Ағылшын тілі сабағын бекіту тәсілдері туралы мақала

Сабақты бекітуге қолдануға болатын әдістер

Жаңаша оқытуда сабақты бекітудің маңыздылығын әрбір мұғалім түсініп, тапсырмаларды дұрыс таңдағаны маңызды. Бұл тапсырмаларды орындағанда оқушылардың жеке қабылеті ескерілуі тиіс. Жаңа сабақтан алған білімдерін тиянақтап, өмірде қолдана білуі керек. Төмендегі тәсілдер жаңа сабақты бекітуге сонымен қатар бөлімдерді бекітуде пайдалануға өте тиімді.

Ыстық орындық. Бір оқушы алға шығып өз пікірін айтып және тақырып бойынша сұрақтарға жауап береді. Бұл әдіске сабақта меңгерілген жаңа сөздерді атау немесе сөйлем құру, мәтін бойынша дайындалған сұрақтарға жауап беру арқылы жүзеге асыруға болады. Бұл тапсырмаларды орындаудың ерекшелігі, атына сай орындық ыстық болғандықтан оқушы жылдам ойлап, жылдам жауап беруі тиіс.

Оңай және қиын сұрақтар кестесі. Бұл кестеніоқушылар қандай да болмасынмәселе бойынша өз пікірін келтіру үшін немесе жаңа ақпаратпен танысқанда толтыра алады. Кестенің сол жағына олар түсініктері бойынша оңай, ал оң жағына қиын сұрақтарды келтіреді. Мысалы, оңай сұрақтар дегенімізмәтінде жауабы бар сауалдар, ал қиын сұрақтардың жауабы мәтінде жоқ, оларға тек өзіндік тұрғыдан ғана жауап беруге болады.

Алтын балық. Сынып алдында өз пікірін білдіргені болмаса, қалған жағдайда «ыстық орындық» сияқты. Ол алтын балыққа арналған аквариумда отырады, басқалары оған сұрақ қоып, түсініктеме беруді талап ете алады және т.б. Бұлардан өзге сабақтың бұл кезеңінде семантикалық карта, Венн диаграммасы, сөзжұмбақ, сөздік диктант т.б тәсілдерді пайдалануға болады. Осы әдіс-тәсілдер сабақ барысында оқушылардың белсенділігін арттырып, пәнді оңай игеруге көмектеседі, функцианалдық сауаттылығы артады.

Оқушының сөздік қорын қалыптастыруға байланысты мақсаттар

Заманауи тәсілдің ең негізгі ерекшеліктері оқушылардың алған білімдерін жай ғана иеленіп қоймай, оларды орынды жерде қолдана білуіне басты назар аудару болып табылады. Оқушының сөздік қорын қалыптастыруға байланысты мыныдай мақсаттар қоямыз:

Әр сабақта белгілі мөлшерде оқушыға жаңа сөз үйретіп отыру, яғни оқушының создік қорын дамыту.

Оқушыны сөзді тыңдауға жаттықтыру.

Оқушы меңгерген сөздерімен сөз тіркесін, екі-үш сөзден сөйлем құрай алатын болуға тиісті. Бұл сөйлеуге, сөйлесуге үйрету үшін қажет.

Ағылшынша сөздерді дұрыс айта білуге дағдыландыру керек.