Адам мен отбасы 9 сыныпқа арналған ашық сабақ

Өзін-өзі тану сабағының жоспары

Мектеп Атамекен Мұғалім Сарыева Құндылық Сүйіспеншілік

Сынып 9 «Ә» Тақырып Адам мен отбасы Қасиеттер қадірлеу, сыйластық ,аялау

Мақсаты: Оқушылардың отбасы туралы түсініктерін кеңейту.

Міндеттері:

-отбасының адам үшін маңыздылығын жан-жақты ашу;

- отбасындағы жарастық,сыйластықты қарым –қатынасының дамуына ықпал ету;

-отбасындағы сыйластыққа,сүйіспеншілікке тәрбиелеу;

Ресурстар: оқулық,үнтаспа,түрлі-түсті қима қағаздар,стикерлер.

Сабақ барысы:

Ұйымдастыру кезеңі

Оқушылармен сәлемдесу.Сабаққа қатысын тексеру.Топқа бөлу. Гүл жапырақшасы түрінде қиылған түрлі-түсті қағаз алады,түстеріне қарап топқа бөлінеді.

Тыныштық сәті

Жағымды көңіл-күй орнату мақсатында тақырыптың мазмұнын ашуға арналған «Нұрға бөлену» (баяу үйлесімді әуенмен) жаттығуы орындалады.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: күн Нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі Нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, көңіл-күйіңіз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы Нұрды қолдарыңызға түсіріңіз. Сіздің қолдарыңыз Нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз Нұр сәулесін шашуда. Олар сізді тек жақсылық жасау үшін жақсы жерлерге апарады. Олар Нұр мен махаббат құралына айналды.

Одан әрі Нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көзімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей Нұрға бөленіп, басыңызға тек ізгі, сәулелі ой келеді.

Нұр бірте-бірте шұғылана бастайды, сіздің денеңізден шығып, жан-жағыңызға сәуле шашады. Осы Нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі Нұрға толсын.

Осы Нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне Нұр бағыттаңыз. Ойша айтыңыз: «Мен Нұрлымын... Нұр менің ішімде...…