Адамның дене мүшелері бойынша ашық сабақ, 1-сынып

Сабақ: Жаратылыстану

Адам. Адамның дене мүшелері

Мектеп:

Күні:

Мұғалімнің аты-жөні: Бекбулатова М.К.

Сынып: 1 «А»

Қатысқандар:

Қатыспағандар:

Осы сабақ арқылы жүзеге асатын оқу мақсаттары

1.2.3.1 адам денесінің негізгі бөліктерін және олардың қызмет-терін атау

Ойлау деңгейлері

Білу және түсіну

Бағалау критерийлері:

Сабақта оқушылар адам денесінің негізгі бөліктерін біледі,

тақырыпқа сәйкес келетін жаңа терминдерді қолданады. Адамның дене мүшелерінің атқаратын қызметі туралы айтып үйренеді.

Дескриптор

- дене мүшелерін білемін;

- дене мүшелерінің орналасу ретін ажырата аламын;

- дене мүшелерінің атқаратын қызметін білемін.

Тілдік мақсат

Оқушылар: Академиялық тілді қолдана отыра, адам денесінің басты бөліктерімен олардың функцияларын атайтын болады

Пәндік лексика және терминдер

Қол – рука – hand (хэнд)

аяқ – нога – Ieg (лег)

бас- голова- head (хэд)

Талқылауға берілген сұрақтар

Біздің ұқсастығымыз неде?

Жоспар

Жоспарланған уақыт есебі

Жоспарланған тапсырмалар

Ресурстар

Басы 1 мин

1 мин

Ұйымдастыру кезеңі. Оқушылардың қызығушылығын ояту – психологиялықдайындық

Мұғалім: — Екі көз не үшін керек?Оқушы: — Жақсыларды көру үшін.Мұғалім: — Екі құлақ не үшін керек?Оқушы: — Ақыл – кеңес тыңдау үшін.Мұғалім: — Екі қол не үшін керек?Оқушы: — Елге көмек беру үшін.Мұғалім: — Екі аяқ не үшін қажет?Оқушы: — Шетте жүрсең,

Туған жерге жету үшін

Мүғалім: — Ал басың не үшін керек?

Окушы: — Бәрін-бәрін ойлау үшін.

Дұрыс балалар, олай болса мен сендердің құлақтарың, көздерің, қолдарың мен аяқтарыңа саулық тілеймін.

Амандасу

Шаттық шеңбері

Дене мүшелерімен амандасу (көзбен, қол алысып, құлақпен, аяқпен амандасу)

(МК) Оқушыларға жаттығу жасатудың алдында бір стақан суды кішкене мөлшермен ұрттап ішкіземін. Оқушыларға мынадай қимылдарды орындатамын:

1. Оң қолды сол аяққа тигізеді.

2. Сол қолды оң аяққа тигізеді.

3. Қолдың саусақтарын айқастырады.

4.Аяқтарын айқастырады.

5.Көзбен шеңбер сызады.

Оқушылар орындарына отырады.

-Жарайсыңдар! Өте жақсы көрсеттіңдер.

Жаттығу жасаған кезде біз :

-көзімізбен көрдік

-құлағымызбен естідік

-қолдарымызды, аяқтарымызды қимылдаттық.

-Бүгін біз сабақта адамның дене мүшелерімен және олардың қызметімен танысамыз.

Кіріспе. «Миға шабуыл»

– Балалар суреттен не көріп тұрсыңдар?

– Оларды бір сөзбен қалай атаймыз?

АКТ

Адамның дене мүшелерінің суреттері

Ортасы

5 мин

Адамның дене мүшелері

Бас, мойын, қол, аяқ, тізе, шынтақ, саусақ, кеуде, иық - адамның дене мүшелері . Мұны адамның қаңқасы дейді. Адамның бас мүшесінде шаш, бет, көз, құлақ, мұрын, ауыз, маңдай, шеке, иек, қас, ерін, тіс, тіл, аңдай, т.б. мүшелер орналасқан. Адамдар баспен ойлайды, көзбен көреді, мұрынмен дем алады, құлақпен естиді, ауызбен тамақтанады, тілмен сөйлейді, тіспен тамақ шайнайды, аяқпен жүреді, қолмен ұстайды. Бұлардан басқа көзбен көруге болмайтын ағзалар да бар. Олар: асқазан, бауыр, бүйрек, жүрек, өкпе, тамақ, іш. Дене мүшелерін таза ұстау керек. Беті-қолды сабынмен жуып, тісті тіс щёткасымен тазалап отыру керек. Шашты шампуньмен жиі жуып, құлақтың ішін сабынды сумен жуып тұру керек. Денсаулықтың кепілі - тазалық.

Оқулықпен жұмыс.

(Ұ) «Допты қағып ал» тәсілі бойынша сыныпқа сұрақтар қоямын.

- Неше қолың бар? (Екі қолым бар.)

-Неше аяғың бар? (Екі аяғым бар.)

-Мұрын не үшін керек?(Мұрын тыныс алу үшін керек)

-Саусақтарың нешеу? (Он саусағым бар.)