Аялай біл сен деп соққан жүректі тренингі

Алматы облысы

Балқаш ауданы

Қарой ауылы

Бейсенбаева Фарида Кенжеевна

Педагог - психолог

«Бөбек» балалар бақшасы

Аялай біл, сен деп соққан жүректі.

Психологиялық сабақ.

Мақсаты: Жаныңда жүрген жақын адамдарды, отбасы мүшелерін, құрдастарыңыз бен достарыңызды сыйлауға, құрметтеуге шақыру.

Міндеттері:

Адамдардың бір – біріне деген мейірім – шапағатының мән – мағынасын түсіндіру.

Жаныңда жүрген жақын адамдарға деген сүйіспеншіліктерін арттыру.

Жаныңда жүрген жақын адамдарды сыйлай, қадірлей білуге өзінің қандай іс – әрект жасап жүргеніңіз жөнінде айту.

Барысы:

Армысыздар, құрметті қонақтар! «Аялай біл, сен деп соққан жүректі»атты психологиялық тренингктік жаттығуға қош келдіңіздер!

Баяу музыка ырғағымен

Иә, Алла, көрдім бе, көрмедім бе?

Иә, Тәңірім, бердің бе, бермедің бе?

Шырылдаған үніңнен айналайын,

Шыныменен өмірге келгенің бе?

Қызым болсаң – қырымдағы құралайсың,

Ұлым болсаң – ұлы бір мұрадайсың.

Естисің бе, есі жоқ, ей дүние!

Менен неге сүйінші сұрамайсың? –

деп Мұқағали ақынымыз тұңғышы туғанда осылай тебіренген екен.

Ал, сіздер тұңғышыңыз дүниеге келгенде қандай күйде болдыңыз?

Балаңыздың болашағынан не күтесіз?

Бұл өмірде сіздің жүрегіңіз кім үшін соғады немесе кім үшін өмір сүреді?

Енді сіздермен бір ойын ойнасақ.

Ойынның аты «Көңілге қаяу түсірмеу»

Барысы: Екі топқа бөлініп, жанып тұрған балауыз шамды екінші орынға жеткізу.

Міне қарасаңыздар әр адамның көңілі, әр адамның өмірі осы бір жанған балауыз шам деп есептесек, қасымыздағы жақындарымызды ренжітіп алмау үлкен жауапкершілікті, жақсылық пен қамқорлықты қажет етеді. Бір жерінен мүлт кетсек адам өміріне қаяу туседі. «Уф» деп үрлесек өшкен шамдай сізге деген көңілі де сөнеді. Сол себепті де сен деп соққан жүректі аялай білу керек.

Енді бір – біріміздің мінезімізді білу үшін «Менің мінез - құлқым» атты тренингтік жаттығу жүргізейік.

Тренинг барысы: Әр қайысымыз өзімізге ұнаған екі суретті таңдап аламыз. Енді кезекпен менің айтқан сөзіме бірінші таңдаған суреттің атын, екіншіге екіншісін айтасыз. Мысалы: үйде – бота, жұмыста – балапан. Еркелегенді, еркелеткенді ұнататын адам.

Түйе – шыдамды.

Ат – текті.

Сиыр – өкпелегіш адам.

Қой – жайдарлы адам.