Ағылшын тілі сабағындағы жаңа әдіс-тәсілдер мақаласы

Жаңартылған бағдарлама бойынша ағылшын

тілі сабағында қолданылатын әдіс-тәсілдер

Жаңартылған бағдарлама бойынша ағылшын тілі пәнінің негігі мақсаты қарым-қатынас мәдениетін дамыту және шет тілін тәжірибелік тұрғыдан игеру.Қазіргі сабақта тәрбиелік,дамытушылық мақсаттардың бәрі осы бағытта өрбиді және оқушыны кез келген шетелдік орта жағыдайында өздерін еркін және дұрыс ұстай білуге үйретуді көздейді.

Мұндағы мұғалімнің міндеттері мен маңызды әдіс-тәсілдер:

1. Оқушыны белсенділігімен шығармашылығын еркін көрсете алатын әдіс-тәсілдерді қолданып әрбір баланың сабаққа қатысуын қадағалау

2 Оқушының танымдық мүмкіндігін белсенді етіп дамытатын әдіс-тәсілдер қолдану,мысалы:

сценарно-контекстік әдіс,өмірде қажет болып қалатын жағдаяттар негізінде рөлдік-диалогтік әрекеттер (MeetinGuests in theLobby. Invitations. At the Supermarket)

сабақ-пресс-конференция, қоғам қайраткерімен болған сұхбат, журналист болу,маман ретінде кеңес беру сияқты имитациялық ойындар әдісі бұл балаларды өз бетінше ізденіп,қосымша материалдар тауып жазып сөйлей білуге үйретеді.

ақпараттық технология яғни интернет ресурстарын тұрақты қолдану мұнда-компьютерлік оқыту бағдарламаларын сабақта пайдалану арқылы тақырыпқа сай тапсырмалар жасау қолдану, грамматиканың дұрыс айтылуын,сөздердің контекстік мәнін түсіндіріп,айтылуын түзейтін аудиограмма,видеограммалармен интернеттік оқыту бағдарламаларын сабақта кеңінен қолдану.Бұл үшін мұғалім интерактивтік тақтаны толық меңгеріп алу қажет.

проектлік технология-баланың шығармашылық,танымдық қабілетін дамытып,өз бетінше ізденуге үйрететін жақсы бір әдіс-тәсіл болып табылады. Мұнда әр бала топтық жұмысқа икемделіп, өз тобының тапсырмасын бірігіп жасау немесе идея айту түрінде өз үлесін қосады және бірге қорғайды, топ үшін жанкүйер болып, бірлесіп топтық жұмыс істеуге үйренеді.

Топтық жұмысқа кіріспес бұрын әр балаға түсіндіру қажет: мұнда сендер бәрің бірдей жауапкершіліктесіңдер,әрқайсысың сәл болса да тапсырмаға өз үлесіңді қосуға тиіссіңдер, тапсырманы бәрің бірдей түсініп алуларың керек, онсыз іске аспайды. Бағалау бәріңе бірдей қойылады,оның ішінде жеке отырып көп үлес қосқандардың да еңбектері ескеріледі

Ойын технологиясы- мұнда сабақ барысында қолданылатын ойындардың қолданылуы. Мұғалім әр сабақта сөздік түрінде болсын,сөйлем түрінде немесе лексикалық,грамматикалық тапсырмалар түрінде болсын, ойлауға,зейінге,есте сақтауға арналған ойындар болсын сабақта кеңінен қолданылуы тиіс. Әдетте ойын технологиясы сабақ соңында 10-12 минут қалғанда топтық түрде өтіледі.Бұдан басқа жеке және үнсіз ойналатын ойындар болады ым-ишарамен көрсету,суреттік,монологиялық,карточкалармен жұмыс және тренинг түрінде өткізілетін ойындар слайдтар түрінде…