Әлеуметтік педагог жұмысының жаңа нысандары

Әлеуметтік педагогтың оқушылар мен ата – аналармен жүргізетін жұмыстарының жаңа нысандары.

Бәрімізге белгілі отбасы тәрбиесі мен мектептегі тәрбие бір – бірімен өзара тығыз байланысты. Үйде баланың бас ұстазы ата – анасы. Бүгінгі күні ата – аналар мен ұстаздар алдында тұрған басты міндет – балаға кішкентайынантүзу тәрбие беру, еліміздің салауатты, сауатты да саналы, инабатты, адамгершілігі мол тұлға тәрбиелеу.

Бала тәрбиесінде мұғалім мен ата – ана ең алдымен баланың мінез – құлқын бақылап, оның күнделікті айналысатын ісіне бағыт – бағдар беріп, жиі әңгімелесіп, мектептегі әртүрлі қоғамдық жұмысқа белсенді қатысуына ықпал еткені жөн. Ал үйде әрбір ата – ана балаларының бос уақытын қалай өткізетінін жете қадағалап отыруы қажет. Адамды адам ететін қоршаған орта және тәлім – тәрбие десек, мектеп жасындағы балалардың тұлғалық ерекшеліктерінің қалыптасуына ата –анасы, отбасылық қарым – қатынас отбасылық психологиялық ахуалының маңызы зор екенін естен шығармаған жөн.

Ата – ананың киім кию, сөйлеу мәдениетінің жоғары болуы, өзгеге деген ілтипаты, үй ішіндегі тазалық пен тәртіп, сыпайы мінез, мейірімділік, төзімділік, балаға сүйспеншілік тәрбие барысында өзінің оң нәтижесін берері анық. Баланың үйде көргені, ата – анасынан, жақын туыстарынан естігені ол үшін тәрбиенің ең үлкені. Осы тұста ата – ананың жалпы мәдени дәрежесінің деңгейі жоғары болуы қажет.

Жалпы отбасының негізгі міндеттері мынадай қосымша ұсынамын:

Баланың үздіксіз дамуын қадағалап отыру;

Баланың денсаулығына қамқорлық жасау;

Баланың оқуына көмек беріп отыру;

Еңбек тәрбиесі және мамандық таңдауға көмектесу;

Баланың жан – жақты дамуына көмектесу;

Баланың қызығушылығын, бейімділігін, шығармашылығын дамыту;

Баланы өзін – өзі тәрбиелеуге, өзін – өзі дамытуға дайындау;

Балаға жыныстық тәрбие беру, болашақ өмірге дайындау.