Аквариумдағы балықтар тақырыбындағы ашық сабақ жоспары

«Балбөбек» ортаңғы тобының ұйымдастырылған оқу іс – әрекетінің

технологиялық картасы

Білім беру саласы: «Шығармашылық»Бөлімі: Жапсыру.Тақырыбы: «Аквариумдағы балықтар»

Мақсаты: аквариумда балықтар, ұлулар, өсімдіктер болатыны туралы түсіндіру; балалардың елестете білу қабілеттерін дамыту. Тілдерін дамыту. Саусақтың ұсақ бұлшық еттерінің қозғалысын

жетілдіру. Табиғатты аялауға тәрбиелеу.

Алдын - ала жүргізілетін жұмыс: балықтар туралы әңгімелесу, суреттерін көрсету.

Әдіс - тәсілдері: Түсіндіру, баяндау.Қостілдік құрам: балық- рыба, су- вода.

Қажетті көрнекі құралдар: Табиғат бұрышындағы аквариум, ойыншық балықтар мен ұлулар, дайындамалар- қызыл тіктөртбұрыш және сары түсті шаршылар қайшы, желім-қарындаш, сулық, үлестірмелі материалдар.

Тәрбиеші:Кужасова А.Е.

Оқу іс –

әрекетінің

кезеңдері

Педагогтің іс әрекеті

Балалардың іс – әрекеті

Мотивиациялық – қозғаушылық

Ғажайып сәт:

Топқа алтын сандықты көтеріп әкеледі. (Сандықтың ішінде аквариум, ойыншық балықтар мен ұлулар бар.)

Қуаныштарын білдіреді.

Ұйымдастырушылық- ізденістік

Тәрбиеші жұмбақ жасырады.

Төртбұрыштың шыны үй,

Терезесі жоқ, іші толы су.

Осы үйдің тұрғындары

Шетінен шебер жүзгіштер.

Басса ізі жоқ,

Жүрсе, жолы жоқ.

- Бүгінгі аквариум және оның тұрғындары туралы әңгімелесеміз. Қараңдаршы, балалар, бұл- су асты әлемі.

- Балалар, аквариумның түбінде не бар?

- Олар не үшін қажет?

Сөздік жұмыс: ұлу, қабыршықтар.

Сергіту сәті:

Суда балық жүзеді,

Суда өмір сүреді.

Айнадағы бейнедей

Қимылдарды қайтала

Оңға, солға бұрылдық.

Алға, артқа иілдік.

Тіземізді бүктіріп,

Қолды создық тік тұрып.

- Ал енді балықтарды талдайық.

Қандай балықтарды білесіңдер?

- Балалар, аквариумда бірдей балықтар бар ма?

- Олардың бір-бірінен айырмашылықтары неде?

- Барлық балықтарға ортақ не бар?

- Балықтраға суда жүзуде не көмектеседі?

- Білесіңдер ме, балықтар көзін ашып ұйықтайды. Өйткені олардың қабағы жоқ.

- Балалар, балыққа қабыршық не үшін қажет?

- Дұрыс, судың түбінде жүзгенде балық жаралануы мүмкін, ол балықтың денесін қорғайды.

Қостілдік құрам: балық- рыба, су- вода.

Ойын: «Балықты көркемде». Балаларға балықтар мен қабыршақтар таратылады.

Үлестірмелі материалға назарларын аударады, суреттерді қарау ұсынылады.

Тәрбиеші жұмысты жасау ретін түсіндіреді, көрсетеді.