Адамзат даналығының бастаулары бойынша 9 сынып материалы

«Өзiн-өзi тану» сабағының жоспары

Мектеп З.Серікқалиұлы атындағы мектеп-интернаты

Мерзiмі: 13 .03 2020ж. №25сабақ

Сынып 9 Оқушылар саны 15

Мұғалім: Бахтыгереева Тоты Мендыхановна

Сабақтың тақырыбы: Адамзат даналығының бастаулары

Құндылық: Ақиқат

Қасиеттер: қарапайымдылық, шыншылдық, адалдық.

Мақсаты: оқушыларға ұлы тұлғалардың даналық тағылымдарының мағынасын түсіндіру арқылы Ақиқат құндылығының мәнін ашу.

Міндеттері:

—оқушыларға адамзат даналығындағы рухани тағылымның қадірін ұғындыру;

—даналық сөздер арқылы шыншылдық дағдыларын дамыту;

— қарапайымдылыққа, адалдыққа тәрбиелеу.

Ресурстар:

«Өзін-өзі тану мұғаліміне арналған хрестоматия» «Бөбек»

ҰҒПББСО

Алматы-2013

Сабақ барысы:

—Ұйымдастыру кезеңі. "5Т" ережесі

Жағымды көңіл күйге келу.

Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі.

Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады.

Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді.

Нұр көздерімізге де жетті, көзіміз тек жақсыға қарап, бәрінен жақсылықты ғана көреді.

Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз.

Ойша айтыңыз: «Мен нұрлымын... Нұр менің ішімде... Мен Нұрмын». Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады. Рахмет.

Үй тапсырмасын тексеру.

Оқулық, 145бет, №25сабақ.

Төле бидің даналығы аңыз әңгімесін оқып келу.

Дәптер, 28бет, 1-тапсырма

Сұрақтар:

1.Төле бидің сәлемін келіні қалайша дұрыс түсінді деп ойлайсыздар?

2.Қарақшыларға неліктен кешірім жасалды?

3.Кешірім алған қарақшылардың өмірінде өзгерістер болды ма?

4. Төле бидің даналығында қандай құндылықтар мен қасиеттер көрініс тапқан?

5. Төле би даналығынан өз өмір тәжірибелеріңізге қандай тағылым алдыңыздар?

Дәйексөз.

Өмірде құны ескірмес,

Бағасы құнды асыл сөз

Сүйінбай Аронұлы.

(Дәйексөзді дәптерге жаздырту, екі оқушыға дауыстап оқыту. Дәйексөздің мағынасын ашу.)

Асыл сөз дегенді қалай түсінесіздер?

Құнды сөздердің адамға тигізер пайдасы қандай?

https://kk.wikipedia.org/wiki/%D0%A1%D2%AF%D0%B9%D1%96%D0%BD%D0%B1%D0%B0%D0%B9_%D0%90%D1%80%D0%BE%D0%BD%D2%B1%D0%BB%D1%8B Сүйінбай Аронұлы (1822-1895)

Ақын, күйші, жыршы, қобызшы.

Әңгімелеу.

Сөз атасы мен анасы

( өсиет әңгіме)