Айналасындағы бақытты балалар туралы балабақша материалы

«Айналайындағы» бақытты балалар

Жылыой ауданы, Құлсары қаласындағы «Айналайын» ясли бақшасында «Ұлттық ойын әлемінде» атты мәдени шара ашық аспан астында өткізілді. Мектеп жасына дейінгі балаларға ұлттық тәрбие беру мақсатында ұйымдастырылған бұл шара баланың жан-жақты дамуына оң әсер тигізетін, рухани жетілуі мен табиғи өсуінің алғы шарты еді. Халқымыздың ұлы ойшыл ақыны А.Құнанбаев «Ойын ойнап, ән салмай, өсер бала болама?»- деп айтқандай ойын ойнау арқылы ұлттық нақышты, ұлттық тәрбиені жеткізе білу тәрбиешілері Шонтыбаева А мен Амангаельдиева Г шараны нақышына келтіріп жүргізді.

Шара басында «Айналайын» ясли бақшасының меңгерушісі Шакирова С.М ашып берді. Ұлттық тәрбие жөнінде біраз жақсы сөздер айтты. Бұл шараны ұлттық киім киген балалар мен тәрбиешілер қыздыра түсті. «Қыз қуу», «Арқан тартыс», «Хан талапай», «Соқыр теке», «Қол күрес» ойындарын балалар ойнап қана қоймай, әр ұлттық ойындар туралы балаларға түсіндіріліп, ұлттық ойындар одан әрі қыза түсті. Ойын балаларға ұнағандықтан бірнеше рет қайталанды. Ойын ұлттық би мен әнімізбен жалғасын тапты. Ойын соңында балабақша меңгерушісі Шакирова С.М мен балабақша әдіскері Мушакулова С.Б сөз сөйлеп, осындай шаралардың тек наурызда ғана емес демалыс айларында да осылай ұлттық тәрбие беретін балаларға қазағымыздың ұлттық ойындарын дәріптейтін шаралардың жиі ұйымдастырып, өткізу туралы тәрбиешілерге ұсыныс берілді. Шара соңында естелікке фотосуретке түсірілді. Шара жоғары дәрежеде өтті.