Адамдық келбет 10 сыныпқа арналған сабақ жоспары

Пән: Өзін – өзі тану.

Тақырыбы: Адамдық келбет

Құндылығы: Сүйіспеншілік.

Қасиеттері: Ізгілік, тек жақсылық жасау, жанашырлық

Мақсаты: Оқушыларға адамдық келбет, адамдық борыш туралы түсіндіре отырып, сүйіспеншілік құндылығының мәнін ашу.

Міндеттері:

Білімділік: Оқушыларды ізгілікті қарым – қатынас жасауға үйрету.

Дамытушылық: Оқушылардың бойындағы жанашырлық қасиеттерін дамыту.

Тәрбиелік: Оқушыларды жақсылық жасауға тәрбиелеу.

Ресурстар:

(материалдар, дереккөздер)

1.http://oilar.kz

Сабақтың барысы:

Ұйымдастыру кезеңі.

Т – ережесі:

Тәртіп.

Талап.

Тыныштық.

Тазалық.

Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Жағымды күйге келу.

Сәлемдесу. «Өз күлкіңді шеңбермен көршіңе сыйла» жаттығуы. Шеңберде тұрып, «Мен саған өз күлкімді сыйлаймын, ал сен көршіңе сыйла» деп жалғастыру. 2. Үйге тапсырманы тексеру.

1. №5 – сабақ. 1 – тапсырманы орындау.

2. Келесі сабақ. №6, Абайдың он жетінші қара сөзін оқып келу.

Сұрақтар:

Мәтінде айтылған тән құмарларының қажеттілігі шектен асса не болады деп ойлайсыздар?

«Жан құмары» адамды қандай игіліктерге жеткізеді?

«Көкіректе сәуле жоқ, көңілде сенім жоқ» дегенді қалай түсінесіздер?

Өздеріңіз жан мен тән сұраныстарын қалай реттеп отырасыздар? Қайсысын көбірек тыңдайсыздар? Неліктен?

Осы мәтінді оқығаннан соң өздеріңізге пайдалы қандай қорытынды жасайсыздар?

3. Сабақтың дәйексөзі.

«Жастық шағың-жарқын жаздың бейнесі,

құтты жаздың ала алсаң жоқ бермесі»

С.Мұқанов

Сұрақтар:

Жас кезеңнің міндеттері ретінде тағы нені қосар едіңіз?

Дәйексөзден қандай ой түйдіңіз?

4. Оқиға айту (Мұғалім сыйы).

Даңқжайлытолған сақ

Атақ, даңқ. Адамныңкөбіне бала кезден қиялдайтын арманы. Бастапқыда мені білсе, құрметтесе, бағаласа екен деген балаң пендешілік пиғылдан туса керек. Кейін өсе келе оның тек өздігінен келмейтініне көзі жетеді. Сәл төбеге шыға қалса осылар мені неге білмейді, неге құрметтемейді дейтіндер де табылыпжатады.

Белгілі жазушы Әкім Тарази айтады: «Жас кезімде атақ-даңқты армандағаным рас, мойындаймын. Бірақ, келе-келе сол атақ-даңқ деген жалған түсініктен жалығып біткенім және рас. Атақ-даңқ дегеніміз ұяты көп болғанмен ұлағаты аз дүние екенін түсінгеніме біраз жыл болды...»

Жұмыр жерде жұмыр басты пенденің пендешілігі аз емесі анық. Әйтсе де, кейбіреулердің «бір папка» ұстаса, кердеңдеп менменси қалатынына қайрансың. Бір қызметке жетсе болды өктемдігін жүргізіп, өзін «көрсеткісі» келіп тұрады. Шырт түкіріп, айналасындағыларды менсінбей, тәкаппарлана түседі. Осы орайда, көрші өзбек ағайындарға қызығасың. Неғұрлым биік қызмет алған сайын, соғұрлым басын ие түседі. «Әка», «Үка» деп жағдайыңды қайта-қайта сұрап жатқаны... Адам баласына кішіпейілділік қандай жарасады десеңізші?!Кей тұста кішіпейілділіктіұмытып жатқанымыз – ақыл-парасатты ұмытқанымыз деп білем.

Біздің қазақтың қызметтен түсіп қалғанынан артық трагедия жоқ. Кейбіреулері әкесі өлгеннен бетер қайғырады. Кейбіреулері қан қысымы артып, ауруға шалдығады... Кейде сондайларды көріп не деген жасық, қауқарсыз, боркемік еді деп ойлайсың.

Қарапайыммысал. Он-он бес адамнан аспайтын ұжымда бірде бастауыш қоғамдық ұйымға төраға сайлау керек болды. Ұжым екі адамды ұсынды. Орын біреу-ақ. Талапкер екеу. Екеуі де қайтқысы келмеді. Бір-бірінің кемшілігін айтып тұрып алды. Бастық болғылары келеді. Басшы дейтін басшылық қызмет емес, қоғамдық жұмыс қана. Тек атағы керек. Ұжым екіге бөлініп кетті. Амал жоқ, бюллетень толтырып, жабық дауысқа түсті. Біреуі өтті, біреуі қалды. Біреуі өшпенділік отын тұтатса, бірі «басшы болдым» деп оны «жуған». Көпшілікке күлкілі жағдай. Өз халқымыздың арасынан осындай айтыс-тартыстарды көргенде жылағың келеді... Кейіннен қайта сайлау келгенде оны ешкім жақтамады. Себебі, ешқандай жұмыс жүргізген жоқ. Ойпырмай-ау, орнынан босаса да кабинетін, мөрін бергісі келмей, үш-төрт күн жұмысқа бармай «қайғырып» жатып алды.Сондажалған атақтың неге керегі бар екенін түсінбейсің?

Басынқатерге тігіп,«креслосынан» қорықпай, батыл ой айтатындар да бар. Әсіресе, кешегі «желтоқсан оқиғасы» ер мен езге, азамат пен жасыққа үлкен сын болды. Ақын ЖұбанМолдағалиев сынды азаматтарға қалай бас имейсің?

Таза алтын отқа түссе одан сайын жарқырайды.Кейбір металдар әлсіздігін сездіріп, тез балқып кетеді.Сол сияқты кейбір кісілер үлкен сын кезінде қай жақ мықты болса, турасына тұрмай соған қарай өтіп кетеді... Себебі, атақ дәрежесінсақтау керек.

Бір жас биікке көтерілсе сүйсінесің. Қадамын шалыс баспай, жаман қылықтарды, теріс ойларды жұқтырып алмаса екен дейсің. Ең ауыр дерт – көкіректік, болдым-толдым деп тасыраңдаушылық. Қытайлықтар айтадыекен: «Бұл дүниеде атақ-даңқ алуға іңкәр болма. Терісжолға түсіп, адасып кетпеудің…