Адам мінезі тақырыбындағы 9-сынып сабақ жоспары

Өзiн-өзi тану сабағының жоспары

Мектеп: Р.Тоқатаев атындағы орта мектеп

Мерзiмі: 12.11.2019

Тақырыбы: “Адам мінезі”

Құндылық: Ақиқат

Қасиеттер: қарапайымдылық, сабырлық, адалдық.

Мұғалім: Масимжан Сандуғаш Қанатқызы

Сынып: 5 «А»

Оқушылар саны:

Мақсаты: Адамның мінезі, мінезді жетілдірудегі адамның мүмкіндіктері туралы түсінік беру.

Міндеттері:

Білімділік: Жақсы, жаман мінез-құлықты ажырата білуге үйрету.

Дамытушылық: Оқушылардың бойындағы жақсы мінез-құлық дамытуға ықпал ету.

Тәрбиелік: Өзін құрметтеу, өзіне деген сенімділікке тәрбиелеу.

Ресурстар: (құралдар, мәлiметтер күнделік, дәптер, оқулық.

Сабақ барысы:

Ұйымдастыру кезеңi.

5 Т – ережесі:

Тәртіп.

Талап.

Тыныштық.

Тазалық.

Татулық.

Балалар ережені есімізге түсіріп, сыныптың тәртібін сақтап, оқып-білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәтi.

«Су асты патшалығына саяхат»

Көзіңді жұмып, терең дем ал, денеңді босат. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңды елестет. Толқындардың жеңіл шалпылына, шағалалардың шуылына құлақ түр. Жалаң аяқтарыңмен құмды сезін. Шалғайдан қара нүкте көріп тұрсың: ол жақындаған кезде дельфин екенін түсіндің. Ол сені теңіз түбіне алып кету үшін келді. Ол өте әдепті екен, сені шыдамдылықпен күтіп тұр. Жайлап оның арқасына отыр, мықтап ұстап, жолға шықтыңдар. Дельфиннің арқасында жайланып отырып, өзіңді қауіпсіз сезін, су астында жүзу қандай керемет. Жан-жағыңа қара: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қарашы, қандай орасан зор әдемі балықтар. Су асты неткен қызықты әрі ғажап әлем. Сен бір нәрсені байқадың ба? Мұнда неткен тұңғиық, толық тыныштық. Осы тыныштық күйде бол (бірнеше секунд үнсіз қалады).

Ал қазір жоғарыға, өз әлемімізге кері қайтуға дайындал. Айналаға жақсылып қара. Ғажап түстерге тағы бір рет қара және тыныштыққа құлақ түр. Осындай тыныштық саған самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.

Сыныпқа оралыңыз және өз орныңызға келіңіз. Бірнеше секундтан соң көзіңізді ашыңыз, осы түйсінген тыныштықты өз бойыңызда сақтауға тырысыңыз.

Үй тапсырмасын тексеру.

«Халық суретшісі» аңызын оқып келу.

(Ахат Жақсыбаев)

Әбілханның арманыңа жетуіңе не ықпал етті?

Жақсы мінезді адамның бойында қандай қасиеттер болады?

Мінезі жақсы адам айналасымен қалайша қарым-қатынас жасайды?

Адам өз мінезін жақсарта ала ма?

«Өзіңді жақсы мінездімін деп санайсың ба? Неліктен?

Ескертулер

Дәйексөз.

«Жақсы мінез – бүкіл өміріңнің сарқылмас байлығы»

Оқушылардың мінез - құлық туралы ойларын түйіндеу мақсатында оқулықтағы мінез туралы нақыл сөзді түсіндіру.

Әңгiмелеу.

(Мұғалім сыйы)

Нағыз жомарттылық. (Аңыз әңгіме) Өте бай және жомарт болған хазіреті Абдуллаһ бин Жафари Таиар бір құрма бағының жанынан өтіп бара жатқан еді. Бір қара нәсілді құл, бақшада жұмыс істеп жатқанда, оған үш мезгілдік тамақ әкеледі. Сол сәтте бір күшік құлдың қасына жүгіріп…