Алтын балық ертегісіне арналған балабақша тәрбие сағаты

Логопедиялық сабақ

АШЫҚ САБАҚ

А.С. Пушкин «Балықшы мен балық»

Логопед-мұғалім : Жугембаева Л.Т.

Сабақтың тақырыбы: «Балықшы мен балық» авторы: А.С.Пушкин

Сабақтың мақсаты: 1. Білімділік. Ертегінің мазмұнын түсіну , мәтінде кездесетін сөздер арқылы балалардың «р» және «л» дыбыстарын анық, дұрыс айтуларына тілдерін жаттықтыру және әріптердің жазылу емлесінің дұрыс орындалуын үйрету, сөйлемді толық айта білуге , бір-бірін дұрыс тыңдай білуге және диалог бойынша сөйлеуге қалыптастыу.

2. Дамытушылық. Балалардың тілін дамыту, сөздік қорларын молайту, ертегінің желісі бойынша рөлдерде ойнау, есте сақтау қабілеттерін дамыту, кітап оқуға және ертегілерді білуге деген қызығушылықтарын дамыту.

3.Тәрбиелік: ертегі кейіпкерлерінің іс-әрекеттері арқылы балаларды қайырымдылыққа, өзара достыққа, жақсылықтар жасауға және қанағатшыл болуға тәрбиелеу, табиғатты қорғауға тәрбиелеу.

Пәнаралық байланыстар: дүниетану, еңбекке баулу, ана тілі пәні.

Әдіс-тәсілдері: түсіндіру, сұрақ-жауап, ойын, жаттықтыру, мадақтау.

Сабақтың көрнекілік-құралдары: айналар, әріптер кесінділері, ұршық, үй, астау, қармақ, тор, ойыншық балық, суреттер, музыка.

І. Ұйымдастыру кезеңі

Оқушылармен амандасу. Шаттық шеңбер.

«Амансың ба, көк аспан,

Амансың ба, алтын күн!

Амансың ба, достарым

Сендерді көрсем, қуанам!!! »

Логопедиялық артикуляциялық жаттығулар жасау:

«Бақа» , «Піл» , «Томпақ бала» , «Әткеншек»

Дауыс ырғағын келтіру : А - О - У , А - О - У, А - О – У

Саусақтың ұсақ мотроикасын дамытуға арналған жаттығулар жасаймыз

(орман жаңғағының көмегімен және қолға арналған қысқыштар, ермексазбен жасау, жаттығулар орындау)

Балаларды мотивациялық ынталандыру үшін балықтар туралы қызықты ақпараттар айтамын. «Балықтар негізінен судағы тіршілікке бейімделген жануарлар. Олар жүзу жағынан өзге жануарлардан асып түседі, балықтар өкпе арқылы емес, желбезек арқылы тыныс алады. Балықтар тұзды сулар (мұхиттарда) сонымен қатар, тұщы суларда (өзен, көлдер мен су қоймаларында) тіршілік ете алады. «Жыланбалық» деп аталатын балықтың түрі бар, олар да тұщы суда және ащы суда тіршілік ете алады. Теңіз балықтары, тұщы судағы балықтарға салыстырғанда ірілеу болады.

ІІ.Негізгі бөлім:

1-ші көрініс: Ертегі басталғанда балықшының үйі, үйдің алдында балықшының кемпірі ұршық иіріп отыр, кемпірдің қасында тесік астау.

Шал қармағын алып теңізге қарай бара жатыр.

2-ші көрініс: Шал қармағын теңізге салып, күтіп отыр. Шалдың қармағына біріншіде балдыр-шөп ілінеді,екіншіде жай шөп-шалам ілінеді, ал үшіншіде оның қармағына балық ілінеді, балық жай емес, алтын балық…