Әдептілік – әдемілік тақырыбына 2-сынып тәрбие сағаты

Маңғыстау облысы, Бейнеу ауданы

Жанкелдин атындағы орта мектебі

Ажибаева Гулсим Айтжановна

Бастауыш сынып мұғалімі

Әдептілік – әдемілік

Мақсаты: Оқушыларды адамгершілікке, кішіпейілділікке, әдептілікке,

еңбексүйгіштікке баули отырып, жаман әдеттен аулақ болуға,

үлкенді сыйлауға, кішіге қамқор болуға үйрету. Адам бойындағы

ұнамды, ұнамсыз қылықтарды айыра отырып, әдеп әліппесін

бойына дарыту, тіл байлығын, таным белсенділігін арттыру,

сыпайылыққа тәрбиелеу.

Көрнекілігі: Адамгершілікке байланысты түрлі сюжетті суреттер.

Жүрісі: I Ұйымдастыру

Шеңберге орналасу, амандасу.

-Балалар, келіңдер, біздің сүйікті шеңберімізде тұрып бір – бірімізбен амандасайық.

Қуан, шаттан!

Қуанатын күн бүгін.

Қайырлы таң!

Қайырлы күн!

Күліп шықты күн бүгін!

II Танысу

-Құрметті ұстаздар! «Әдептілік – әдемілік» атты ашық тәрбие сағатымызды бастаймыз. Алдымен әрбір бала өзінің есімінің бірінші әрпіне сәйкес келетіндей, әдептілік мінез – құлық көрсеткіштеріне байланысты өздерін таныстырып өтеді.

Ақылды, адал – Аянат.

Орнын білетін – Орынбысар

Көңілді, көрікті – Күнсара

Әкесін жақсы көретін Әділ

Әдемі, әдепті – Әсима.

Сүйкімді, сезімтал – Сәулет.

Әжесінің баласы – Әділжан.

Жанның саясы – Жансая.

Досы көп – Диас.

Ізетті, ілтипатты – Іңкәр.

Анасына ұқсайтын – Аружан.

Шыдамды, шырайлы – Шұғыла

Қайырымды – Қалдарбек

Аққөңіл – Азамат

Ырыздығы мол – Ырысты.

III Мақал – мәтел айту

Мұғалім сөзі: - Тәрбие сағатын әдептілік туралы мақал – мәтелдермен

ашайық, қәне, кім қандай мақал – мәтел айтады екен?

( Оқушылар әдептілік туралы мақал – мәтелдер айтады )

-Өте жақсы, әдепті болу – әр баланың міндеті. Әдептілік – адамның ең жақсы қасиеті. Әдепті бала болашақта өзінің жақсы азамат екенін дәлелдеп, аңсаған арманына жетеді. Әдептілік туралы мақал – мәтелдерді көп біледі екенсіңдер. Ал, енді осы әдептілік дегенді қалай түсінесіңдер? Сол жөнінде өздеріңнің пікірлеріңді тыңдайық.

IV Пікір алысу

Күнсара:Әдептілік – әдемілік.

Әдепті адам әдемі.

Ол өзінің дұрыс киінуі, сыпайы сәлемдесуі, өзін –өзі күте білуімен әдемі. Әрбір адамның әдептілігі оның сөзінен, көзінен, өзінен байқалады.

Сәулет: Мен Күнсараның пікіріне қарсымын.

Әдемі адамның бәрі әдепті бола ма?

Әдептілік дегеніміз өзін – өзі кез – келген ортада ұстай білу. Ол әдемі болмаса да, өзін – өзі ұстай білсе – әдепті.

Әділ: Үлкен кісілерге « Ассалаумағалейкум» деп амандасып, амандығын,

денсаулығын сұрау парыз. Дұрыс амандасудың адамгершілік,

имандылық мәні бар. Иманы жоқтың, ұяты жоқ.

Іңкәр:Неге? « Ассалаумағалейкум» депамандаспасаң, үлкендер сәлемімізді

алмай ма? Әйтеуір үндемей кетпесе болды емес пе?

Шұғыла: Дұрыс тамақтану, мезгілімен ұйықтау, ата – ананы сыйлау –

халықтық дәстүр, халықтық әдеп. Біз осы нәрселерді, адамгершілік

қағидаларды сақтай білсек, ұлттық әдепті қорғай білеміз.

Аянат: Түнде ұйықтарын ұйықтармын – ау, бірақ теледидардан жақсы кино

болып жатса, оны неге көрмеймін. Сонда мен әдепсіз бала

болғаным ба?

Қалдарбек:Сендұрыс демалмасаң ерте тұра алмайсың. Әрбір тірліктің өз

уақыты бар. Оны дұрыс пайдаланудың өзі әдептілік.

Әділжан: Жақсы амандассам, әдемі киінсем, сыпайы сөйлесем, тек қана

дұрыс ұйықтамағаным үшін әдепсіз емеспін деп ойлаймын.

Әсима: Үлкен адамға сәлем беру кіші адамның міндеті. Қазақта «Алыстан

алты жасар бала келсе, алпыс жастағы қария сәлем береді» деген

бар. Ал кездескен кезде кіші адам үлкен адамға сәлем бермей кетсе,

ол әдепсіздік, көргенсіздік. Сәлем беру имандылық, инабаттылық,

көргенділік, мәдениеттілік белгісі.

Ырысты: Сәлемдескенде, сәлем бергенде, әркім дауыстың дабырламауына,

үнінің үйлесімділігіне, яғни дауыс ырғағына ерекше көңіл

аударып, салмақпен, әдеппен сөйлесуге міндетті. «Сөз басы -

сәлем» дегеніміз сол.