Құстар бізде қонақта ашық сабағы мектепалды даярлық

САДЫКОВА ГУЛЬНАЗИ АЛИМХАНОВНА

ӨСКЕМЕН ҚАЛАСЫ ӘКІМДІГІНІҢ «№100 БАЛАБАҚША- БӨБЕКЖАЙЫ»

2019 ЖЫЛ

Құстар бізде қонақта

Білім беру саласы: «Таным», «Коммуникация»,

Ұйымдастырылған оқу қызметінің бөлімі: «Қарапайым математикалық ұғымдарды қалыптастыру», «Сөйлеуді дамыту», «Құрастыру»

Тақырыбы: « Құстар бізде қонақта»

Мақсаты: Қарапайым математикалық түсініктер қалыптастыру, математикалық терминдерді қолдана білуге ынталандыру.

Міндеті: 10 көлемінде тура дәне кері санау. 6 көлеміндегі сандарды тану және атай білу.

Заттардың ұзындығын, биіктігін, жуандығын, енін анықтап, шамасына қарай өсу, кему ретімен орналастыра білу.

Геометриялық пішіндерді; үшбұрыш, шаршы, тіктөртбұрыш, сопақша, шеңбер тану, атай білу, құрастырымдар құрастыра білу.

Кеңістікті бағдарлай білу дағдыларын қалыптастыру.

Апта күндерін, жыл мезгілдерін ретімен атай білу.

Қыстап қалатын құстарды тану, аттарын, ажырата , олар туралы жұмбақтар шешіп, тақпақтар айта білу.

Зейінді, есті, қабылдауды дамыту.

Өз іс- әрекетінің нәтижесін көре білуге, құстарға қамқорлық жасай білуге тәрбиелеу.

Әдіс-тәсілдер: сұрақ-жауап, әңгімелеу, жұмбақ шешу, тақпақ айту, дидактикалық ойын, ғажайып сәт.

Көрнекі құралдар: Жыл құстарының суреттері, дидактикалық ойындар көрнекіліктері, ағаш , 1-10-ға дейінгі цифрлар, +,-, = таңбалары, сюжетті суреттер.

Алдын ала жұмыс: Жыл құстары туралы түсінік қалыптастыру, тақпақтар жаттау.

Үштілділік компонент: Қарға- ворона- crow, көгершін- голубь- pigeon, торғай- воробей- sparrow, тоқылдақ- дятел- woodpecker, сауысқан- сорока- magpie. Бір- один- one, екі- два- two, үш- три- three, төрт- четыре- four, бес- пять- five, алты- шесть-six, жеті- семь- seven, сегіз- восемь- eight, тоғыз- девять- nine, он- десять- ten. Жемсауыт- кормушка- feeder.

Мотивациялық-қозғаушылық:

Шаттық шеңбері:

Кел достарым, келіндер,

Қолдарыңды беріңдер.

Шаттық толы шеңберге,

Шақырамын сендерді.

Д/О «Кім көп біледі?»

Мақсаты: Ауа- райын сипаттату, яғни күннің суық, айнала аппақ қар басып жатқанын айтқызу. Бұл қыс мезгілінің ерекшеліктері екенін, сондықтан қазір қыс мезгілі екенін өздеріне тұжырымдату. Төрт жыл мезгілі болатынын және оларды ретімен атату. Бүгін, кеше, ертең аптаның қай күндері екенін және апта күндерін ретімен айтқызу. Байланыстыра сөйлеу дағдыларын дамыту.

Терезені біреу тоқылдатқандай дыбыс естіледі:

Тәрбиеші: Балалар, естисіңдер ме, біреу терезені тоқылдататын секілді.

Ендеше сендерге мен жұмбақтар жасырамын,сендер дұрыс шешсеңдер терезені кімдер тоқылдатып тұрғанын білетін боламыз.

Жұмбақтар жасыру:

Тақылдатып,

Мазаны ап,

Ағаштарды тазалап,

Ормандарды емдейдi,

Зиянкестi жазалап. (Тоқылдақ)

Айтамын бір жұмбақты сізге нұсқап,

Басына бөрік киер, құндыз ұстап.

Үстіне ақ камзолын киіп алып,

Жүреді екі қолын артына ұстап. (Сауысқан)

Қара түстi қарқылдақ,

Ұшып-қонып жалпылдап.

Қоқыстарды шоқиды,

Жем iздейдi там-тұмдап. (Қарға)

4. Қанат қағып шарықтап, Мұхит асыпқалықтап, Шарлап бүкіл әлемді, Шаттандырып әр елді Бейбіт күнге сән болған, Бұл қандай құс ән болған? ( Көгершін)

-Балалар жұмбақтардың шешімі нелер болды? Қане біз оларды іздейікк Сендер ана терезе жақтан қараңдар, мен мына жақтан қарайын деп, балаларға байқатпай топ ішіндегі қыстап қалатын құстар суреттері жапсырылған ағаштың екінші жағы айналдырып қояды.

-Балалар, қараңдар жаңағы құстар мына ағашқа келіп қоныпты.

Ұйымдастырушылық- түзетушілік:

Д/о «Құстарды таны»

Мақсаты: Ағаштағы құстарды тану, аттарын атату, олардың құстап қалатын құстар екенін айтқызу.

Қарға- ворона- crow, көгершін- голубь- pigeon, торғай- воробей- sparrow, тоқылдақ- дятел- woodpecker, сауысқан- сорока- magpie.