Әлемнің шырағы ашық сабағы студенттерге арналған

Ұстаз еңбегімен – ұлық!

Жүргізуші: Армысыздар құрметті де аяулы ұстаздар!

Құрметті де қымбатты, Аяулы да ардақты

Ақылды да салмақты, ойлайтұғын жан-жақты

Сөзі маржан, ойы дана қадірлі ұстаздар

Бүгінгі төл мерекелеріңіз құтты болсын.

Барлық шәкірттеріңіздің атынан сіздерге зор денсаулық, мәнді де сәнді пәкте, мөлдір ғұмыр, ұстаздық еңбектеріңізде қайрат пен творчестволық табыс тілейміз.

2-жүргізуші: Ұстаз деген - жарық күні ғаламның,

Ұстаз деген – анасы ол адамның.

Бүкіл әлем мойындайды еңбегін,

Сен де одан адам болып жаралдың.

Ұстазыңды түсіндің сен тереңнен,

Бар әлемге еңбегімен еленген.

Сенің бағың өрге қарай өрлесе,

Ол да бірге қуанышқа кенелген.

Сол арқылы сен де өмірді жалғадың,

Ізгі іс қой ұстаз тілін алғаның.

Мақтау алсаң ұстаздардың алдында,

Ол өзінің орындалған арманың.

Ұстаз сөзін айтып жүрдік ән қылып,

Одан басқа жүрген кім жанды ұғып?!

Ұстаз деген - ұлылардың ұлысы,

Қасиетке бас иелік мәңгілік!

1-жүргізуші: Ұстаз – ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.

«Ақырын жүріп анық бас,

Еңбегің кетпес далаға.

Ұстаздық еткен жалықпас

Үйретуден балаға» деп Абай атамыз айтқандай, шәкірттерінің өзінен озғанын қалаған ұстаздар қауымы, мерекелеріңіз құтты болсын.

2-жүргізуші: «Ұстаз болу – жүректің батырлығы,

Ұстаз болу – сезімнің ақындығы,

Ұстаз болу – мінездің күншуағы,

Азбайтұғын адамның алтындығы» деп ақын Ғафу Қайырбеков жырлағандай сөзі маржан, ойы дана ұстаздардың бар болғанын мақтан етеміз. Әрине, ұстаз жүгі ауыр жүк. Ұстаздардың әсерлі үнмен, асықпай мәнерлеп сөйлеген сөзінен әрбір оқушыға деген қамқорлықтың, жауапкершіліктің және дана ойдың ыстық лебі есіп тұрғандай. Иә, адамның жан дүниесін түсініп, ренжітпей қателігін сездіре білу бұл нағыз шеберлік емес пе?!

Ұрпақ тәрбиесі ұстазға байланысты. «Ұядан не көрсең, ұшқанда соны ілерсің», өнегелі ұстаздан жақсы шәкірт шығатыны сөзсіз.

Мәлік Ғабдуллин «Мұғалім өзінің білімділігімен, жайдары мінезімен, тіпті сырт пішіні, киген киімімен де оқушысына жақсы әсер етеді» депті.

«Ұстаз болу өзгенің бақытын аялау, өз уақытын аямау», ұстаздық қызметтің бұдан артық анықтамасы болмас!

Баланың өмірге танымал, оқуға құштарлығын оятып, дұрыс бағыт сілтеген ұстаздың еңбегі сол баланың бақытты өмірімен де есептелмес! Ал біздің арамызда мұндай ұстаздар қаншама! Сондықтан да Сәбит Мұқанов «Бұл адамның ардақты аты» деп жыр жазған.

1-жүргізуші: Данышпан да, дана да оқып сенен

Атақ даңқын асырды бар әлемнен

Ұстаз деген аяулы асыл жанды

Жақсы көрем арнаймын жақсы әнді

Ән: Орындайтын: БА 15-9 тобының студенті Семен Аружанның «Ұстазым» әні.

2-жүргізуші: Ұрпақпен өмір жолы жалғанады,

Көңілді күндер тусын алдан әлі

Ән шашу – әсем әуен түрлі өнер

Бүгінгі күн сіздерге арналады.

Ұстаздар туралы ақындарымыздың өлең-шумақтарын сіздерге арнаймыз.

1-жүргізуші: БА 15-9/1 тобының студенттері.

1-студент: «Ұстаз үні»

Жазатын білімдегі жаңалыкты,

Тәрбие, асыл мұра, даналықты,

Қадамың құлты болсын, «Ұстаз үні»,

Мазмұнды басылым бол дара мықты.

Әрбір ұстаз - тәжірибе мұнар тасы,

Қаланған ізденумен құмар тасы.

«Ұстаздан» озат үлгі үйренеді

Шығатын шыңға биік шынар жасы.

Күш-жігерін жарқын іске арнаған,

Ой-санасы кең әлемді шарлаған.

Төл басылым бағалайды ұстазды

Үйренуден, үйретуден талмаған.

Жас жүрекке білім дәнін себетін,

Күтіп-баптап білім талын егетін.

Ұстаздардың, ұлылықтың дарханы,

Төл үнісің жетістігін теретін.

Студент: Шәкірттеріме

Көңілі көкжиек тұтас,

Пейілі бейне бір жақұт.

Әлемнің шырағы - ұстаз,

Өмірдің шуағы - шәкірт.

Білімі тасыған нұр да,

Ілімі тараған — шуақ.

Ұстаздың айтқанын тыңда,

Қылығын істеме бірақ.

Шәкіртін баптаған көсем,

Құятын білімнің нәрін.

Далада қалмаймын десең,

Ұстазды құрметте бәрің.

Ұстазды құрметте бәрің,

Ұстазың – ақылшың, панаң.

Ұстаздан табасың бәрін,

Бермеген нәрсені анаң.

Берері ұстаздың сол-ақ:

Ол – білім, алынбас бір шың,

Шәкіртім, білімді ұнат,

Білімсіз ғұмырың құрысын.

Білімің – бақытың, бағың,

Байлығың, өмірлік нұрың.

Адамдық мінездің тағын

Әкеліп беретін білім.

3-студент: Ұстаздың «ұстаз» болды арман әні,

Барады қорғасын боп салмақ әлі.

Еңбегі ұшан-теңіз, ұлы мақсат

Елімнің ертеңіне арналады.

«Ұстазым» ауыл елді аралады,

Ғылымның жаңалығын саралады.

Асыға күтетұғын сағыныштай,

Мың сан боп облысқа таралады.

Педагог қарекетін үгіттеген,

Қараймыз ертеңіне үмітпенен.

«Мұғалім — мәртебелі мамандық» деп

Баға алған нақ төреші сүйікті елден.

Жаңалык, нәтижемен таныстырған,

Тілдеу мен төмендеуден алыс тұрған.

Ғылым мен әдістеме көмек беріп,

Ауылды қаламенен табыстырған.

Ұстаз мерейі мен ана мерейі егіз.

Ұстаз пейілді болса, шәкірт зейінді келеді.

Өмірдің сәні - ұлы ұстаз.

4-студент: «Ұстаз»

Кәсіппен көкке өрлер қыранымдай,

Ұстаздың «ұстаз» бейне тұмарындай.

«Ұстаздар армиясы» қандырып шөл,

Сусындар мөлдір таза бұлағыңдай.

«Ұстаздық» мәртебесі арта бергей,

Айнымай тура жолдан тарта бергей.

Ұстаздар — халқымыздың шарайнасы,

Ұрпақ деп күш-жігерін сарқа бергей.

«Ұстаздың» ұзақ болсын өмір жасы,

Кезігер жолда талай дос пен қасы.

«Ұлы көш жүре бара түзеледі»,

Домалар әл-ақ ертең ерге тасы.

Алқа топ - жақсылар мен төрелерім,

«Ұстаздан» жайсаңдарды көреді елім.

Биіктің Туы биік желбіресе,

Ұғады бар тірліктің көгерерін.

1- жүргізуші: «Крези» тобының биі

2-жүргізуші:

Ұстаз – ана талай жасты өсірген,

Мақтан етіп қуанышын, қателігін кешірген.

Кетсең дағы арман қуып қияға,

Ұстаз – мектеп кетпес мәңгі есіңнен.

Ұстаз туралы ұлағатты сөздер.