Алақай, қыс келді оқу қызметінің жоспары

Бекітемін: Күні: 20 - 24 желтоқсан, 2021 жыл

Тобы: Ақкөгершін, Бәйтерек, Ақсұңқар

Ересек топтағы ұйымдастырылған оқу қызметінің

технологиялық картасы

Білім беру саласы: Шығармашылық

Ұйымдастырылған оқу іс - әрекет түрі: Сурет

Тақырыбы: Алақай, қыс келді!

Мақсаты: Балалардың алғашқы табиғи құбылыстарға қуана білуіне ықпал ету. Қоршаған ортаға- үйлерге, заттарға, ағаштарға, жерге қарай қардың қалай әдемі болып жауатындығын бақылату. Таяқшаларды пайдаланып тіс пастасымен қар салуды үйрете отырып, қызығушылықтарын арттыру. Табиғатқа деген сүйіспеншілік сезімін тәрбиелеу.

Қолданылатын көрнекі құралдар: Демонстрациялық материалдар,альбом, тіс пастасы, таяқшалар.

Сөздік жұмыс: алғашқы қар, ұлпа қар, жеңіл, үлпілдеген.

Іс- әрекет кезеңдері

Педагогтың іс- әрекеті

Балалардың іс- әрекеті

Мотивациялық- қозғаушылық

- Сәлеметсіздер ме, балалар!

- Көңіл күйлерің қалай?

Жылулық шеңбері.

Балаларды терезенің алдына шақырып даладағы жауып тұрған қарды бақылату. Содан соң орындарына отырып, суреттерге көңіл бөлуді сұрайды. Суреттерде нені көргендерін айнала қоршаған ортада жыл мезгіліне байланысты болып жатқан өзгерістер жайында әңгімелеседі.

Сәлеметсіз бе!

Балалар терезенің алдына келіп, жауып тұрған қарды бақылайды, өз ойларын айтады.

Көптеген үйлерді, ағаштарды, жолдарыды, машиналарды барлығының үстін қар жауып қалған. Айнала аппақ тып тыныш әдемі.

Ұйымдастырушылық- ізденушілік

Қар қандай болады?

Қай мезгілде жауады?

Қысқы орман көріністерін көрсету.

Сөздік жұмыс жүргізіледі.

Ұлпа қарды көз алдарына елестетіп, тыныс алу жаттығуларын жасату

Альбоммен жұмыс:

Балаларға үлгі сурет салынған дәптерлер таратады. Дәптерлеріне алғашқы жауып тұрған қарды сүйкеп жағу тәсілімен салғызады. Бұлттардан жапалақтап жауып келе жатқан қарды қылқыламмен, жерде жатқан қарды тіс пастасымен салу жолдарын түсіндіреді.

Сергіту сәті:

Қар жауыпты далаға,

Қар жауыпты қалаға.

Сырғанаймыз енді біз,

Отырып ап шанаға.

Қар ақ болады.

Қыс мезгілін жауады.

Күн суытады.

Сөздік жұмысында жеңіл, үлпілдеген, ұлпа қар, бүгін алғашқы қар жауды деген сөздерді қайталап айтады.

Балалар осы жеңіл де ұлпа ақ қарды алақандарына ұстап дереу еріп кетпесін деп ұшырып жіберіп, тыныс алу жаттығуларын орындайды.

Таяқшаларын тіс пастасына ақырындап малып, қағаз бетіне сүйкеп жағу арқылы қардың суретін салады. Төмпешіктеріне қардың суретін нүкте тәрізді жағып, үйіп қояды.