Адамзаттың бәрін сүй бауырым деп тренингі

Тараз қаласы

№55 ОРТА МЕКТЕБІ

Психолог: Игликова Қ.Ж.

Тақырыбы: Адамзаттың бәрін сүй, бауырым деп

Мақсаты: Қатысушылардың өзара қарым-қатынастарын бауырмалдылықпен, сыйластықпен, сүйіспеншілікпен құруға баулу

Міндеті:

Қатысушыларға адамдармен жағымды, ізгілікті қарым-қатынас жасаудың мәнін, маңызын түсіндіру;

жағымды қарым-қатынас жасай алу дағдыларын дамыту, ізгілікке тәрбиелеу.

Шаттық шеңбері:

Ән: «Достық жыры»

Бүгінгі «Алғыс айту» күніне жиналған құрметті Ата-аналар, сіздердің бір-бірімізге алғыс-тілектерімізді білдіруге жиналғандарыңыз үшін өз жүрек жарды алғысымды мына өлең шумағымен білдіргім келеді.

Адамзатты көтерген жер шарына мың алғыс

Ауа менен суына, қорегіне және алғыс.

Бірін-бірі сыйлаған адамзатқа мың алғыс

Татулықты меңзеген әрбір жанға және алғыс

Дос болайық бәріміз, ынтымақты ту етіп,

Деп, жырлаған ұлтымызға мың алғыс

Жаттығу: «Қол алысу»

Құрметті ата-аналар бір –бірімізді жақын танып, көңіл-күйімізді көтеру мақсатында «Қол алысу» жаттығуын жасап жіберейік. Ол үшін алдымен оң жақтағы, содан соң сол жақтағы көршіңіздің қолып кос қолыңызбен қысып амандасыңыз да, өз есіміңізді атап танысып алыңыз.

Кіріспе

Мейрімділік

Мейірімділік- жаратылысты уыздай ұйытқан ең басты құндылық. Мейірімділік болмаса, күллі әлем мағынасыз болар еді. Өйткені, ғаламдағы барлық нәрсе мейіріммен жаратылған, мейірім саясында белгілі бір тәртіп пен үйлесім мән табады.

Ғайыптан келген мейірім шуағы арқылы жер мен көкті жарастырған тәртіп пен жүйе орнады. Алып ғаламнан ұсақ бөлшектерге дейінгі күллі жаратылыс адам арқылы жетпейтін осынау ғажап үйлесімділікке, сағаттың тіліндей мінсіз айналған керемет жүйелікке мейірім арқылы қауышты, деп түрік ойшылы Ф.Гулен айтқандай

Ақша бұлттар айшықтаған көк аспан төбемізден мейірімін бірде күн шуағы болып төксе, бірде жаңбыр болып, райыс нұрындай құйылып, жер бетінің мейірін қандырады. Аспан төсін айқыш-ұйқыш тілгілеген найзағайдың жарқылы тылсым рақымнан сүйінші хабар жеткізгендей. Тұтас әлем Шексіз Рақым Иесін мадақтап, дастан жырлап жатқандай ғажап күйге бөленеді. Айшылық алыс құрлықтар мен теңіздер. өсімдіктер мен жан-жануарлар бір-бірімен біте қайнасып, әрбірі өз тілінде мейірімділік туралы ән жырын шырқап жатқандай әсер береді.

Ендеше, осының бәрін көріп-біліп, ерік-жігерімен, сана – сезімімен түпкі мәніне бойлар, байыбына барған адам баласы да мейірімділіктің осынау ғажап симфониясына өз үнін қосуға міндетті.

Айналасына , адамзатқа, барша жаратылысқа мейірім шуағын шашуы адамның ардақты борышы болып табылады. Мейірімді болған сайын адамдық абаройы асқақтайды. Жауыздыққа ынсапсыздыққа бой ұрған сайын кісілігін кір шалып, адамгершіліктен алшақтайды.

Мейірімді болсаңыз ғана мейірімге бөленесіз. Кез келген жаратылысқа мейірімділік танытып, меселесін қайтармаған жан мәңгілік әлемінің қошеметіне бөленбек, дегендей

Ой толғау: «Ертегі»

Өмірге келгелі келе жатқан сәби Алла тағаладан:

Маған ертең жарық дүниеге барасың, деп жатыр, бірақ мен кіп-кішкетай, дәрменсіз қалпыммен онда қалай өмір сүрем?

Сонда Алла тағала:

Көптеген періштелердің ішінен сағанда екі періште таңдап қойдым. Олар сені күтіп отыр. Сені аялап, бағып өсіреді.

Бала сонда тағы сұрады: «Алла тағала мына әлемде бақытты болуы үшін маған ешнәрсе істеудің қажеті жоқ. Тек қана күліп және ән айтумен өтіп жатыр күндерім Ал, жер бетінде қалай өмір сүремін?»- дейді.

Сонда Алла тағала:

Сенің періштелерің, сенің әрбір қылығыңа қуанып сен үшін ән салады, бесік жырын жырлайды. Сен олардың махаббатына бөленіп бақытты өмір сүресің.

Сәби тағыда:

Мен оларды қалай түсінемін, олардың тілін білмеймін ғой.

Сонда Алла тағала: