Алғыс айту парызым тақырыбындағы іс-шара мақаласы

Қазақ халқына мың алғыс!

Елбасының «Мәңгілік Ел» жалпыұлттық патриоттық идеясының, қазақстандық бірегейліктің негізі – еліміздегі барлық ұлт пен ұлысты бір шаңырақ астына топтастырудың арқауы болған 1-наурыз «Алғыс айту» күні. Елімізде тыныштық пен үндестік, өзара сенімділік пен барлық қазақстандықтарға деген құрметтің орнығуына негіз болған Президенттің бейбітшілік пен келісім саясатының салтанатты күні.

Мерекелік күнге орай Алматы қаласы Медеу ауданы әкімдігінің бастамасымен Елбасының «Рухани жаңғыру» бағдарламасының іске асыру мақсатында 172 мектеп-гимназиясының басшылығымен 3 сынып жетекшілері оқушыларды ұйымдастыра отырып «Қазақ халқына мың алғыс!» атты мерекелік іс-шара өткізді.

Іс-шара барысында алғаш сахна шымылдығын Қуантай Ділмұрат пен Гүлжан Жайлауқызы жетекшілік еткен 3 «И» сынып домбырашылары «Нәрағаш» күйімен ашты. Алдибекова Гүлжазира Молдабекқызы жетекшілік еткен 3 «Ә» сынып оқушылары «Құрт-қайырымы мол асыл тас» көрінісін керемет сахналанды. Күштеп жер аударылған өзге ұлт өкілдерінің қазақ халқының көрсеткен мейрімділік пен ақ көңілдігі, қолда барымен бөлісіп, көмек көрсеткендігін сомдап көрермен жұрттың жүрегін елжіретті. Сахнада оқушылар украин, белорус, түркімен, түрік ұлттарының ұлттық билерін билеп, әндерін шырқады. Ары қарай мереке оқушылардың Аллаға, Отанға, ата-анаға, ұстазға деген алғыстарын ән, бимен жеткізді. Мектеп басшысының ұйымдастыруымен қонаққа келген көпбалалы ата-аналарға көтеріңкі көңіл күй мен сыйлақтар тарту етілді.