Адам бақыты 7 сыныпқа арналған сабақ жоспары

Өзін-өзі тану сабақ жоспары

Мектеп: «Шұғыла»ЖОМ

Сабақтың тақырыбы: Адам бақыты . № 7 сабақ

Құндылық: Дұрыс әрекет

Қасиеттер: қайырымдылық, қанағатшылдық

Мұғалім:Арипова У

Сынып: 7

Сабақтың мақсаты: оқушыларға адам бақытының сырын ұғындыру арқылы дұрыс әрекет құндылығының мәнін ашу. Міндеттері: азаматтық тұлға, азаматтық ұстаным ұғымдары туралы түсінік беру; – азаматтық ұстанымдары мен көзқарастарын қалыптастыру; – оқушыларды алдыларына саналы мақсат қойып, қоршаған ортамен саналы қарым – қатынас орната білуге тәрбиелеу. Сабақ барысы: 1.Ұйымдастыру кезеңі

5 Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті : ОРМАНҒА ОЙША СЕРУЕН. Арқаңызды тік ұстап отырыңыз. Көзіңізді жұмып, терең тыныс алыңыз. Әрбір тыныс алған сайын неғұрлым көбірек босаңсып, сабырлы болуға тырысыңыз. Қазір біз орманға серуенге шығамыз. Өзіңіздің сынып есігіне қарай беттеп, есікті ашқаныңызды, дәлізбен өтіп, далаға шыққаныңызды елестетіңіз. Таза ауаны жұтып, шашыңызды желбіреткен желдің лебін және бетіңізді сәл-пәл қыздырған күн сәулесін сезініңіз. Орманға қарай жүре бастаңыз. Келе жатқанда абай болыңыз, жәндіктерді басып кетпеңіз. Бір минут тоқтап айналаға көз салыңыз. Табиғаттың әсемдігі мен балғындығын сезініңіз. Гүлдердің біріне жақындап, еңкейіп, оның нәзіктігі мен жұқалығына зейін салыңыз. Оны иіскеңіз және хош иісін жұтыңыз. Айналадағы бар нәрсені бақылап, ары қарай жүре беріңіз. Гүлдер, гүлдер мен ағаштардың иісі, құстардың дауысы және жәндіктердің ызыңы. Орманға ендей түсіңіз, қараңызшы, ағаштар биіктей әрі қалыңдай түсті. Жарық пен көлеңкенің ойынын қызықтаңыз, жапырақтардың сыбдырын тыңдаңыз. Біз өзімізді орманда бақытты әрі қауіпсіз сезінеміз.Ағашқа жақындаңыз да оны діңінен құшақтаңыз. Оның қуаттылығын сезініңіз, ондағы өмір қуатын сезінуге және ұғынуға тырысыңыз. Енді оның діңіне арқаңыз

Ресурстар: Мультимедиялық тақта, оқулық, дәптер, мақал-мәтел, дәйексөз, маркер,аққағаз, гүл, жүрек, көбелек суреттері

Дәйексөз: «Жаны мейірімге толы адам бақытты» Пифагор.

Дәйексөзді хормен айтқызамын. Мағанасын,түсінгендерін сұраймын. Әр қайсысының жеке пікірін тыңдаймын.

Дәйексөзді бірінші кезекте ұл балалар қайталап оқиды. Содан соң қыз балалар қайталап айтады.