Адам мен отбасы тақырыбы бойынша ашық сабақ

"Өзін-өзі тану" сабағының жоспары

Мектеп М.Жұмабаев атындағы №39 гимназия

Мерзімі: 14 .01.2020ж

Мұғалім: Кошанова Меруерт Кайратовна

Сынып: 9 «А»

Оқушылар саны: 27

Тақырып: Адам мен отбасы

Құндылық: Сүйіспеншілік

Қасиеттер: жақсы көру және кішіпейілдік, жомарттық, ізгілікті қарым-қатынас, мейірімділік, адалдық

Мақсаты: Оқушылардың отбасы туралы түсініктерін кеңейту арқылы сүйіспеншілік құндылығының мәнін ашу.

Білімділік: отбасының адам үшін маңыздылығын жан-жақты ашу;

Дамытушылық: отбасындағы жарастық, сыйластық қарым-қатынасының дамуына ықпал ету, сүйіспеншілікпен қарауға, бауырмал болуына ықпал ету;

Тәрбиелік: отбасында сыйластыққа, сүйіспеншілікке, кішіпейілділікке, жомарттық, ізгілікті қарым-қатынасқа, мейірімділікке, адал болуға тәрбиелеу.

Ресурстар: (құралдар, мәліметтер)

Слайдтар

Бейнематериалдар

Маркер

Ватмандар

Сабақ барысы:

Ұйымдастыру кезеңі. Тыныштық сәті. Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, балаларыңызға, мұғалімдерге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын… Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын».

Осындай Нұр, Махаббат және Тыныштық күйінде отыра тұрыңыз…

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз [2. 46 б.]

Жаймен көзіңізді ашуға болады.

Рахмет.

Сұрақ:

Өздеріңізді қалай сезіндіңіздер?

Кім өз ойымен бөліседі?

Қорытынды: Ендеше, барлығымыз бір-бірімізге тек жақсылық тілеп жүрейік.

Үй тапсырмасын тексеру.

Тапсырма «Мен оны пір тұтатмын» Ж.Солтиеваның әңгімесін оқулықтан оқып келу. [25. 114 б.]Берілген сұрақтар арқылы адамның отбасы туралы ойларын тыңдау:

Мәтіннен қандай ой түйдіңіз?

Мұраттың отбасына түскен қиындықты жеңуіңе не себеп болды?

Жақсы отбасы, адал жар болуы үшін адамға не қажет деп ойлайсыз?

Адамның отбасының берік болуы үшін қандай қасиеттер көмектеседі?

Ой түйіндеу. Отбасы – отбасы мүшелерінің жылы қарым-қатынасынан құралады. Отбасы берекелі, тату болу үшін сыйластық, мейірімділік, жаңашырлық, бауырмалдық әр адамның жүрегінен орын алуы керек. Олай болса, отбасымызды бағалайық!

Ескерту

Дәйексөз. «Отбасының өнегесі-Отан өнегесі» [25. 118 б.] Мақал Түсіндіру.

Отан - отбасынан басталады» дейді алқымыз. Елдің, ұлттың, жалпыадамзаттың болашағы, даму деңгейі отбасынан басталады. Елдің, ұлттың болашағы әр отбасында басталады.

Дәйексөзді дәптерге жазу.

2-3 жаттату, жатқа сұрау.

Сұрақтар:

Дәйексөздің мағынасын қалай түсіндіңіздер?

Отбасының мықты, берік болуы үшін отбасы мүшелерінің бойларыңда қандай қасиеттер болуы қажет деп ойлайсыздар?

Қорытынды: Олай болса, Отанымыздың мықты болуы үшін, отбасымызда ауызбірлік, адалдық, сүйіспеншілік секілді қасиеттерімізді ұмытпайық!

Оқиғаларды әңгімелеу (мұғалім сыйы)

Майлықожа термесі «Ата-ана қадірі» арқылы түсіндіру

Сұрақтар:

1. Термені естігенде қандай сезімде болдыңыз?

2. Мына термеден қандай ой түйдіңіз?