Адамның ішкі сұлулығы бойынша сабақ жоспары, 4 сынып

Тексерілді: _______________

Пән: Өзін – өзі тану

Мектебі: «№27ЖОББМ»КММ

Күні: 23.10.2019ж

Мұғалімі: Байгалиева З.С

Сыныбы: 4 «В»

Оқушылардың саны: 22

Тақырыбы: Адамның ішкі сұлулығы

Құндылығы: Дұрыс әрекет.

Қасиеттері: Бәрін жақсы көру, ақкөңілділік, достық,қарапайымдылық.

Мақсаты: Оқушыларға адамның ішкі сұлулығының маңыздылығын түсіндіре отырып, сүйіспеншілік құндылығының мәнін ашу.

Міндеттері:

Білімділік: Оқушыларды бәрін жақсы көре білуге үйрету.

Дамытушылық: Оқушылар бойындағы достық қасиеттерін дамыту.

Тәрбиелік: Оқушыларды ақкөңіл болуға тәрбиелеу.

Ресурстар:

(материалдар, дереккөздер)

Сабақтың барысы:

Ұйымдастыру кезеңі.

5Т – ережесі: Тәртіп. Талап. Тыныштық. Тазалық. Татулық. Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті. Нұрға бөлену. Баяу әуен ойнатылады. Мұғалім: Тыныштық сәтінің мәтінін оқиды. Ыңғайланып отрыңыздар, денелеріңізді дұрыс ұстаңыздар. Аяқ- қолыңызды айқастырмаңыз. Қолдарыңызды тізеңізге немесе үстелге қоюға болады. Көздеріңізді жұмып, елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқанү Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоциаңыз бен тілек- қалауыңызды шайып, жүрегіңіздің көзін ашады.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Енді, нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға

Үнтаспа

2. Үй тапсырмасы.

1. №7 – сабақ. 3 – тапсырманы орындау.

Сұрақтар:

• Сыртқы сұлулық артық па, әлде ішкі сұлулық артық па? Неліктен?

• Адамды әсем ететін сыртқы келбеті ме, әлде жақсы мінезі ме? Неліктен?

• Адамды түр-әлпетіне қарап бағалаған дұрыс па, әлде адамшылығына қарап бағалаған дұрыс па? Неліктен?

Ескерту

3. Сабақтың дәйексөзі.

Нәрсенің сыртына қызықпа, асылы ішінде болар.

Ыбырай Алтынсарин.

Ыбырай Алтынсарин (шын аты — Ибраһим, 1841—1889) — қазақтың аса көрнекті ағартушы-педагогы, жазушы, этнограф, фольклоршы, қоғам қайраткері

Дәйексөздің мағынасын түсініп алыңдар.

Презентация №4

4. Оқиғаларды әңгімелеу (әңгімелесу)

«Жақсы болғым келеді» Асхат Өмірбаев

Ауылдағы жаңа салынған үйлердің бірінен бес жасар бала шықты. ЖАқында көшіп келгендіктен, ол ешкімді танымайтын. Көшеде асыр салып ойнап жүрген балаларды көріп, қатты қызықты. Шарбақтың арасынан қарап тұрған оны бір кезде әлгі балалар келіп, қоршап алды.

Сенің атың кім? – деп сұрады әуелі одан тәмпіш мұрын Мәди.

Кемел, - деді бейтаныс бала

Атың жақсы екен! Кел, танысайық, - деді есімін айтқан Мәди қолын ұсынып.

Ал, мынау – Жақсылық, аналар – Айнұр мен Самал. Жүр, бізбен бірге ойна.

Білмеймін, - деді Кемел сәл тартынып. – Апамнан сұрану керек.

Не ойнаймыз?

Шеңбер сызып, асық ойнайық. Сен ләңгі теуіп көрдің бе?

Жоқ

Апаң мен әкеңнін аты кім? Олар не жұмыс істейді? – деді Айнұр

Апамның аты – Ақгүл. Дәрігер. Ал әкем – Әлихан, мал емдейді.

Дәрігер болған жақсы ғой. Мен өскенде дәрігер болам,- деді Самал

Ал мен Қажымұқан атам сияқты балуан болам, - деді Мәди білегінің бұлшықетін көрсетіп.

Мен Жансая Әбдімәлік сияқты мықты шахматшы болам, - деді Айнұр.

Мұны естіген Жақсылық та сөзге араласты:

Бәрінен әкім болған жақсы. Әкім болсам, ауылға әдемі гүлдер егем. Көресіңдер, ауылымыз әлі әдемі болады. Бәріміз бай боламыз.

Кемел ғана достарын үнсіз тыңдап тұрған.

Кемел, сен кім боласың өскенде ? – деді балар оған бұрылып.

Білмеймін. Бұл туралы әлі ойланған жоқпын.

Таптым! Сенің атың Кемел ғой. Сен өскенде ғалым бол, - деп қиылды Самал.

Жоқ, Кемел әкесі сияқты мал дәрігері болады, - деді Мәди қызабаланып.

Қайдағы... Дәрігер болу үшін инеден қорықпау керек. Сен инеден қорқасың ғой, иә? – деп сұрады Жақсылық.

Иә, қорқамын, - деді Кемел шынын айтып. – Мен қарбыз еккенді жақсы көрем.

Сонда сендер қалада қарбыз егесіңдер ме? – деді Мәди таңырқап.

Қалада биік үйлер көп. Апам екеуміз балконға шығып гүл егеміз. Балкон кішкентай. Қарбыз сыймайды.

Таптым! Сен өскенде егінші бол! – деді Айнұр.