Әдептілік – әдемілік тәрбие сағаты, 2 сынып

Тақырыбы: «Әдептілік - әдемілік»Мақсаты:

1. Оқушыларды адам бойындағы ұнамды, ұнамсыз қылықтарды ажырата отырып, әдеп әліппесін бойына дарыту. «Әдеп», «әдептілік» туралы түсініктерін кеңейту;2. Оқушылардың сөздік қорларын молайту, әдептілік пен әдепсіздік туралы өз ойларын қорытып, тұжырымдай білуге үйрету.3. Адамгершілікке, кішіпейілділікке, жаман әдеттерден аулақ болуға тәрбиелеу

Көрнекілігі: Әдептілікке байланысты суреттер, слайдтар

Сабақтың барысы:

Психологиялық дайындық.Мейірімді жүрекпенАқ пейілді тілекпенАмандасып алайықБір жадырап қалайық!

Ән: «Біз әдепті баламыз.»

Мұғалім: - Құрметті, ұстаздар, оқушылар! Бүгінгі біздің тәрбие сағатымыздың тақырыбы: Әдептілік - әдемілік! Хош келдіңіздер!

- Адам баласының бойында жақсы да, жаман да қасиеттер болады екен. Бізге ақылдылықты, адалдықты, қарапайым - кішіпейілділікті, инабаттылықты, шыншылдықты үлкендер үйретеді. Біз оны түсініп, ата - баба салт, әдеттерін үйренеміз. Адам болатын бала - барлық жақсы қасиеттерді үйреніп, жаман мінез әдеттерден, ұнамсыз қылықтардан аулақ болуға тырысуы керек. Әдепті, ақылды балалар қандай болуы керек екенін мына өлең жолдарынан тыңдап көрсек.

Бауыржан:

«Білер қазақ баласы,

Сәлем - сөздің анасы»

Алдымыздан кезіккен,

Көп танысты көреміз.

Бәріне де ізетпен

Біздер сәлем береміз.

Диаз:

- Сәлеметсіз бе, ағай!- деп

- Сәлеметсіз бе, апай!- деп

- Есенсіз бе, әжей!- деп

- Амансыз ба атай!- деп

- Ұл - қыз сәлем береміз,

Өнегелі өренбіз.

Айсұлу:

Ата - ананың тілегі,

Адам болып өскенің.

Адамдықтың тілегі,

Адал болып өскенің.

Әдептілік дегенің,

Әрқашанда керегің.

Әсемпаздық дегенің,

Әуре салсаң әлегің.

Қ. Іңкәр:

Тәртіпті бала сүйеніш,

Төбең бір көкке жетеді.

Ұрыншақ бала жанында,

Ұрыс пен керіс айқай шу.

Ұстамды бала маңынан

Ұнамды қылық байқайсың.

Жанерке:

Құс ұясын бұзбаймын,

Бүлдірмеймін жейдемді.

Қабырғаны сызбаймын,

Жинап қоям бөлмемді.

Бос шимайлап, шатпақтап,

Дәптерді де жыртпаймын.

Бір күн болмай сатпақтап,

Киімімді құртпаймын.

Аружан:

Апамызды сыйлайық,

Үйдің ішін жинайық.

Бұрынғыдай егесіп,

Ерегісіп тұрмайық.

Қалмау үшін керісіп,

Кел алайық келісіп,

Атқарайық үйдегі,

Жұмысты тең бөлісіп.

Мадина:

Кел, самаурын қайнатып,

Дастарханды жайнатып,

Отырайық бөлмеде,

Бөпемізді ойнатып

Гүлдерді де суарып,

Еденді де жуайық.

Келген кезде жұмыстан,

Қалсын апам қуанып.

Нурасыл:

Қарсы ал ерте күн көзін,

Төсегіңді жина өзің.

Асықпай іш тамақты,

Жалама аяқ тамақты.

Пышақты ұста оң қолмен,

Шанышқыны сол қолмен.

Нанды үгітпе, қадірле,

Қабығымен бәрін же.

Саусағыңды сормағын

Садыр салақ болмағын.

Гулназ:

Су құйдым да құманмен,

Қолына мен әкемнің,

Содан кейін оған мен,

Орамалды әпердім.

Көрініс: «Әдептілік»Ы. АлтынсаринБір жұрттың үлкен оқымысты кісісі екінші бір елдің байымен сөйлесіп тұрғанда, қастарынан бір жарлы адам өтіп бара жатып, оқымыстыға келіп, басын иіп сәлем береді.Оқымысты басын одан да төменірек иіп сәлемдеседі.Қасындағы бай:- Тақсыр, осынша біліміңіз бар ғалымсыз. Сөйте тұрып, жарлы адамға соншалық иіліп сәлемдесуіңіздің мәні қалай? - деп сұрайды.Сонда…