Әдебиетті оқыту жүйесін қалыптастырған ұстаз туралы

Қанипа Омарғалиқызы Бітібаева

1945 жылы - Шығыс Қазақстан облысы , Тарбағатай ауданы , Жетіарал ауылында дүниеге келген . Жаңашыл ұстаз , профессор . 1968-1980 жылға дейін Ласты ауылында мұғалім болып жұмыс жасады . 1980 жылы - Өскемен қаласындағы Жамбыл атындағы облыстық мектеп-интернатында ұстаздық қызметін жалғастырды . Осы кезеңдерде еліміздегі ұстазға берілетін атақ , дәреже мен құрметтің барлығын алды . 1968 жылы - Семей педагогикалық институтын бітірген . Қазақстанның еңбек сіңірген мұғалімі . Ұстаздардың ұстазы , халық мұғалімі атанды . КСРО мемлекеттік сыйлығының лауреаты . Авторлық мектептің жетекшісіне айналды . Қ. Бітібаеваның есімі , атағы Республика жұртшылығынан асып , ТМД елдеріне дейін жайылды .

Өзі өмірден кеткенімен , тірлігінде жасаған өнегелі ісі мәңгі өшпейтін жандар болады . Солардың бірі – барша қазақтың Хан апасы атанған ұстаз , « Құрмет » орденінің иегері , КСРО Мемлекеттік сыйлығының иегері Қанипа Бітібаева . Әдістемелік кабинеттің берері көп Ұстаздың мол мұрасын жаңғыртатын Бітібаеваға арнал ған шараға республикамыздың сегіз өңірінен қонақтар қатысқан . Қыстың қыраулы күніне қарамай еліміздің бас қаласы Астанадан бастап , Алматы мен Атыраудан , Ақтөбе мен Петропавлдан келген қатысушылардың қай-қайсысы болмасын Хан – апаға арналған осынау шараның – қазақ тіліне жасаған үлкен құрмет екенін жақсы түсініп , Республикалық деңгейдегі « Бітібаева оқулары » ғылыми-тәжірибелік конференциясының беташарына облысқа ғана емес , есімі республикаға кеңінен таныс айтыскер ақын Аслан Ғафуровтың жыр шашуымен ашқан болатын .

Қанипа Омарғалиқызы Бітібаева

өз дәуірінің ерекшелігін айқындайтын, заман келбеті бола алатын жан. Оның есімі педагогикадағы толыққанды жаңаруға арналған ғылыми-әдістемелік негіздің құрылуы мен егеменді мемлекетіміздегі қазақ тілі мен әдебиетінің дамуы тығыз байланысты.