Әкелер бізде қонақта мектепалды ашық сабақ жоспары

Әкелер, бізде қонақта!

Мақсаты:

-Ата-бабамыздан ұрпақтан-ұрпаққа беріліп келе жатқан ұлттық тәрбие туралы түсінік беру. Жанұя арасындағы байланыс, әкенің ұлға тәрбиесінің ықпалын айтып, балаларды бірін-бірі сыйлай білуге, қамқорлыққа, әдептілікке тәрбиелеу;

-ата-ананың балабақшамен байланысын дамыту, бала тәрбиесіндегі әке орнының ерекшелігіне назар аударту, әкелердің атқарар қызметі, жақсы үлгі өнегесі, сөйлеген сөзі, істеген іс-әрекеті, өсиет сөздері баланың болашақ өмір жолына көп үлес қосатынын ұғындырып, әке белсенділігін арттыру;

-ата-анаға құрмет сезімін нығайта отырып, егеменді еліміздің болашағы, өз елін жан- тәнімен сүйетін патриот бүлдіршіндерді тәрбиелеудегі әкелердің жауапкершілігін арттыру.

Түрі:әкелермен өткізілген пікірталас.

Көрнекілігі: Интерактивті тақта, слайдтар, суреттер, ақ бет, қалам, түрлі-түсті үлестірмелі қағаздар, қайшы, т.б.

Әдісі: сұрақ-жауап, сұхбат, ой қозғау, проблемалық сұрақ қоя отырып, ізгілендіру.

Жүру барсы:

Әке деген- тірегі ғой ғаламның

Әке деген- жүрегі ғой даламның

Әке деген-асқар тауы адамның,

Әкелерсіз бола бермес қалауың

Кіріспе:

Құрметті қонақтар, ата-аналар. Бүгінгі балабақшамыздағы «Нұржауған» тобындағы ата-аналармен жүргізілетін «Әкелер, бізде қонақта» атты дөңгелек үстелге қош келдіңіздер»!

Атам қазақ «Бала-адамның бауыр еті», «Балалы үй-базар» дейді. Өйткені, бала- өмірдің жалғасы, отбасының жалғасы, отбасының жеміс берер гүлі. Отбасы бұл қоғамның негізі. Баланың болашақта жақсы азамат болып өсуі, жан-жақты тәрбиелі болуы отбасында берілетін ұлттық тәрбиеге тікелей байланысты.

Бүгінгі дөңгелек үстелге «Нұржауған» тобы әкелерін шақырып отырмыз. Ендеше, олармен танысып алайық.

«Сәлеметсіздер ме, қонақтар- деп амандасып, жылы тілектерін жеткізді.»

Балалар қонақтарға арнап «Балабақша»,

«Жауқазын» т.б. тақпақтарын айтып берді.

Қрметті ата-аналар, қонақтар, бүгінгі ата-ана, оның ішінде әкенің бала тәрбиесіндегі орны туралы бүгінгі күннің өзекті тақырыбы жөнінде сіз болып, біз болып, ой бөлісейік.

«Дөңгелек үстел» мынандай сұрақтар төңірегінде өрбиді.

«Жеті атасын білген ер, жеті жұрттың қамын жер»

«Ата мұраң-асыл қазынаң»

«Халық тәлімі-тәрбие бастауы»

«Әке көрген- оқ жонар»

«Кім жылдам»

1 кезең. «Жеті атасын білген ер, жеті жұрттың қамын жер». Әр әке өзін- өзі таныстырады «Танысу» тренингі, «Көрші» жаттығуы, шаттық шеңберінде әкелердің тұруы.

2 кезең. «Ата мұраң- асыл қазынаң»

«Шардың құпиясы»-ойыны шарды жару арқылы ішіндегі мақал-мәтелдің жалғасын табу.