Алақай, қыс келді тақырыбындағы балабақша материалы

Ұйымдастырылған оқу іс-әрекетінің қызметі

«Қызғалдақ»тобы

Білім беру салалары: таным,.

Бөлімі: ҚМҰҚ.

Тақырыбы: Адасқан сандар мен пішіндер.Пән аралық байланыс:Сурет, құрастыру,сөйлеуді дамыту.

Мақсаты: балаларды геометриялық пішіндерді тануға және атауға түстерін ажыратуға үйретуді жалғастыру. Үш көлеміндегі сандарды санауға үйрету. Сандарды тура және кері санау.

Міндеттері: геометриялық пішіндер туралы білімдерін дамытуды жалғастыру: шеңбер, шаршы, үшбұрыш; көру және ұстап көру арқылы пішіндерді зерттеуді жалғастыру, оларды қоршаған ортадан табуға баулу; есту және көрулерін дамыту, логикалық ойлауын дамыту; балалар арасында достық қарым-қатынасқа, сабаққа қызығушылыққа баулу.

Күтілетін нәтижелер:

біледі: Таныс геометриялық пішіндерді: шеңбер, шаршы, үшбұрышты; 1,2,3 сандарын тура және кері санау.

түсінеді: қоршаған ортадағы кейбір заттар геометриялық пішіндерге ұқсайтынын; қолданады: көру және ұстау, нүкте бойынша бастыру арқылы пішіндердің пішінін анықтау дағдысын.

Құрал-жабдықтар мен материалдар: Геометриялық пішіндер: шеңбер, шаршы, үшбұрыштың макеті, музыка; үлестірмелі материалдар бояулар, бала санына қарай геометриялық пішіндер салынған табақ.

Сөздік жұмыс: Шеңбер, үшбұрыш, шаршы.

Билингвальды компонент: шеңбер – круг, үшбұрыш– треугольник, шаршы – квадрат.1.2.3.Один,два,три

ҰОҚ-нің барысы

Ұйымдастыру кезеңі.

Балалар қазір жылдың қай мезгілі?

Күз мезгілінде неше ай бар?

ҚР. Президенті кім?

Ұлтымыз кім?

Қай тілде сөйлейміз?

Рәміздерімізді атайық?

Негізгі кезең.

Балалар біз қазір «Қызықты математика еліне» саяхатқа шығайық Сендердің саяхатқа шыққыларың келеме?. Онда бізді көптеген сыйлықтар күтіп тұр екен, сол сыйлықтарды алайық. Саяхатқа шығу үшін біз пойызға мінеміз.

Балалар біз пойызға міну үшін не керек?

Билет керек.

Дұрыс айтасындар!

Балалар біздің билеттер геомериялық пішіндермен белгіленген. Қандай пішіндерді алсаңдар, сол пішін орналасқан вагонға отырасыңдар. Ал балалар саяхатымызды бастайық...

Пойызға отырамыз.

Пшш – пшш – пшш біз кеттік,

Жүрісті үдеттік гу – гу – гуілде,

Қалып қойма бірінде.

Қане, балалар тоқтайық. Пыш – пыш – пыш.

Ой балалар мына жерде әдемі сандық тұр екен, мүмкін сыйлықтар осы сандықтың ішінде шығар, қарайықшы. Ішінде хат тұр екен. Қане мен ашып оқиын,

Хат.

«Балалар сендер сыйлықты алу үшін көптеген тапсырмаларды орындауларын керек, егерде дұрыс орындасаңдар сонда ғана сыйлықты ала аласындар.»делынген.

1.Тапсырма: «Пішіндерді ажыратып, түстерін атау.»

2. Тапсырма: «Пішіндерді белгілі сызықтардан шығармай бояу!»

Сергіту сәті:

Алға қарай бір адым,

Артқа қарай бір адым,

Жоғары қарап, аспанды көрдім.

Төмен қарап, жерді көрдім,

Алға қарай бір адым,

Артқа қарай бір адым,

3.тапсырма: Сандарды тура және кері санау.

Логикалық ойлауын дамыту

Қоянда неше құлақ бар?

Аюда неше бас бар?

Балық қайда өмір сүреді?

Малдар не жейді?

4. тапсырма: «Мнемо арқылы тапсырмаларды орыңдау.»

Адасқан пішіндерді тауып құрастыру.

Сендер берілген тапсырмаларды дұрыс орындадыңдар.

Қараңдаршы топта әр түрлі пішіндерге ұқсайтын заттар барма?

Сендер немен таныс болдындар?Пішіндер,сандармен.Балалар қайталайды.

Балаларға сыйлықтарын беріп пойезға мініп топқа оралу.

Балалар сендерге оқу іс-әрекеі ұнадыма?

Пойызға отырамыз.

Пшш – пшш – пшш біз кеттік,

Жүрісті үдеттік гу – гу – гуілде,

Қалып қойма бірінде.