Айгүл ансамблінің мүшесі Ханбибі Дүйсенбаева туралы мақала

Айгүл" вокалды-аспаптық халық ансамблінің мүшесі – Ханбибі Дүйсенбаева

1955 жылы Маңғыстау ауданы "Қызылтаң" колхозына қарасты Қандыбас жерінде дүниеге келген. Ханбибі өнерді сүйген отбасынан шыққан. Әкесі Дүйсенбайұлы Сенбай –Ұлы Отан соғысының ардагері, 1959 жылға дейін «Қызылтаң» колхозында партия ұйымының секретары болған. Одан кейінгі жылдарда Құйылыс жерін тұрақты мекен етіп, совхоз шаруашылығындағы науқандық жұмыстарда болды. Сенбай ауыл шаруашылығы саласының озық қызметкері. Егіншілікпен айналысты. Мінезі көңілге қонымды, адал, әділ, өз ісін тиянақты атқарған азамат. Ән-күйге ерекше ықыласты, балаларының бәріне халық өнерін насихаттап, домбыра тартуды үйретеді. Анасы әнді жақсы салатын ерекше даусы бар жан еді. Күнімай Отарқызы соғыс жылдарында Таушықтағы көмір тресінде еңбек етті. Зейнеткерлікке шыққанша совхоз шаруашылығындағы әр түрлі маусымдық жұмыстарды атқарды. Түпкі бөлмесін өнерге арнап, балаларына концерт қоюға ықшамдап берген. Отбасында 9 бала тәрбиелеген. Барлығы да жоғары білім алған, өз мамандығының иелері. Отбасының тұңғышы –оташы Алдаберген Дүйсенбаев. Ширек ғасырдан астам медицина саласында адал еңбек етіп, халық ықыласына бөленуде.

Нағашылары күйші, әнші.

Ол 1962 жылы 1 қыркүйекте Жыңғылды жеріндегі В.Куйбышев атындағы сегіз жылдық мектеп-интернаттың бірінші класына оқуға қабылданады. Мектеп табалдырығын аттағанда алғашқы орындаған әні-«Алақай» еді. бітірген. Бастауыш сыныптардан бастап, өз бетімен домбыра тартып үйренеді. Ұстазы-күйші Серік Харесов, оның алғашқы тәлімгері. Ол ел ішіндегі той-жиындарда, отырыстарда домбыра тартып, ән салады.

Оның орындауындағы халық әндерінің дауыс сазы ерекше, тыңдаушысының құлағына жағымды жетіп, әсем әуезімен тербейтін. 1970 жылы В.И.Лениннің 100 жылдығына орай өткен облыстық фестивальға қатысып, лауреат атанды. Сыңғырлата орындаған әні-«Қоңырау».

1973 жылы Алматы қаласындағы қыздар педагогикалық институтының музыка факультетін бітірген. Студент кезінде «Айгүл» ансамбліне талантты жас бірден қабылданды. Ансамбль қандай еді? "Айгүл" вокалды-аспаптық халық ансамблімен өнер сапары

"Айгүл" - Қазақ мемлекеттік қыздар педагогика институтыныңвокалды-аспаптық халық ансамблі. 1968 ж. вокалды-аспаптық квартет түрінде құрылған. Репертуарынан қазақтың халық әндері, басқа ұлттардың ән-билері орын алды. 1975 жылы "Айгүлге" халық ансамблі құрметті атағы берілді. "Айгүл" гастрольдік сапармен бұрынғы одақтас республикаларды, шет елдерді Полшааны (1970), Югославияны (1973), Моңғолияны (1977), Германияны (1978),…