Әйелдер көйлегін пішу бойынша ашық сабақ

Пәні: Тігін өндіріс технологиясы.

Күні: 25.09.18 ж

Сабақтың тақырыбы: Әйелдердің көйлегін пішу,модельдеу,көктеу.

Сабақтың мақсаты:

Білімділік: Студенттерге көйлектің үлгісі бойынша толық мағлұмат беру, үлгі бойынша моделдеу және матаға пішу әдіс-тәсілдерін үйрету.

Дамытушылық Теориялық білімдерін сарамандық жұмыста пайдалана білу, студенттер өз бетінше ізденуге дағдыландыру, олардың ой-өрісін дамыту,мамандыққа деген қызығушылығын арттыру.

Тәрбиелік: Еңбек сүйгіштікке, зейін қоюға, өзін-өзі бақылай білуге, жауапкершілікке тәрбиелеу.

Сабақтың көрнекілігі: Бұйым .тігін машина ,ине,жіп,қайшы.тб

Сабақтың түрі: аралас сабақ

Әдіс-тәсілдер: сұрақ -жауап

Пәнаралық байланыс: технология.биология.математика.

Сабақтың барысы:

І. Ұйымдастыру бөлімі

а) Студенттермен амандасу, түгендеу, олардың сабаққа әзірлігін тексеру.

б) Назарын сабаққа аудару, сабақтың мақсаты мен міндетін айту.

ІІ. Үй тапсырмасын сұрау

1.Фасон дегеніміз не?

2.Өлшем бірліктерін атап бер?

3.Костюм дегеніміз не?

4. Стиль нешеге бөлінеді және атап бер ?

5. Қандай маталарды білесіз?

ІІІ. Жаңа сабақ: Киім дайындау процесі мынадай негізгі кезеңдерден тұрады: модель, конструкция және лекало құрастыру; материалды пішуге және пішімді дайындау (яғни, дайындау-пішу бөлігіндегі жұмыстар); бұйымды тігу және өңдеу. Пішім бөлшектерінің жиынтығына тұрақты емес және модельге қарай өзгеріп отыратын көптеген бөлшектер кіреді. Мысалы, көйлектің алдыңғы жағы тұтас болуы мүмкін немесе екі не үш бөліктен тұруы мүмкін, жең біртігісті және екітігісті т.б. болуы мүмкін. Көйлекті дайындау үшін мынадай бөлшектерді пішеді:

-алдыңғы бой – екі бөлшек,

-артқы бой – бір бөлшек,

- белдемшенің алдыңғы ені – бір бөлшек,

- белдемшенің екі бөліктен тұратын артқы ені – екі бөлшек (тұтас болуы мүмкін),

-үстіңгі жаға – бір бөлшек, астыңғы жаға – бір бөлшек (екі бөліктен болуы мүмкін),

- өңірасты – екі бөлшек, манжета – екі бөлшек,

- жапсырмалы қалта – бір бөлшек, белбеу – бір бөлшек.

Модельге қарай алдыңғы бойдың орнына бір тұтас бөлшек – алдыңғы жақ болуы мүмкін, артқы бойдың ортасында тігіс болуы мүмкін, алдыңғы жақ пен артқы бой белдемше енімен тұтас пішілген болуы мүмкін.

Жең екі бөліктен тұруы мүмкін, ал жаға тұтас (астыңғы жаға мен үстіңгі жаға) бірге болуы мүмкін және т.б. Киімді модельдеуде, конструкциялауда және оның технологиясында қиықтар мен пішім бөлшектері сызықтарының келесідей бірыңғай атаулары қабылданған. Алдыңғы бойдың конструктивтік сызықтары, қиықтары мен нүктелері мынадай атауларға ие: бүйір қиығы,өңір ойығы,ойық нүктесі, мойын ойындысы қиығы, иық қиығы, қолтық ойындысы қиығы, бүйір қиық, үстіңгі бүкпе, етек қиығы немесе бел қиығы, бел қиығының бүкпесі, алдыңғы жақ ортасының сызықтары. Артқы бойдың конструктивтік сызықтары, қиықтары мен нүктелері мынадай атауларға ие: артқы бой ортасы , артқы бойдың мойын ойындысының қиығы, иық қиығы, иықты бүкпе, қолтық ойындысы қиығы, бүйір қиық , етек қиығы немесе бел қиығы, бел қиығының бүкпесі. Жеңнің конструктивтік сызықтары келесідей атауларға ие: алдыңғы қиық, жең қиығы, шынтақ қиығы, етек қиығы. Белдемшенің алдыңғы енінің…