Адам мінезімен танылады тренингі 5–6 сынып оқушыларына

Жоспар:

Сәлемдесу «Сәлем хат» жаттығуы

«Сөзден сөзді ізде» ойыны

«Өзіңді теренірек тани біл»

Сергіту сәті

Тренинг «Ватманға саяхат»

«Не өзгерді» ойыны

«Кім нені жақсы көреді?»

Сергіту сәті

Нақыл сөздер

Қорытынды

Бағалау.

Тақырыбы: «Адам мінезімен танылады, көңілімен жайланады»

Сабақтың түрі:аралас сабақ

Сабақтың әдісі:сұрақ-жауап, ізденушілік жұмыс, сын тұрғысынан ойлауды дамыту.

Пәнаралық байланыс: психология, әдебиет, музыка.

Сабақтың мақсаты:

Білімділігі: оқушылардың мінез-құлық туралы түсініктерін кеңейту. өзін-өзі тануға мүмкіндік беретін тренингтерді ұйымдастыра отырып, мінез-құлық рухани-адамгершілік құндылықтарды қалыптастыру, өз көңіл-күйін анықтап, басқара білу.

Дамытушылығы: тренинг жүргізудің негізінде өзін-өзі тануға, қарым-қатынасқа түсу мүмкіндіктерін кеңейтіп, сенімді мінез-құлық дағдыларын дамыту.

Тәрбиелігі: жеке тұлғаның өзін-өзі тану негізінде әр түрлі жағдайларда өз әрекетін ұйымдастырып, сенімді әрекет етуге дайындау. Жеке көзқарасын дамыту, жағымды мінез-құлық дамыту.

Ұйымдастыру кезеңі:

Сәлемдесу. «Сәлем хат» жаттығуы. Қағаз бетіне сәлемдемелерінді жазып бүктеп, барлық сәлемдеме хаттарды араластырады. Басқа біреудің жазған сәлемдемесін алып оқып өздеріне естелік ретінде қалдырады.

«Сөзден сөзді ізде» ойыны. Сөз беріледі, сол сөзден басқа сөздер құрастыру керек. Кім көп құрастырса сол жеңімпаз болады.

«Қарағанды»«Талдықорған»

Қар, ар, ара, аға, ана т.б.қорған, тал,ал, алдық, ор.

Сергіту сәті. «Жануарлармен бірге билиік».

Тренинг «Ватманға саяхат». Біз бүгін бірге ватманға саяхатқа шығамыз. Әр қайсымыз кезекпен ватманға жақындап суреттер саламыз. Ойынның талабы қылқаламды немесе маркерді ватманнан үзсеңіз онда басқасы келіп, өз суретін сала бастайды.

«Не өзгерді?» ойыны. Мақсаты: Баланың танымдық белсенділігін ояту, зейінін және есте сақтау процесін дамыту.

Ойынның шарты: Үстелдің үстіне бірнеше зат немесе ойыншық қойылады. Балаға үстелде тұрған ойыншықтарды есте сақтпу ұсынылады, содан кейін «Көзіңді жұм» деп нұсқау беріледі, осы кезде жүргізуші ойыншықтардың біреуін алып тастайды да қай ойыншықтың жоғалғанын табу ұсынылады. Осы ойының басқа варианты ретінде заттардың орналасуының өзгергенін табу болып табылады. Ойыншыларға үстелдегі заттардың қандай тәртіппен орналасқанын есінде сақтау ұсынылады, ал кейін ойынды жүргізуші бірнеше заттың орнын ауыстырады да, не өзгергенің табу ұсынылады. Егер де ойын балаларға тым қиын болса, онда сөзбен бірігіп айту ұсынылады.