Әдептілік әдемілік тәрбие сағаты 1 сынып

Тәрбие сағаты

«Әдептілік – әдемілік»

Мақсаты: Балаларды кішіпейілділікке, үлкендерді сыйлауға, көмектесуге үйрету, жақсы қасиеттерді бойына сіңіріп, жаман қасиеттерден жирену сезімін дамыту. Адам бойындағы ұнамды, ұнамсыз қылықтарды айыра отырып, әдеп әліппесін бойына дарыту, тіл байлығын, таным белсенділігін арттыру. Оқушыларды әдептілікке, сыпайылыққа тәрбиелеу.

Сабақтың көрнекілігі: Мақал-мәтелдер, нақыл сөздер жазылған плакаттар, тірек сызбалар

Сабақтың барысы:

Ұйымдастыру кезеңі

Мұғалім:

Бүгінгі тәрбие сағатымыз әдептілік тақырыбында өтіледі.Әдептілік- адамдардың өзара жақсы қарым-қатынасының, жүріс- тұрысының ережесі. Осы әдептілік ережесін сақтау керек. Бүгінгі заман адамы сегіз қырлы, бір сырлы болып өсуі керек. «Әсемпаз болма әрнеге, Өнерпаз болсаң арқалан. Сен де бір кірпіш дүниеге Кетігін тап та бар қалан»деп Абай атамыз айтқандай кішіге мейрімді, досына қайырымды, еңбексүйгіш, шыншыл да қамқор болсаң өсе келе ата- анаңның, Отаныңның мақтанышы боласың. Адам болатын бала-барлық жақсы қасиеттерді үйреніп, жаман мінез, жаман әдеттерден аулақ болуға тырысуы керек.

Мұғалім:Ендеше әдепті, ақылды балалардың қандай болуы керек екенін мына өлеңдерден тыңдайық.

1 оқушы:

Әдептілік дегенің, Әрқашанда керегің. Әсемпаздық дегенің, Әуре-сарсаң әлегің.2 оқушы:Алдын орап кісінің, Кесіп өтпей көлденең, Ізетімен кішінің, Сәлемдесіп қол берем.

3 оқушы:Көршілерді көргенде, Сыйлап сәлем беремін. Әдепсіз деп сөкпесін,

Анама айтып өкпесін.4 оқушы:Кім үлкенді сыйласа,

Кім үлкенді тыңдаса

Үлкен болған кезінде

Сыйлы болмақ өзі де.

5 оқушы:

Сыйла үлкен кісіні

Қамқорлыққа ал кішіні.

Сақтап көше тәртібін,

Бағдаршамның ал тілін.

Әдет қыл бұл ісіңді,

Тазалап жүр тісіңді.

Хормен:

Әдептілік дегенің- әрқашанда керегің,

Әсемпаздық дегенің- әуре сарсаң әлегің.

Оқушы:Атам маған қашан да,

Әділетті бол деген.

Ата сөзі санамда,

Жүрем тура жолменен,-дегендейалдарыңызда « » көрініс.

Мұғалім:

Аулақ жүріп жаман қылық, әдеттен,

Үйренеміз жақсы мінез әдептен, -дей отыра, келесі кезегімізде «Жалғасын тап» ойыны.

Бұл ойында мен әдептілік, кішіпейілділік, жақсылық пен жамандық туралы мақалдар айтылады. Мен басын айтамын, ал сендер оның жалғасын тауып айтуларын керек.

1)Әдепті бала- арлы бала,

Әдепсіз бала- сорлы бала.

2)Әдептілік белгісі, Иіліп сәлем бергені.

3)Ашу- дұшпан, ақыл- дос,

Ақылыңа ақыл қос.

4)Сіздеген-әдеп,

Біздеген-көмек.

5)Ұлықболсаң- кішік бол.