Ағылшын тілінен қалыптастырушы бағалау тапсырмалары

«Ағылшын тілі пәнінен қалыптастырушы бағалауға арналған тапсырмалар».

Ағылшын тілі – ХХІ ғасырдың тілі. Бұл тіл қазақты дүниеге танытатын, әлемдік деңгейге шығаратын тіл. Еліміздің шет елдермен қарым-қатынасымыз күшейіп отырған кезде оқушылардың ағылшын тіліне қызығушылығын, білімге құштарлығын ояту, танымдық белсенділігін арттыру басты міндет болып табылады. «Ағылшын тілі пәнінен қалыптастырушы бағалауға арналған тапсырмалар» 7- сынып оқушыларына арналған жаңартылған білім аясында құрастырылған. Тапсырмаларға берілген мақсаттар мен нақты дискрипторлар жұмыстың тиянақты орындалуына бағытталған. Оқушылардың дербестігінің өзара байланысы олардың жұмысты өз еркімен орындауына итермелейді. Берілген тапсырмаларды ізденіп белсенді ойлау арқылы орындайды.Осының нәтижесінде оқушылар өздігінен бақылауды үйренеді, оқушыларда тапсырылған істі аяғына дейін орындаудағы жауапкершілік сезім, еңбексүйгіштік, табандылық қалыптасады.

Қазіргі білім беру жүйесінің мақсаты – бәсекеге қабілетті маман дайындау. Бейімділік-оянып келе жатқан қабілеттің алғашқы белгісі. Баланың жасырын тіпті, тым терең жатқан қабілеттерінің көрінуіне мүмкіндік жасау тек оқыту үрдісі кезінде үлкендердің басшылығымен жүзеге асады. Оқушылардың шығармашылық қабілеттерін дамытуда мынадай әдіс-тәсілдер қолданады. Мұғалімнің нақты тапсырмалар беруі арқылы жұмыстың уақытында орындалуы қадағаланады.Оқушылардың дербестігінің өзара байланысы олардың жұмысты өз еркімен орындауға итермелейді. Берілген тапсырмаларды ізденіп белсенді ойлау арқылы салыстыра орындайды.

Жұмыстың өзектілігі:

Қалыптастырушы бағалауға арналған тапсырмалар жинағы ұстаздарға 7-сыныптың оқушыларына ағылшын тілі пәні бойынша қалыптастырушы бағалауды жоспарлау, ұйымдастыру және сабақты тиімді өткізуге көмек құралы ретінде құрастырылған. Жинақ тапсырмалары оқу бағдарламасы мен оқу жоспарының негізінде дайындалған. Ағылшын тілі пәнінің грамматикасына терең түсінік берілген. Арнайы курста тапсырмаларға нақты дискрипторлар берілген, жаңартылған бағдарлама аясында құрастырылған.

Жұмыстың мақсаты:

Өзімнің ойымды тұжырымдай келе кез келген оқулықтарда ұсынылған грамматикалық жаттығулардың саны жеткіліксіз, және мұғалім әрқашан қосымша жаттығулардың қажеттілігін сезінеді. Сондықтан ұсынылған жаттығулар жинағы жұмыс істеу үшін, оқушылардың сауатты жазып, өз ойын еркін жеткізе білу үшін тигізетін пайдасы зор. Мұғалімнің нақты тапсырмалар беруі арқылы жұмыстың уақытында орындалуы қадағаланады.

Күтілетін нәтиже:

Қазіргі заман талабына сай әр оқушы әр сабақ кезінде жаңа білім қосып қана қоймайды, соны өзі игеріп, талдап, пікір таластыру деңгейіне жетіп, даму үстінде болады.

өз қабілеттерін ашады, ынтасын дамытады;

оқушы өз білімін шыңдап, алған білімін іс жүзінде қолданады;

оқушылар сауатты жазып, өз ойларын еркін жеткізіп үйренеді;

дискрипторларды нақты қолданып, жұмысты уақытында орындауды үйренеді;