Алтын адамның тарихи маңызы туралы мақала, 10-сынып

«Алтын Адам» Тәуелсіз Қазақстанның символы

Н.Ә.Назарбаев:«Ұлы даланың жеті қыры» атты мақаласындағы:Ұлт тарихындағы кеңістік пен уақыт

атты бірінші тарауда,еліміз үшін ғана емес,әлемдік

маңызы зор «Алтын Адам» туралы айтылады

«Алтын Адамның» ел тарихындағы маңызы қандай?

Алтын Адам- тек қазақ тарихында ғана емес,әлем тарихында да маңызды орын алатын, теңдесіз тарихи жәдігер. Елбасы Н.Ә.Назарбаев өзінің «Ұлы даланың жеті қыры» атты мақаласында да:-«Кішкентай кезімде анам үйге энциклопедия кітаптар әкелуші еді.Қатты қуанып,кітаппен таныса бастадым.Сол кездегі бірден көзге түскен Алтын Адам бейнесі әлі есімнен кетпейді.Сол кезден бастап тарихқа деген қызығушылығым арта түсті»,-деп Алтын адамды ерекше атап өтеді. Алтын Адам- барлық жас ұрпақтың тарихқа деген қызығушылығын оятатын бірден-бір құнды жәдігер. Алтын Адамның табылуы мен зерттелуінің өзі кез-келген адамды қызықтырады. Расында да, мысалы: Алтын Адамның ең алғашқысы- Алматының Есік қаласынан табылды. Тіпті, қазіргі таңда елімізде бұдан бөлек алты Алтын Адам табылған. Олардың әрқайсысы еліміздің әр бөлігінде. Ал сол қалған Алтын Адамдардың зерттелуі мені де қатты қызықтырады. Жалпы, алтын дегеніміздің өзі- тек байлықтың ғана емес,сенім мен тұрақтылықтың да белгісі болып табылады. Біздің ата-бабаларымыздың алтын өңдеу техникасын жақсы меңгергендігін байқай отырып, байлығының тасқандығы емес, бүгінгі таңға дейін өзінің әсемдігімен таңқалдыратын өнерінің асқандығын көреміз.

«Алтын Адам,

Алтын Адам...

Адам жоқ!

Алтын қалған жарқыраған.

Шежіремді ұрлапты,

Зулапты күн,

Ғасырлардан бір ызың тыңдап тұрмын.

Алтын Адам шынымен қазақ болса,

Білген екен құнының қымбаттығын!!!»,- деп ақиық ақын Мұқағали Мақатаев жырлап, өлеңге қосқан Алтын Адам табылғалы біраз жылдар өтсе де, оны зерттеу әлі күнге дейін жалғасып келеді. Және Алматының орталық музейінде Есік қаласынан табылған Алтын Адамның зерттелу сәті фотосуреттермен бейнеленген. Алтын Адам мүсіні тек Алматыда ғана емес, Еліміздің басқа қалаларының музейлерінде де орнатылған. Менің ойымша, бұл да бір қуантарлық жағдай. Ал қазіргі таңда Алтын Адамның әлем музейлерінде де алар орны ерекше. Мәселен, Қазақстан мен Ресей екі жақты ынтымақтастықты жан-жақты дамытып келеді. Соның бірі «Алтын Адамның әлем музейлеріне шеруі» халықаралық көрме жобасы. Жоба мақсаты: шет елдерге Алтын…