімсіреп қарайды, жүзі жылы. Су астында қандай қызықты әлем! Сездіңіз бе, мұнда қандай тыныштық?! Өзіңізді толық тыныштықта сезініңіз.

Ал қазір жоғарыға өзіміздің әлемге кетуге дайындалыңыз. Айналаңызды есте сақтардай тағы қарап шығыңыз. Айналаңыздағы су асты әдемі гүлдерге және бойыңыздағы тыңыштықты сезініңіз. Бұл тыныштық сізге таза аудай әсер етеді.

Делфин сізді келген жолыңызбен су бетіне шығарады. Делфиннен түсіп, сізге жақсы саяхат жасатқаны үшін оған алғысыңызды айтып, ол алыстап кеткенше көзбен шығарып салыңыз.

Өзіңіз сыныпқа қайтып оралып, орындығыңызға отырасыз. Су түбінен алып келген тыныштықты жүрегіңізде, бойыңызда сақтап, көзімізді ашамыз. Рахмет!

1. Үйге тапсырманы тексеру

1. №12 – сабақ. Әрбір отбасы мүшелерінің өз құқықтары мен міндеттерін жазып, оны қалай орындап жүргендеріңді әңгімелеп беріңдер.

2. Келесі сабақ.№13, «Ғажайып адам» ертегісін оқып келу.

Сұрақтар:

1. «Ғажайып адамның» ғажайыптығы неде?2. Сен ғажайып адамды кездестірсең, қандай үштілек тілер едің?3. Неліктен ғажайып адам баланың тілектерінорындады депойлайсыңдар?4. Ғажайып адам болғың келе ме? Неліктен?5. Сенің айналаңда осындай «Ғажайып адамдар» барма? Әңгімелеп бер.

2. Сабақтың дәйексөзі.

(Оқушыларға 1 рет айтқызып, дәптерге жаздырту)

Адалдық жүрген жерде, адамдық жүреді. Нақыл сөз

Сұрақтар:

1. Адалдық сөзін қалай түсінесіңдер?

2. Дәйексөзден қандай ой түйдіңдер?

3. Адал адам қандай адам ?

3. Әңгімелеу-сұғбат: (Мұғалім сыйы).

Адалдық

М. Дүйсенов

Танаш пен Игілік Нарима апайдың үйіне жиі келіп тұрады. көршісінің балалары.

Апайдікіне жиі келіп тұрады. Игілік бүгін сөйлей кірді.

– Нарима апай, бірдеңе айтсам, сіз Танашқа айтып қоймайсыз ба?

– Ол не?

– Жоқ, сіз айтыңызшы, Танашқа,түк те, тіпті мынадай да айтпайсыз ба? – деп, Игілік шынашағының тырнағын көрсетті.

Нарима апай:

– Жарайды, айтпай-ақ қояйын, – деп уәде етті.

– Мен кешегі кәмпиттердің бәрін де өзім жеп қойдым. Танашқа бергенім жоқ.

Кеше Нарима апай дүкеннен кәмпит әкеле жатып:

Мынаны өзің же, ал мынаны Танашқа апарып бер деп,- Игілікке екі кәмпит беріп еді.

Игілік «жарайды» деп, томпаңдай басып кеткен. Нарима апай ойланып:

– Бүгін кешегіден де тәтті кәмпит әкеліп саған апарып бер деп Танашқа беріп жіберіп едім, – деді. Игіліктің көзі шаттанып кетті.

– Апай рас айтасыз ба?

– Рас.

– Әй, Танаш, сені ме бәлем? – деп Игілік жөнеле берді. Нарима апай оны тоқтатып алды.

– Сен, немене, төбелескелі барамысың?

– Маған берген кәмпитті ол неге жеп қояды?

– Кеше сен жеп қойған соң, ол да жеп қойған шығар. Әй, бүгінгі кәмпит тәтті-ақ еді-ау! Сырты күміс қағазбен қапталған, бал татып тұрған тамаша кәмпит еді!

Нарима апай кәмпитті мақтаған сайын Игіліктің іші удай ашып кетті. Кеше өзінің бір қате жібергенін түсініп:

– Мен енді Танашқа берген кәмпитті жемеймін, өзіне апарып беремін, – деді.

– Басқаның адал болуын тілесең, алдымен өзің адал бол. Менің жаңағы Танаштан саған кәмпит беріп жіберіп едім дегенім жай, ойын сөз. Танаш сендей емес, біреудің сыбағасына қол сұқпайды, апарып береді, – деді Нарима апай.

Сұрақтар:

Игілік апайдан нені өтінді? Неліктен?

Апай неліктен бүгінгі алған кәмпиттерді мақтады?

Неліктен адам алдымен өзі адал болуы керек?

Осындай жағдайларда өздерің қандай әрекет жасар едіңдер? Әңгімелеп беріңдер.

4. Шығармашылық жұмыс, топпен жұмыс.