Айболит және оның достары ашық оқу қызметі

"Аманқарағай ауылдық округінің әкімі аппараты ММ

"Бөбек" Аманқарағай бөбекжай-бақшасы" МКҚК

Кіші жас «Ақбота» тобына арналған

ашық ұйымдастырылған оқу қызметінің конспектісі

«АЙБОЛИТ ЖӘНЕ ОНЫҢ ДОСТАРЫ»

2019-2020 оқу жылы

Кіші жас «Ақбота» тобына арналған

Ашық ұйымдастырылған оқу қызметінің конспектісі

Өткізу күні: 23.01.2020 ж.

Тәрбиеші: Дюмбаева А.В.

Білім беру саласы: «Денсаулық»

Бөлімі: Дене шынықтыру

Өтпелі тақырып: «Сау болып өсеміз», «Денсаулық аптасы»

Тақырыбы: «Айболит және оның достары»

Мақсаты: Балаларды интеграциялық сабақ арқылы берілген тапсырмаларды дұрыс орындауға үйрету. Дене шынықтырудың алғашқы элементтерін динамикалық жаттығулар арқылы жасап, белгілі бір бағытта ұйымдасқан түрде қозғалу біліктіліктерін бекіту. Балалардың қозғалыс белсенділігін дамыту. Балаларды қайырымдылыққа, адалдыққа, мейірімділікке тәрбиелеу.

Көптілділік: дәрігер-доктор, түлкі-лиса, қоян-заяц, қасқыр-волк, доп-мяч

Ұйымдастырылған оқу қызметінің барысы:

1. Ұйымдастырушылық кезеңі:Балалар шаттық шеңберге тұрады:

Сәлем дейміз құстарға,

Сәлем дейміз аңдарға

Сәлем дейміз апайға

Сәлем дейміз қонақтарға (СЛАЙД №1)

2. Негізгі бөлімі:

Қызығушылық ояту.

- Балалар бүгін бізге қонаққа Айболит дәрігер келді. Қанеки дәрігермен амандасайық.

Айболит: Балалар, маған сендердің көмектерің керек. Мен аңдарға көмекке келген едім. Орманда артқа қайтатын билетімді жоғалтып алдым.Маған билетті тауып алуға көмектесесіңдер ме? (Балалардың жауабы)

Тәрбиеші: Ендеше орманға шығып, аңдарды сұрап, билетті іздейік. Орманға жету үшін шынығып алайық.

«Аяқпенен топ-топ-топ» аудиоән (СЛАЙД №2)

Айболит: Енді балалар орманға аттанайық

Топ-топ басайық

Орманға барайық

Аңдармен көрісіп

Жағдайларын сұрайық

Ағаштың жанына келгенде қасқырды көреді.

Тәрбиеші: Балалар бұл не екен? (Ағаштың артынан қасқырды тауып алады)

Айболит. Бұл қасқыр. Қасқыр сен билет көрдің бе? (Айболит қасқырды қолына алып құлаққа салып тыңдайды). Қасқыр онда билеттің бір ғана бөлшегі бар екенін айтты. Оны бізге ойын ойнасақ қана қайтарып беретінін айты. Ол доптарын шашып алыпты соны жинап беруге көмек сұрап жатыр. Ол үшін онымен бірге ойын ойнайық.

Ойын: «Кім жылдам» (СЛАЙД №3)

Шарты: балалар шашылып жатқан доптарды тез жинап алу керек.

Айболит: Әрі қарай барайық.

Топ-топ басайық

Орманға барайық

Аңдармен көрісіп

Жағдайларын сұрайық

Алдарында бұтаны көреді, оның арасында қоян отырады.

Айболит: Қоянжан қалың қалай? Сенде билет бар ма? (Айболит қоянды қолына алып құлаққа салып тыңдайды). Қоян егер оның тапсырмасын орындасақ билеттің бір бөлшегін беретінін айтты. Балалар қоян өзінің сәбізін жемістер мен көкөністер арасынан жоғалтып алыпты, оны тауып беруге көмектесеміз бе? Ол үшін дорбашадағы жемістер мен көкөністерді атап шығайық. Енді осы көкөністер мен жемістерді жеу үшін не істеу керек. (жуу керек). Олар бізге не үшін керек? (оларда дәрумендер бар).